1 पतरस 2:22 - सादरी नवाँ नियम

²² उ कहियो पाप नी करलक, आउर ना उ कहियो एको बेर अपन मुँह से झूठ बोललक।

1 पतरस 2:22 Iomraidhean Croise

मत्ती 27:19

जब उ फैसला करेक केर कुरसी में बइठल रहे तो उकर जनाना उके कइह भेजलक, “तोंय उ बेकसूर आदमी केर गलत फैसला ना करबे, काले कि मोंय आइज सपना में उकर खातिर ढेइर दुःख उठाय हों।”

मत्ती 27:4

आउर कहलक, “मोंय निरदोष आदमी के मरुवाएक लगिन धरुवाय के पाप काइर हों।” उमन उकर से कहलैं, “इकर से हमरे के कोनों मतलब नखे, उकर लगिन तोहें जिम्मेदार हेकिस।”

लूका 23:41

हमर सजा तो न्याय केर मोताबिक हेके, काले कि हमरे अपन करनी केर फल पावाथी, मगर इ कोनों अपराध नी काइर हे।”

लूका 23:47

इ सोउब घटना के सूबेदार, जे सौ सिपाही मनक अधिकारी रहे, देइख के परमेश्‍वर केर बड़ाई करलक आउर कहलक, “जरूर हें इ आदमी धरमी रहे।”

यूहन्ना 1:47

यीशु नतनएल के अपन बटे आवेक देइख के उकर बारे में कहलक, “देखा, इ एगो सच्चा इसराइली आदमी हेके, इ एकदम ईमानदार अहे।”

यूहन्ना 8:46

तोहर में से केहर मोर उपरे पाप करेक केर दोष लगाएक पारी? आउर अगर मोंय सच कहोना, तो तोहरेमन मोर उपरे काले बिसवास नी कराला?

2 कुरिनथियनमन 5:21

मसीह, जे पाप से अनजान रहे, उखे परमेश्‍वर हमर लगिन पाप ठहरालक, ताकि हमरे उकर नजइर में धरमी बनेक पारब, काले कि मसीह हमरे केर पापमन केर दंड के अपन उपरे उठाय लेलक।

इब्रानीमन 4:15

यीशु मसीह जे हमरे केर महापुरोहित हेके हमर सोउब कमजोरीमन के जानेला, शैतान उकर सोउब रकम से परीक्षा करलक जइसन हमरे के करेला, फिन भी उ कोनों पाप नी करलक।

इब्रानीमन 9:28

ठीक ओहे नियर मसीह हों सोउब आदमीमन केर पापमन के उठाय लेवेक लगिन एक बेर बलिदान होलक। जब उ फिन से आवी तब उ पाप केर लगिन बलिदान होवेक ले निहीं, मगर जे उकर आसरा देखेला उके छुटकारा देवेक लगिन आवी।

1 यूहन्ना 2:1

हे मोर छउवामन, मोंय इ गोइठ तोहरेमन के इ लगिन लिखाथों कि तोहरेमन पाप ना करा। अगर केऊ पाप करी तो आबा परमेश्‍वर ठिना हमर लगिन एगो मदइत करेक वाला अहे, जे हमरे केर पापमन के क्षमा करेक लगिन उकर से प्रार्थना करेला, मतलब उ यीशु मसीह हेके जे धरमी अहे।

1 यूहन्ना 3:5

तोहरेमन जानाला कि यीशु मसीह दुनिया में इ लगिन आलक कि पापमन के मेटाय देवोक, आउर यीशु मसीह में कोनोवें पाप नखे।

प्रकाशितवाक्य 14:5

आउर उमन केर मुँह से कहियो झूठ नी निकइल रहे, उमन निरदोष अहैं।