1 पतरस 3:1 - सादरी नवाँ नियम

¹ हे जनानामन, अपन-अपन पति केर अधीन में रहा जइसन प्रभु केर अधीन में रहाला, जेकर से अगर उमन में से केऊवे परमेश्‍वर केर बचन के नी मानैना,

1 पतरस 3:1 Iomraidhean Croise

मत्ती 18:15

अगर तोर बिसवासी भाई तोर बिरोध में गुन्हा करेला, तो जाय के उके एकले में उकर गुन्हा के बताव आउर समझाव, अगर उ तोर गोइठ के माइन जाई आउर गुन्हा करेक छोइड़ देई, तो तोंय अपन भाई के पाय लेले।

रोमानियनमन 10:16

मगर सोउब आदमीमन उ शुभ समाचार उपरे बिसवास नी करलैं। जइसन कि यशायाह परमेश्‍वर केर संदेश के बताएक वाला कहेला, “हे प्रभु, हमरे केर संदेश उपरे केऊ बिसवास नी करलैं।”

रोमानियनमन 6:17

पहिले तोहरे तो पाप केर गुलाम रहा, मगर अब उ उपदेस के मानेक वाला होई गेला जेके तोहरे लगिन देवल गेलक, इकर लगिन मोंय परमेश्‍वर के धन्यबाद देवोना।

रोमानियनमन 7:2

जइसन कि मूसा केर नियम कहेला, एगो आदमी केर जनाना तब तक उकर संगे रहेला जब तक उकर आदमी जिंदा रहेला, मगर जब उकर आदमी मोइर जायला तो उ जनाना केऊ दोसर आदमी से बिहा करेक लगिन आजाद होई जायला। मगर, अगर उकर आदमी जिंदा अहे आउर उ दोसर आदमी से बिहा करेला, तो उ जनाना ब्यभिचार करेला।

1 कुरिनथियनमन 11:3

मगर एगो गोइठ अहे, मोंय चाहोना कि तोहरेमन इके जाइन लेवा, हरेक मरदाना केर मूँड़ मसीह हेके आउर एक जनाना केर मूँड़ उकर पति हेके, आउर मसीह केर मूँड़ परमेश्‍वर हेके।

1 कुरिनथियनमन 14:34

जनानामन कलीसिया केर सभा में बहस ना करोक, काले कि उमन के कलीसिया में गोठियाएक केर आगया नखे, मगर अधीन रहेक केर आगया अहे, जइसन कि मूसा केर नियम में लिखल हों अहे।

1 कुरिनथियनमन 7:16

हे जनानामन इके जरूर याइद करा कि तोहरे केर चलते तोहर पतिमन केर जिंदगी बचेक परायला, आउर तोहरे पतिमन हों इके जरूर याइद करा कि तोहरे केर चलते तोहर जनानामन केर जिंदगी बचेक परायला।

इफिसियनमन 5:33

मगर इ तोहर उपरे हों लागू होवेला, तोहर में से हरेक झन अपन जनाना से अपन नियर प्रेम रखोक, आउर जनाना हों अपन पति केर आदर करोक।

कुलुसियनमन 3:18

हे जनानामन, जइसन प्रभु में उचित अहे, तइसनेहें अपन-अपन पति केर अधीन रहबा।

कुलुसियनमन 4:5

अबिसवासीमन केर संगे बुद्धिमानी से बरताव करा। हरेक मोका के किमती जाइन के उके ठीक से इस्तेमाल करा।

2 थिस्सलुनीकियनमन 1:8

आउर जेमन परमेश्‍वर के नी चिन्हैना, आउर हमर प्रभु यीशु केर बारे में शुभ समाचार के नी मानैना उमन के दंड देवी।

इब्रानीमन 11:8

बिसवास से हें, जब अब्राहम के परमेश्‍वर एगो ठाँव में जाएक लगिन बोलालक, तो आगया माइन के एइसन ठाँव में जाएक ले निकइल गेलक, जेके परमेश्‍वर उके उकर नीज सम्पति केर रूप में देवेक वाला रहे। आउर उके कहाँ जाएक अहे, इकर पता हों नी रहे फिन भी उ जाएक लगिन निकइल गेलक।

इब्रानीमन 5:9

आउर सिद्ध बाइन के, अपन आगया मानेक वाला सोउब आदमीमन ले जुग-जुग लगिन छुटकारा देवेक वाला बाइन गेलक।

1 पतरस 1:22

काले कि सच्चाई केर पालन करेक केर चलते तोहरे के तोहर पापमन से शुद्ध करल जाय हे, अब तोहरे एक दोसर से अपन भाई नियर तन-मन आउर पूरा दिल से प्रेम करते रहा।

1 पतरस 3:2

तो उमन तोहर बेगर कोनों कहले परमेश्‍वर केर परती तोहरे केर डार आउर पवितर चाइल-चलन के देइख के मसीह में बिसवास करबैं।

1 पतरस 3:7

तइसनेहें हे पतिमन, समझदारी से अपन सादी-सुदा जिंदगी के बितावा, तोहरे के याइद रखेक चाही कि तोहर जनानामन तोहरे से कमजोर अहैं, से लगिन तोहरे के उमन केर आदर करेक चाही। काले कि तोहरे दुयो हें उ बरदान के साझा कराला जेके परमेश्‍वर अपन किरपा से तोहरे के देई हे, मतलब जुग-जुग जिंदगी केर बरदान। अगर तोहरे एइसन करबा, तो जब तोहरे परमेश्‍वर से प्रार्थना करबा, तो उ तोहर सुनी।

1 पतरस 4:17

काले कि फैसला करेक केर बेरा आय जाय हे कि पहिले परमेश्‍वर केर आदमीमन केर फैसला करल जाओक, आउर जबकि उ पहिले हमरे बिसवासीमन केर फैसला करी, से लगिन उ भयानक चीजमन केर बारे में सोचा, जे उ आदमीमन केर संगे होवी जेमन उ शुभ समाचार के नी मानैना, जे उकर बटले आवेला।