1 पतरस 2:16 - सादरी नवाँ नियम

¹⁶ जे कोनों तोहरे करेक चाहाला, तोहरे के उके करेक से रोकेक वाला केऊ नखैं, काले कि खुद के आजाद जाना मगर अपन इ आजादी के बुराई लगिन आड़ ना बनावा, मगर खुद के परमेश्‍वर केर दास समइझ के चलबा।

1 पतरस 2:16 Iomraidhean Croise

मत्ती 23:13

हे ढोंगी मूसा केर नियम के सिखाएक वाला आउर फरीसी दल केर आदमीमन, तोहर उपरे हाय! तोहरेमन आदमीमन केर लगिन स्वरग राइज केर दुरा के बंद काइर देवाला, तोहरेमन खुद हें उकर में नी ढूकाला आउर जेमन ढूकेक खोजैना ओहोमन के ढूकेक नी देवाला।

यूहन्ना 15:22

अगर मोंय नी आतों आउर उमन के बचन के नी बतातों, तो उमन पापी नी गिनातैं मगर अब उमन ठिना अपन पाप केर लगिन कोनों बहना नखे।

रोमानियनमन 6:18

परमेश्‍वर तोहरे के पाप केर शक्ति से छोड़ालक आउर अब सही काममन के करेक लगिन तोहरे उकर धांगर बाइन गेला।

रोमानियनमन 6:22

मगर अब पाप से आजाद होई के आउर परमेश्‍वर केर धांगर बाइन के, तोहरेमन उ काममन के करा जे पवितर जिंदगी जियेक लगिन अगुवाई करेला, जेकर फल जुग-जुग केर जिंदगी हेके।

1 कुरिनथियनमन 7:22

काले कि जे धांगर केर दशा में प्रभु ठिना बोलाल जाय हे, उ आजाद आदमी नियर अहे काले कि उके प्रभु यीशु उकर पापमन से आजाद काइर हे। आउर जे आजाद करल दशा में बोलाल जाय हे, उ मसीह केर दास बनोक।

गलातियनमन 5:1

मसीह हमरे के आजाद काइर हे ताकि हमरे मूसा केर नियम के मानेक से आजाद रहब। से लगिन अपन आजादी में बनल रहा आउर मूसा केर नियम के मानेक लगिन फिन से खुद के गुलाम ना बनावा।

गलातियनमन 5:13

हे बिसवासी भाईमन, तोहरेमन के परमेश्‍वर बटले आजाद होवेक लगिन चुनल जाय हे। अब तोहरे के मूसा केर नियम के मानेक केर जरुरत नखे। मगर इ आजादी तोहरे केर अपन काया केर इच्छामन के पूरा करेक केर मोका ना बाइन जाओक, से लगिन प्रेम से एक दोसर केर सेवा करा।

इफिसियनमन 6:6

इ सोउब सिरिफ देखावा या उमन के खुश करेक ले भइर निहीं, बल्कि मसीह केर दासमन नियर काम करा जेमन अपन पूरा मन से ओहे करैना जे परमेश्‍वर चाहेला।

कुलुसियनमन 3:24

तोहरे जानाला कि तोहरे के इकर बदला में प्रभु इनाम केर रूप में बपौती अधिकार देवी। इ लगिन कि तोहरेमन मालिक मतलब मसीह केर सेवक हेका।

1थिस्सलुनीकियनमन 2:5

तोहरेमन जानाला कि हमरे कहियो हों तोहरे के खुश करेक लगिन तोहरे केर बारे में बेस गोइठमन के नी कइह ही, आउर परमेश्‍वर हों गवाही देवेला कि हमरे एइसन नी रही।

याकूब 1:25

जे आदमी परमेश्‍वर केर सिद्ध बचन के धेयान से मनन करेला, जे कि आदमीमन के पाप से छुटकारा देवेला, उ आदमी अपन काम में इ लगिन आशीष पावी कि उ सुइन के नी भुलायला, मगर उकरे लेखे काम करेला।

याकूब 2:12

तोहरेमन उ आदमीमन नियर बचन कहा आउर ब्यवहार करा, जे मनक न्याय उ नियम केर मोताबिक होवी जे उमन के आजाद करेला।

2 पतरस 2:19

उमन आदमीमन से करार करैना कि जे कुछ भी उमन करेक चाहैना उके करेक लगिन आजाद अहैं, हालाँकि उमन खुद गुलाम नियर अहैं, काले कि जेके जे चीज केर आदत होई जायला, तो उ जेके करेला, उकर गुलाम बाइन जायला।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।