1 पतरस 3:16 - सादरी नवाँ नियम

¹⁶ सोउब बेरा ओहे करा जे सही अहे, फिन अगर आदमीमन तोहर बिरोध में बुरा बोलैना, तो ओहेमन लाजिम होबैं, जब उमन मसीह केर संगे तोहर संबंध केर चलते तोहर बेस चाइल-चलन के देखबैं।

1 पतरस 3:16 Iomraidhean Croise

मत्ती 5:11

धाइन अहा तोहरेमन, जब आदमीमन मोर पिछे चलेक केर खातिर तोहरेमन केर निंदा करबैं, आउर सताबैं आउर झूठ बोइल-बोइल के तोहरेमन केर बिरोध में सोउब रकम केर बुरा गोइठ कहबैं।

खास चेलामन केर काम 24:16

से लगिन मोंय परमेश्‍वर आउर आदमीमन केर नजइर में सोउब बेरा बिवेक से निरदोष बनल रहेक केर खुद हें कोशिश करोना।

खास चेलामन केर काम 28:22

मगर इ डहर केर बारे में तोर से हें तोर बिचार के सुनेक चाहिला, काले कि हमरे जानिला कि सोउब ठाँव में इ डहर केर बिरोध होवाथे।”

रोमानियनमन 9:1

जब, अगर कोनोवें चीजमन हमरे के परमेश्‍वर केर प्रेम से अलग करेक नी पारी, तो काले इसराइली आदमीमन परमेश्‍वर से अलग होई गेलैं? मोंय उमन केर लगिन ढेइर दुःखी अहों, आउर मोर हिरदय उमन केर लगिन सोउब बेरा पोड़ेला। आउर मोंय सचमुच में कहोना, मोंय खुद हें मोर अपन भाई बहिनमन केर मुक्ति लगिन दोषी गिनातों आउर मसीह से अलग होई जतो, मोंय एहे इच्छा कराथों। इ सोउब मोंय मसीह के अपन गवाह बनाय के सच्चाई से बताथों, आउर पवितर आत्मा आउर मोर दिल हों एहे गवाही देवाथे कि इ सोउब झूठा ना लगे।

2 कुरिनथियनमन 1:12

हमरे के इ गोइठ उपरे घमंड अहे कि हमरे केर बिवेक बिसवास दिवायला कि हमरे आदमीमन केर साथ, आउर खास काइर के तोहरे केर साथ, जे ब्यवहार काइर ही उ दुनिया केर गेयान केर मोताबिक निहीं, बल्कि उ सच्चाई आउर ईमानदारी केर मोताबिक रहे, जे परमेश्‍वर केर किरपा केर बरदान हेके।

2 कुरिनथियनमन 4:2

मगर हमरे लाज केर लुकल काममन के नी करिला, आउर हमरे चलाँकी से नी चलिला, ना हें परमेश्‍वर केर बचन में मिलावट करिला, मगर हमरे परमेश्‍वर केर भीरे सिरिफ सच्चाई के सिखाइला, आउर हरेक आदमी पक्का जाइन गेलक कि हमरे भरसा करेक केर लायक अही।

1 तीमुथियुस 1:19

आउर तोके मसीह उपरे बिसवास में बनल रहेक चाही आउर तोर में एगो शुद्ध बिवेक होवेक चाही। थोरेक आदमीमन उ शुद्ध बिवेक के छोइड़ देलैं जेकर नतीजा इ होलक कि अब उमन बिसवास में नखैं।

1 तीमुथियुस 1:5

तोहरे के इ आगया देवेक केर मोर मकसद इ हेके कि तोहरे एक दोसर के सच्चा मन, शुद्ध बिवेक आउर पूरा बिसवास से प्रेम करा।

2 तीमुथियुस 1:3

मोंय परमेश्‍वर के धन्यबाद देवोना, जेकर मोंय आउर मोर पुरखामन शुद्ध बिवेक से सेवा काइर ही। जखनोहों मोंय प्रार्थना करोना तो मोंय तोर नाँव केर चरचा करेक हमेशा याइद रखोना।

तीतुस 2:8

आउर सच्चाई के एइसन सिखाव जेकर बुराई करेक नी पराई, ताकि तोर दुश्मन के बिरोध में कहेक केर कोनों मोका ना मिलोक आउर उ लाजिम होई जाओक।

इब्रानीमन 13:18

हमरे लगिन प्रार्थना करते रहा, काले कि हमरे पक्का जानिला कि हमरे केर बिवेक शुद्ध अहे, आउर हमरे सोउब काममन में जेके हमरे करिला, परमेश्‍वर के आदर देवेक चाहिला।

इब्रानीमन 9:14

तो सोचा, मसीह केर लोहू आउर केतना बगरा हमरे के उ काममन से शुद्ध करी, जेकर सजा माउत हेके, ताकि हमरे जिंदा परमेश्‍वर केर आराधना करेक पारब। काले कि मसीह खुद के परमेश्‍वर लगिन जुग-जुग केर आत्मा केर शक्ति से सिद्ध बलिदान केर रूप में हमरे केर पापमन केर खातिर चढ़ाय देलक।

1 पतरस 2:12

परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

1 पतरस 2:15

काले कि परमेश्‍वर केर इ इच्छा अहे कि हमरे केर बेस ब्यवहार केर चलते जेमन परमेश्‍वर के नी जानैना, उमन आगे हमरे उपरे झूठा दोष लगाएक केर साहस ना करोक, काले कि इ साफ अहे कि उ मनक दोष लगाएक सच ना लगे।

1 पतरस 2:19

काले कि अगर हमरेमन परमेश्‍वर केर बारे में सोइच के बेगर कोनों गलती करले दुःख सहिला, तो इकर से परमेश्‍वर खुश होवेला।

1 पतरस 3:21

पुरना समय में उ मनक छुटकारा, अब हमर छुटकारा केर एगो उदाहरन हेके, जे पानी में हमरे बपतिस्मा जल संस्कार लेविला, उ हमरे केर काया से मइला के दूर नी करेला, मगर इ एगो चिन्हा हेके। हमरेमन आबा परमेश्‍वर से माफी माँइग ही, ताकि आगे हमरे केर मन परेशान ना रहोक। हमरे के माफ करल जाएक पराई काले कि यीशु मसीह मोरेक केर पाछे फिन से जी उइठ हे।

1 पतरस 4:4

मगर अब तोहरे अपन पुरना संगमन केर बुरा काम में साथ नी देवाला, से लगिन उमन ताजुब होवैना आउर तोहर बारे में बुरा बोलैना।