1 पतरस 2:23 - सादरी नवाँ नियम

²³ जब आदमीमन यीशु केर अपमान करलैं, मगर उ केकरो अपमान नी करलक। जब आदमीमन उके दुःख देलैं, तो उकर बदली में उ केखो दुःख देवेक केर कोशिश नी करलक, बल्कि चाहत रहे कि परमेश्‍वर उमन केर मदइत करोक, काले कि उ जानत रहे कि परमेश्‍वर हमेशा आदमीमन केर सच्चा न्याय करेला।

1 पतरस 2:23 Iomraidhean Croise

लूका 23:41

हमर सजा तो न्याय केर मोताबिक हेके, काले कि हमरे अपन करनी केर फल पावाथी, मगर इ कोनों अपराध नी काइर हे।”

लूका 23:46

यीशु जोर से हकाय के कहलक, “हे आबा, मोंय अपन आत्मा के तोर हाँथ में जिम्मा देवाथों।” इ कइह के अपन प्राण छोइड़ देलक।

लूका 23:9

उ यीशु से ढेइर हें गोइठमन पूछते रहलक, मगर उ उके कोनोवें जबाब नी देलक।

खास चेलामन केर काम 17:31

काले कि परमेश्‍वर एक दिन ठहराय हे, जेकर में उ अपन ठहराल आदमी से दुनिया केर आदमी मनक न्याय करी। आउर परमेश्‍वर उ ठहराल आदमी के मोरलमन में से फिन जियाय के इ गोइठ केर सबूत देई दे हे।”

खास चेलामन केर काम 4:29

अब, हे प्रभु, उ मनक धमकीमन के सुन आउर अपन सेवकमन के इ बरदान दे कि उमन साहस से तोर बचन के सुनाएक पारोक।

खास चेलामन केर काम 7:59

जब उमन स्तिफनुस के पखना से मारत रहैं तब उ इ कइह के प्रार्थना करत रहे, “हे प्रभु यीशु, मोर आत्मा के लेई ले।”

खास चेलामन केर काम 9:1

इ समय शाऊल प्रभु यीशु केर चेलामन के धमकाएक आउर मोराएक केर धुन में रहे, उ यहूदी महापुरोहित ठिना गेलक।

रोमानियनमन 2:5

मगर तोहरे हठ कराला आउर पाप करेक के छोड़ेक नी चाहाला, सेकर चलते उ दिन जब परमेश्‍वर अपन खीस के देखाई, जेकर में उ सच्चा न्याय करी, तो तोहरे के ढेइर दंड देवी।

इफिसियनमन 6:9

एहे नियर हे मालिकमन, तोहरेमन के हों अपन धांगरमन के धमकी देवेक नी चाही, बल्कि उमन से ओहे नियर ब्यवहार करेक चाही, जइसन मोंय उमन के तोहरे से ब्यवहार करेक कइह हों, काले कि तोहरे दुयो केर मालिक स्वरग में अहे आउर उ केकरो से भेद-भाव नी करेला।

2 थिस्सलुनीकियनमन 1:5

तोहरे दुःख उठाथा आउर एहे तोहरे के परमेश्‍वर केर राइज में ढूकेक केर लायक बनाथे। इ उ गोइठ केर सबूत हेके कि परमेश्‍वर धारमिकता से न्याय करी।

2 तीमुथियुस 1:12

इ एहे खातिर होई हे जेकर से मोंय हिंयाँ जेहेल में हों दुःख उठाथों, आउर नी लजावना, काले कि मोंय मसीह के जानोना जेकर उपरे मोंय बिसवास काइर हों, आउर मोके पूरा भरसा अहे कि यीशु मसीह उ दिन तक, जब तक उ घूइर के नी आवी, जे कोनों उ मोके देई हे उकर रखवाली करी।

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

इब्रानीमन 12:3

इ लगिन उकर नमूना उपरे धेयान देवा जे पापीमन केर एइसन बिरोध इ लगिन सहलक कि तोहर मन निराश होई के हार ना माइन जाओक।

1 पतरस 3:9

बुराई केर बदला बुराई ना करा आउर ना गाली केर बदला गाली देवा, मगर इकर उल्टा उमन के आशीष हें देवा। परमेश्‍वर तोहरे के इ लगिन बोलाय हे कि तोहरे दोसरमन के आशीष देवा अगर तोहरेमन एइसन कराला तो परमेश्‍वर हों तोहरे के आशीष देवी।

1 पतरस 4:19

से लगिन जेमन उसन दुःख सहैना जइसन परमेश्‍वर चाहेला, उमन के परमेश्‍वर उपरे भरसा करेक चाही जे उमन के बनाय हे। परमेश्‍वर सोउब बेरा उ करेला जेके करेक केर करार उ काइर रहे, से लगिन जे बेस अहे उके करते रहा।

प्रकाशितवाक्य 19:11

फिन मोंय देखलों कि स्वरग खोलल अहे, हूवाँ मोर सामने एगो चरका घोड़ा रहे आउर उकर उपरे एक झन चढ़ल रहे, जे बिसवास लायक आउर सच्चा कहायला। उ जे गोइठ परमेश्‍वर केर नजइर में सही है उकर मोताबिक परमेश्‍वर केर दुश्मनमन केर बिरोध फैसला करेला आउर लड़ाई करेला।