1 पतरस 2:8 - सादरी नवाँ नियम

⁸ आउर फिन पवितर किताब में लिखल अहे, “इ पखना आदमीमन के भूंई में गिराएक वाला होवी। इ एगो एइसन चट्टाइन हेके, जे उमन के नीचे गिराय देवी।” उमन इ लगिन गिरबैं, काले कि उमन परमेश्‍वर केर संदेश के मानेक से ठुकराय देबैं, उमन केर संगे एइसन परमेश्‍वर केर योजना केर मोताबिक होवी।

1 पतरस 2:8 Iomraidhean Croise

लूका 2:34

तब सिमोन उके आशीष देई के उकर आयो मरियम से कहलक, “देख, इ बालक एगो एइसन चिन्हा केर रूप में भेजल जाय हे, जेकर आदमीमन बिरोध करबैं, से लगिन इ इसराइल देस में ढेइर आदमीमन केर नाश होवेक, आउर छुटकारा पावेक केर कारण होवी।

रोमानियनमन 9:22

तो इकर में कोन सा ताजुब केर बात अहे? परमेश्‍वर अपन खीस के आउर अपन शक्ति के, उ सोउबमन के देखाएक चाहेला जेमन नाश होवेक केर लाएक अहैं। मगर उ धीरज से उमन के सहलक।

1 कुरिनथियनमन 1:23

मगर हमरे तो परचार करिला कि यीशु मसीह हमरे के पापमन से छोड़ाएक लगिन क्रूस उपरे अपन जान देलक, जे यहूदीमन केर भीरे ठोकर केर कारण, आउर परजाइत आदमीमन केर भीरे मूरख आदमी केर गोइठ हेके।

2 कुरिनथियनमन 2:16

थोरेक आदमीमन लगिन तो मोरेक केर खातिर माउत केर सुगंध, आउर थोरेक आदमीमन लगिन तो जिंदगी केर खातिर जिंदगी केर सुगंध केर रूप में फाइल जायला। इ काम के करेक केर लायक बिलकुल केऊ नखैं।

गलातियनमन 5:11

हे बिसवासी भाईमन, मोंय परचार करोना कि खतना करुवाएक जरुरी नखे, इकरे चलते मोंय यहूदीमन बटले सताल जाथों, अगर मोंय क्रूस उपरे मसीह केर माउत केर बारे में परचार करेक केर बदली खतना करुवाएक केर परचार करतो, तो यहूदीमन लगिन कोनों अपमान नी होतक।

1थिस्सलुनीकियनमन 5:9

परमेश्‍वर हमरे के इ लगिन नी चुइन हे कि अपन खीस में हमरे के दंड देवी, मगर हमरे अपन प्रभु यीशु मसीह बटले छुटकारा पावेक लगिन चुनल जाय ही।

1 पतरस 2:6

जइसन कि पवितर किताब में परमेश्‍वर कहेला, “देखा! मोंय सिय्योन में केखो कोना केर पखना नियर रखाथों, जे नेव लगिन चुनल किमती पखना नियर अहे। आउर जे केऊ उकर उपरे बिसवास करी उ लाजिम नी होवी।”

1 पतरस 2:7

जेमन यीशु मसीह उपरे बिसवास करैना, उमन लगिन इ पखना ढेइर किमती अहे। मगर जे आदमीमन बिसवास नी करैना, उमन केर बारे में पवितर किताब में लिखल अहे, “जे पखना के राज मिस्त्रीमन बेकार ठहराय रहैं, ओहे पखना घर केर नेव केर सोउब से मुध पखना बाइन गेलक।”

2 पतरस 2:3

इमन के पढ़ाएक वालामन लालची होबैं, आउर उमन बना-बनाल कहनीमन के सुनाय के तोहरे के धोखा देबैं ताकि तोहरे से पैसा कमाएक पारबैं। परमेश्‍वर ढेइर समय पहिलेहें फैसला काइर रहे कि उ उमन के दंड देवी आउर उ एइसन करेक लगिन तेयार अहे। उ पक्का उमन के नाश काइर देवी।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।