1 पतरस 3:18 - सादरी नवाँ नियम

¹⁸ मोंय इ कहोना काले कि मसीह हों हमरे केर पापमन केर खातिर दुःख सहलक आउर मोइर गेलक। उ बस एक बेर मोरलक उके दोबारा फिन से मोरेक केर जरुरत नखे, उ एगो धरमी आदमी रहे जे पापी आदमीमन लगिन मोरलक कि उ हमरे के आबा परमेश्‍वर में लेगेग पारोक, उमन उकर काया के तो माइर मोरालैं मगर परमेश्‍वर उके पवितर आत्मा केर शक्ति से फिन से जिंदा काइर देलक।

1 पतरस 3:18 Iomraidhean Croise

मत्ती 27:19

जब उ फैसला करेक केर कुरसी में बइठल रहे तो उकर जनाना उके कइह भेजलक, “तोंय उ बेकसूर आदमी केर गलत फैसला ना करबे, काले कि मोंय आइज सपना में उकर खातिर ढेइर दुःख उठाय हों।”

मत्ती 27:24

जब पिलातुस देखलक कि यीशु के बचाएक लगिन कोनों नी बनाथे, मगर इकर उल्टा गूल-गंजाइर बढ़ते जाथे, तो उ पानी मंगाय के भीड़ केर आगे हाँथ धोई के कहलक, “मोंय इ धरमी आदमी केर लोहू से निरदोष अहों, तोहरेमन हें इकर जिम्मेदार हेका।”

यूहन्ना 16:10

आउर धरमी बनेक केर बारे में इ बताई कि मोंय आबा परमेश्‍वर ठिना जाथों। आउर तोहरेमन मोके फिन देखबा,

खास चेलामन केर काम 22:14

तब उ मोर से कहलक, ‘हमर बाप दादामन केर परमेश्‍वर तोके इ लगिन चुइन हे कि तोंय उकर इच्छा के जानबे आउर उ धरमी यीशु के देखबे आउर उकर आवाज के सुनबे।

खास चेलामन केर काम 3:14

तोहरे यीशु के ठुकराय देला, जे पवितर आउर धरमी रहे आउर बिनती करला कि एगो हत्यारा के तोहर लगिन छोइड़ देवल जाओक।

रोमानियनमन 1:4

आउर पवितर आत्मा केर हिसाब से मोरलमन में से शक्ति केर साथ जी उठेक केर चलते परमेश्‍वर केर बेटा गिनालक।

रोमानियनमन 4:25

यीशु हमरे केर पापमन केर चलते मोरेक लगिन धरुवाल हों गेलक, आउर परमेश्‍वर उके हमरे के धरमी ठहराएक लगिन जियाय हों देलक।

रोमानियनमन 5:2

जेकर से बिसवास करेक केर चलते, यीशु मसीह हमरे के उ किरपा केर नीचे लाइन हे जहाँ हमरे एखन खड़ा अही, आउर हमरे पूरा आसरा आउर आनंद से परमेश्‍वर केर महिमा के बाँटते आगे देखाथी।

रोमानियनमन 8:11

आउर अगर पवितर आत्मा जे यीशु के मोरलमन में से जियालक तोहर में बसल अहे, तो जे मसीह के मोरलमन में से जियालक, उ तोहर नाश होवेक वाला कायामन के हों अपन आत्मा केर द्वारा जे तोहर में बसल अहे जियाई।

रोमानियनमन 8:3

काले कि जे काम के मूसा केर नियम हमरे केर पापी स्वभाव केर चलते कमजोर होई के नी करेक पारलक, उके परमेश्‍वर करलक मतलब अपनेहें बेटा के हमरे नियर पापी बनाय के, आउर हमरे केर पापमन लगिन बलिदान होवेक ले भेइज के पापी काया केर बराबइर में, आउर पाप केर बलिदान होवेक लगिन भेइज के, परमेश्‍वर मसीह केर काया में पाप केर दंड देलक।

2 कुरिनथियनमन 1:24

इ निहीं कि हमरे बिसवास केर बारे में तोहरेमन उपरे हक जमाएक चाहिला, मगर तोहर खुशी में साथ देवेक चाहिला, काले कि तोहरेमन बिसवास से हें स्थिर रहाला।

2 कुरिनथियनमन 13:4

उ कमजोरी केर चलते क्रूस उपरे चढ़ाल तो गेलक, फिन भी परमेश्‍वर केर शक्ति से जिंदा अहे, हमरे हों कमजोर अही जइसन मसीह रहे, मगर तोहरे महसूस करबा कि हमरे परमेश्‍वर केर शक्ति से मसीह केर संगे जिंदा अही।

2 कुरिनथियनमन 5:21

मसीह, जे पाप से अनजान रहे, उखे परमेश्‍वर हमर लगिन पाप ठहरालक, ताकि हमरे उकर नजइर में धरमी बनेक पारब, काले कि मसीह हमरे केर पापमन केर दंड के अपन उपरे उठाय लेलक।

गलातियनमन 1:4

हमर आबा परमेश्‍वर केर इच्छा केर मोताबिक मसीह यीशु खुद के हमरे केर पापमन केर क्षमा लगिन बलिदान काइर देलक। ताकि हमरे इ दुनिया केर आदमीमन केर बुरा असर से बचल रहब।

गलातियनमन 3:13

मसीह जे हमर लगिन सरपाल गेलक, हमरे के कीन के मूसा केर नियम केर सराप से छुटकारा देलक। काले कि पवितर किताब में लिखल अहे, जे केऊ क्रूस उपरे लटकाल जायला उ सरपाल जायला।

इफिसियनमन 3:12

हमर यीशु मसीह में बिसवास करेक केर चलते आउर बिसवास में उकर संगे एक होवेक केर चलते, अब हमरे साहस से आउर पूरा भरसा केर साथ परमेश्‍वर केर हेदना आवेक पारिला।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

इब्रानीमन 9:14

तो सोचा, मसीह केर लोहू आउर केतना बगरा हमरे के उ काममन से शुद्ध करी, जेकर सजा माउत हेके, ताकि हमरे जिंदा परमेश्‍वर केर आराधना करेक पारब। काले कि मसीह खुद के परमेश्‍वर लगिन जुग-जुग केर आत्मा केर शक्ति से सिद्ध बलिदान केर रूप में हमरे केर पापमन केर खातिर चढ़ाय देलक।

इब्रानीमन 9:28

ठीक ओहे नियर मसीह हों सोउब आदमीमन केर पापमन के उठाय लेवेक लगिन एक बेर बलिदान होलक। जब उ फिन से आवी तब उ पाप केर लगिन बलिदान होवेक ले निहीं, मगर जे उकर आसरा देखेला उके छुटकारा देवेक लगिन आवी।

याकूब 5:6

तोहरेमन धरमी आदमी के दोषीदार ठहराय के माइर मोराला आउर उ तोहर कोनों बिरोध नी करलक।

1 पतरस 3:19

तब उकर आत्मा जाय के उ आत्मामन में शुभ समाचार परचार करलक जेमन उ ठाँव में आबा परमेश्‍वर द्वारा बंदी बनाल जाय रहैं, जहाँ मोरलमन केर आत्मा रहे।

1 पतरस 4:1

से लगिन जब मसीह काया में होई के दुःख सहलक तो तोहरेमन के हों दुःख सहेक लगिन ओहे स्वभाव से तेयार रहेक चाही जे स्वभाव उकर में रहे। काले कि अगर तोहरे मसीह लगिन दुःख सहेक ले तेयार अहा, तो तोहरे पाप नी करेक केर फैसला काइर लेई हा।

1 पतरस 4:6

एहे लगिन मोरलमन के हों मसीह केर बारे में शुभ समाचार सुनाल गेलक, उमन केर काया के सोउब आदमीमन नियर मोरेक पड़लक, मगर अब उमन आत्मा में सोउब बेरा परमेश्‍वर केर संगे रहैना।

1 यूहन्ना 1:9

अगर हमरे अपन पापमन के माइन लेवब, तो उ हमर पापमन के क्षमा करेक, आउर हमरे के सोउब अधरम से शुद्ध करेक में बिसवास लाएक आउर धरमी हेके।