1 पतरस 2:4 - सादरी नवाँ नियम

^4-5 तोहरेमन प्रभु यीशु ठिना आय हा, उ एगो घर केर नेव में जोड़ल खास पखना नियर अहे, मगर उ जिंदा पखना हेके। उके ढेइर आदमीमन ठुकराय देई रहैं, मगर परमेश्‍वर उके चुनलक आउर उके ढेइर किमती मानलक। आउर जइसन आदमीमन पखना से घर बनायना, तइसनेहें परमेश्‍वर तोहरे के एगो दल में जोड़ाथे, जेकर में परमेश्‍वर केर आत्मा रहेला, ताकि यीशु मसीह जे हमर लगिन काइर हे, उकर चलते तोहरेमन उ पुरोहितमन नियर अहा जेमन बलिदान चढ़ायना, तोहरे एइसन काम करा, जे परमेश्‍वर के खुश करेला।

1 पतरस 2:4 Iomraidhean Croise

मत्ती 11:28

हे सोउब मेहनइत करेक वाला आउर बोझा से जँताल आदमीमन, मोर ठिना आवा, मोंय तोहरेमन के आराम देमूँ।

मत्ती 12:18

“देखा, इ मोर चुनल दुलार बेटा हेके, इकर से मोंय मुरुक खुश अहों, मोंय अपन आत्मा उके देमूँ आउर उ परजाइत आदमीमन के पापमन से छुटकारा पावेक केर शुभ समाचार सुनाई।

मत्ती 21:42

यीशु उमन से कहलक, “का तोहरेमन कहियो पवितर किताब में इ नी पढ़ला कि जे पखना के राज मिस्त्रीमन बेकार जाइन के फेइक देई रहैं, ओहे कोना केर नेव केर पखना बाइन गेलक? इ प्रभु केर काम हेके, आउर हमर नजइर में अदभुत अहे।

यूहन्ना 14:19

मोंय थोरहें देरी आउर रहमूँ, फिन दुनिया केर आदमीमन मोके नी देखबैं, मगर तोहरेमन मोके देखबा, काले कि मोंय जिंदा अहों, से लगिन तोहरेमन हों जिंदा रहबा।

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

यूहन्ना 5:26

काले कि जे लेखे आबा परमेश्‍वर खुद में जिंदगी रखेला, ओहे लेखे उ मोके हों खुद में जिंदगी रखेक केर अधिकार देई हे,

यूहन्ना 5:40

फिन भी तोहरेमन जुग-जुग केर जिंदगी पावेक लगिन मोर ठिना आवेक नी चाहाला।

यूहन्ना 6:37

आबा परमेश्‍वर जेमन के मोके जिम्मा देवेला, उमन मोर ठिना आबैं आउर जेमन मोर ठिना आबैं, उमन के मोंय मोर ठिना सोउब दिन लगिन रखमूँ।

यूहन्ना 6:57

जे लेखे जिंदा आबा परमेश्‍वर मोके भेइज हे आउर मोके आबा से जिंदगी मिलेला, ओहे लेखे जे मोके खायला, उके मोर से जिंदगी मिली।

रोमानियनमन 5:10

काले कि जब हमरे परमेश्‍वर केर दुश्मन रही तब उकर बेटा केर माउत केर चलते परमेश्‍वर हमरे से मेल करलक, फिन मेल होई जाएक से मसीह केर जिंदगी केर चलते हमरे के काले नी बचाई?

1 कुरिनथियनमन 3:11

छुटकारा पावेक लगिन केऊ तोहरे के नवाँ डहर केर बारे में ना सिखाओके, काले कि छुटकारा पावेक लगिन एके गो डहर अहे जेकर बारे में मोंय तोहरे के पहिलेहें बताय देई हों, परमेश्‍वर हमरे के यीशु मसीह केर द्वारा छुटकारा देवेला।

कुलुसियनमन 3:4

मसीह जे हमरे के नवाँ जिंदगी देवेला, जब दोबारा इ धरती में घूइर आवी, तब तोहरेमन हों उकर संगे आबा आउर उकर महिमा में शामिल होबा।

1 पतरस 1:7

इ दुःखमन केर मकसद इ देखाएक हेके कि तोहरे सचमुच में परमेश्‍वर उपरे भरसा कराला कि निहीं, यीशु मसीह में तोहर बिसवास सोना से हों बगरा किमती अहे। जइसन कि सोना के आइग से परखल आउर शुद्ध करल जायला, तइसनेहें अगर तोहरे केर बिसवास कठिन परीक्षामन केर बेरा मजबूत बनल रही, तब एइसन बिसवास से उ दिन जब यीशु मसीह दोबारा घूइर आवी, तो तोहर बगरा स्तुति आउर महिमा आउर आदर होवी।

1 पतरस 2:7

जेमन यीशु मसीह उपरे बिसवास करैना, उमन लगिन इ पखना ढेइर किमती अहे। मगर जे आदमीमन बिसवास नी करैना, उमन केर बारे में पवितर किताब में लिखल अहे, “जे पखना के राज मिस्त्रीमन बेकार ठहराय रहैं, ओहे पखना घर केर नेव केर सोउब से मुध पखना बाइन गेलक।”

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।

2 पतरस 1:4

इ सोउब से परमेश्‍वर हमरे के ढेइर महान आउर किमती बरदान देई हे जेकर करार उ काइर रहे। ताकि हमरे इ बरदानमन केर इस्तेमाल काइर के दुनिया केर उ बुरा लालसामन से बचेक पारब, जे आदमीमन के नाश करेला। जेकर से हमरे परमेश्‍वर केर स्वभाव केर भागीदार बनेक पारब।