1 पतरस 2:6 - सादरी नवाँ नियम

⁶ जइसन कि पवितर किताब में परमेश्‍वर कहेला, “देखा! मोंय सिय्योन में केखो कोना केर पखना नियर रखाथों, जे नेव लगिन चुनल किमती पखना नियर अहे। आउर जे केऊ उकर उपरे बिसवास करी उ लाजिम नी होवी।”

1 पतरस 2:6 Iomraidhean Croise

मत्ती 12:18

“देखा, इ मोर चुनल दुलार बेटा हेके, इकर से मोंय मुरुक खुश अहों, मोंय अपन आत्मा उके देमूँ आउर उ परजाइत आदमीमन के पापमन से छुटकारा पावेक केर शुभ समाचार सुनाई।

मरकुस 12:10

का तोहरेमन पवितर किताब में इ बचन के नी पइढ़ हा कि मसीह केर जोड़ी एगो खास पखना से करल जाय हे? जेकर में लिखल अहे, ‘जे पखना के राज मिस्त्रीमन बेकार जाइन के फेइक देई रहैं, ओहे कोना केर नेव बाइन गेलक।

लूका 20:17

मगर यीशु उमन के धेयान से देखलक आउर उमन से कहलक, “पवितर किताब में लिखल इ गोइठ केर का अर्थ हेके, ‘जे पखना के राज मिस्त्रीमन बेकार जाइन के फेइक देई रहैं, ओहे कोना केर नेव केर पखना बाइन गेलक?’

लूका 23:35

आदमीमन ठड़ाय के इ सोउब कुछ के देखत रहैं, आउर सरदारमन हों मजाक काइर-काइर के कहत रहैं, “इ दोसरमन के बचालक, अगर इ परमेश्‍वर केर मसीह आउर उकर चुनल हेके, तो खुद के बचाय लेवोक।”

यूहन्ना 7:38

जे मोर उपरे बिसवास करी, उ अपन पियास के बुझाई। जइसन पवितर किताब में लिखल अहे, ‘उकर हृदय में से जिंदगी देवेक वाला पानी केर नदीमन बइह निकली।’ ”

खास चेलामन केर काम 1:16

“हे भाईमन, पवितर आत्मा ढेइर समय पहिले राजा दाऊद केर मुँह से यहूदा केर बारे में बताय रहे, जे कि यीशु के धारेक वाला आदमीमन केर अगुवा बाइन गेलक। इ होवेक जरुरी रहे ताकि यहूदा केर बारे में पवितर किताब में लिखल गोइठ पूरा होवोक।

रोमानियनमन 10:11

काले कि पवितर किताब में इ लिखल अहे, “जे केऊ प्रभु केर उपरे बिसवास करी आउर उकर नाँव लेवी, उ छुटकारा पावी आउर उके कहियो लाजिम होवेक नी पड़ी।” यहूदीमन आउर यूनानीमन में कोनों फरक नखे, इ लगिन कि उ सोउब केर प्रभु हेके आउर जेमन उकर से मदइत माँगैना उ सोउबमन के बचायला।

इफिसियनमन 1:4

खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

इफिसियनमन 2:20

आउर यीशु केर चुनल खास चेलामन आउर परमेश्‍वर केर संदेश के बताएक वालामन केर नेव उपरे एगो घर नियर बनाल जाय हा, जेकर कोना केर पखना मसीह यीशु खुद हें हेके।

2 तीमुथियुस 3:16

पवितर किताब केर हरेक बचन, जेके परमेश्‍वर उमन केर दिमाग में साजलक जेमन उके लिखलैं, आउर इ आदमीमन के सिखाएक लगिन, आउर जेमन गलती करैना उमन के डाँटेक लगिन, आदमीमन केर दोष के सुधराएक लगिन आउर सही जिंदगी जियेक लगिन फायदा पोंहचाएक वाला हेके।

1 पतरस 2:4

तोहरेमन प्रभु यीशु ठिना आय हा, उ एगो घर केर नेव में जोड़ल खास पखना नियर अहे, मगर उ जिंदा पखना हेके। उके ढेइर आदमीमन ठुकराय देई रहैं, मगर परमेश्‍वर उके चुनलक आउर उके ढेइर किमती मानलक। आउर जइसन आदमीमन पखना से घर बनायना, तइसनेहें परमेश्‍वर तोहरे के एगो दल में जोड़ाथे, जेकर में परमेश्‍वर केर आत्मा रहेला, ताकि यीशु मसीह जे हमर लगिन काइर हे, उकर चलते तोहरेमन उ पुरोहितमन नियर अहा जेमन बलिदान चढ़ायना, तोहरे एइसन काम करा, जे परमेश्‍वर के खुश करेला।

1 पतरस 2:8

आउर फिन पवितर किताब में लिखल अहे, “इ पखना आदमीमन के भूंई में गिराएक वाला होवी। इ एगो एइसन चट्टाइन हेके, जे उमन के नीचे गिराय देवी।” उमन इ लगिन गिरबैं, काले कि उमन परमेश्‍वर केर संदेश के मानेक से ठुकराय देबैं, उमन केर संगे एइसन परमेश्‍वर केर योजना केर मोताबिक होवी।

2 पतरस 1:20

मगर इ ढेइर जरुरी अहे कि तोहरे इ गोइठ के समझा कि पवितर किताब में परमेश्‍वर केर संदेश के बताएक वालामन केर जे बचन पढ़ाला, उ सिरिफ उमन केर खुद केर बिचार ना लगे।

2 पतरस 3:16

तइसनेहें उ अपन सोउब चिट्ठीमन में हों इ गोइठमन केर चरचा काइर हे, जेकर में केतना गोइठमन एइसन अहे, जेके समझेक कठिन अहे, आउर अनपढ़ आउर चंचल आदमीमन उकर अर्थमन के हों पवितर किताब केर आउर गोइठमन केर नियर खींच-ताइन के अपनेहें नाश केर कारण बनायना।