1 पतरस 2:21 - सादरी नवाँ नियम

²¹ आउर तोहरेमन परमेश्‍वर बटले एहे लगिन चुनल जाय हा कि तोहरे भला काइर के हों उकर ले दुःख सहबा। मसीह हों तोहर लगिन दुःख उठाय के तोहरेमन के एगो नमूना देई के जाय हे, उ जे कोनों काइर हे तोहरे हों तइसनेहें करा।

1 पतरस 2:21 Iomraidhean Croise

मत्ती 10:38

मगर जे मोर खातिर दुःख उठाएक आउर मोइर जाएक ले हों तेयार रही ओहे मोर चेला बनेक केर लायक होवी।

मत्ती 11:29

मोर पाछे होई लेवा आउर मोर से सिखा, काले कि मोंय मन से सीधा आउर हृदय से नरम अहों, इ लेखे तोहरेमन अपन मन में आराम पाबा।

मत्ती 16:24

तब यीशु अपन चेलामन से कहलक, “जे केऊ मोर चेला बनेक चाहैना, उमन अपन दुनियादारी केर मोह माया के छोइड़ देवोक आउर मोर लगिन क्रूस उठाएक आउर मोइर जाएक ले हों तेयार रहोक। आउर मोर पिछे होई लेवोक।

लूका 24:26

इ जरुरी रहे कि मसीह इ दुःख उठाओक आउर फिन अपन महिमा में ढूकोक।”

यूहन्ना 13:15

काले कि मोंय तोहरेमन के उदाहरन देखाय हों, जइसन मोंय तोहर संगे काइर हों, तइसनेहें तोहरेमन हों करते रहबा।

यूहन्ना 16:33

मोंय तोहरेमन के इ गोइठमन के आगे हें बताय देलों, ताकि तोहरेमन के शांति मिलोक। दुनिया में तोहरेमन के दुःख सहेक होवी, मगर ढाढ़स बाँधा, मोंय दुनिया केर सरदार शैतान के हराय देई हों।”

खास चेलामन केर काम 14:22

उमन हरेक नगर में चेलामन के मजबूत आउर बिसवास में स्थिर रहेक लगिन इ उपदेस देवत रहैं कि हमरे के ढेइर दुःख साइह के स्वरग राइज में जाएक होवी।

खास चेलामन केर काम 17:3

आउर सबूत केर साथ समझात रहे कि मसीह के दुःख उठाएक आउर मोरलमन में से फिन जी उठेक जरुरी रहे। पौलुस एहो कहलक, “एहे यीशु जेकर बारे में मोंय तोहरे के सुनावना, मसीह हेके।”

खास चेलामन केर काम 9:16

आउर मोंय उके बतामूँ कि आदमीमन के मोर बारे में बताएक केर चलते उके कइसन-कइसन दुःख उठाएक होवी।”

रोमानियनमन 8:29

काले कि जेमन के उ पहिले से चुइन लेई हे, उमन केर लगिन पहिले से फैसला हों काइर लेई हे कि उमन उकर बेटा नियर बाइन जाबैं, ताकि उकर बेटा ढेइर भाईमन में पहिलौठा बनोक।

1 कुरिनथियनमन 11:1

जइसन मोंय मसीह केर नियर चाल चलोना, तइसनेहें तोहरेमन हों मोर नियर चाल चला।

इफिसियनमन 5:2

मसीह केर पिछा करते दोसरमन लगिन प्रेम से भरल जिंदगी जिया, जे तोहर से प्रेम करलक आउर तोहर पापमन के उठाएक लगिन खुद के बलिदान काइर देलक। उकर से परमेश्‍वर खुश रहे, काले कि उ बलिदान उकर लगिन महकेक वाला सेंट नियर रहे।

फिलिप्पियनमन 2:5

जइसन मसीह यीशु केर स्वभाव रहे। तइसनेहें तोहर हों स्वभाव होवोक।

1थिस्सलुनीकियनमन 3:3

ताकि केऊ इ दुःखमन केर चलते बिसवास के छोइड़ ना देवोक, काले कि तोहरेमन खुद जानाला कि हमरे के दुःख उठाएक पड़ी।

1थिस्सलुनीकियनमन 4:2

काले कि तोहरेमन जानाला कि जे आगया हमरे तोहरे के देई ही, उ प्रभु यीशु बटले आय हे।

2 तीमुथियुस 3:12

मगर जेतना आदमीमन मसीह यीशु में भक्ति केर संगे जिंदगी बिताएक चाहैना उमन सोउब सताल जाबैं।

इब्रानीमन 2:10

परमेश्‍वर जेकर लगिन सोउब कुछ अहे, आउर जेकर जरिया से सोउब कुछ अहे, उ परमेश्‍वर के एहे बेस लगलक कि उ ढेइर आदमीमन के महिमा में पोंहचाओक, तो परमेश्‍वर छुटकारा देवाइया केर दुःख उठाएक केर द्वारा सिद्ध करोक कि इ उचित काम हेके।

1 पतरस 1:20

इ दुनिया केर सिरजाल जाएक से पहिले, परमेश्‍वर पहिलेहें से ठहराय लेई रहे कि यीशु मसीह छोड़ाएक वाला होवी। मगर उ तोहर मदइत करेक लगिन इ आखरी दिनमन में धरती में आलक।

1 पतरस 2:24

जब मसीह क्रूस उपरे मोरलक, तो उ अपन काया में हमर पाप केर बदली में दंड के सहलक, उ एइसन इ लगिन करलक ताकि अब हमरे आगे पाप करेक छोइड़ के धरमी जिंदगी जियब, आउर उ अपन काया में माउर खाय के घवाहा होई गेलक जेकर से हमरे चंगा होई गेली।

1 पतरस 3:18

मोंय इ कहोना काले कि मसीह हों हमरे केर पापमन केर खातिर दुःख सहलक आउर मोइर गेलक। उ बस एक बेर मोरलक उके दोबारा फिन से मोरेक केर जरुरत नखे, उ एगो धरमी आदमी रहे जे पापी आदमीमन लगिन मोरलक कि उ हमरे के आबा परमेश्‍वर में लेगेग पारोक, उमन उकर काया के तो माइर मोरालैं मगर परमेश्‍वर उके पवितर आत्मा केर शक्ति से फिन से जिंदा काइर देलक।

1 पतरस 3:9

बुराई केर बदला बुराई ना करा आउर ना गाली केर बदला गाली देवा, मगर इकर उल्टा उमन के आशीष हें देवा। परमेश्‍वर तोहरे के इ लगिन बोलाय हे कि तोहरे दोसरमन के आशीष देवा अगर तोहरेमन एइसन कराला तो परमेश्‍वर हों तोहरे के आशीष देवी।

1 पतरस 4:1

से लगिन जब मसीह काया में होई के दुःख सहलक तो तोहरेमन के हों दुःख सहेक लगिन ओहे स्वभाव से तेयार रहेक चाही जे स्वभाव उकर में रहे। काले कि अगर तोहरे मसीह लगिन दुःख सहेक ले तेयार अहा, तो तोहरे पाप नी करेक केर फैसला काइर लेई हा।

1 पतरस 4:13

सिरिफ इकर बारे में खुश रहा, काले कि तोहरे के उ दुःखमन में एक हिस्सा मिल हे जे मसीह के मिल रहे। इकर चलते, जब मसीह सोउब आदमीमन उपरे अपन महिमा के दिस्तार करेक लगिन फिन से आवी, तो तोहर खुशी सच में बाड़ होवी।

1 यूहन्ना 2:6

अगर जे केऊ इ कहेला कि मोंय परमेश्‍वर में बनल रहोना, तो उके खुद ओइसनेहें रहेक चाही जइसन यीशु रहलक।

1 यूहन्ना 3:16

हमरेमन प्रेम के इकरे से जानली कि यीशु हमर लगिन अपन प्राण के देई देलक। एहे लगिन हमरेमन के हों अपन बिसवासी भाई-बहिनमन लगिन अपन प्राण के देवेक चाही।

प्रकाशितवाक्य 12:11

आउर उमन मेमना केर लोहू केर खातिर आउर अपन गवाही केर बचन केर खातिर, उकर उपरे जीत पालैं, आउर उमन अपन प्राण केर मोह छोइड़ के माउत के अपनाय लेलैं।