1 पतरस 2:15 - सादरी नवाँ नियम

¹⁵ काले कि परमेश्‍वर केर इ इच्छा अहे कि हमरे केर बेस ब्यवहार केर चलते जेमन परमेश्‍वर के नी जानैना, उमन आगे हमरे उपरे झूठा दोष लगाएक केर साहस ना करोक, काले कि इ साफ अहे कि उ मनक दोष लगाएक सच ना लगे।

1 पतरस 2:15 Iomraidhean Croise

मत्ती 25:2

उमन में से पाँच झन मूरख आउर पाँच झन समझदार रहैं।

मत्ती 7:26

मगर जे आदमी मोर इ गोइठमन के सुनेला आउर उकर मोताबिक नी चलेला, से उ मूरख आदमी नियर अहे, जे अपन घर बालू में बनालक।

रोमानियनमन 1:21

इ लगिन कि परमेश्‍वर के जाइन के हों उमन परमेश्‍वर केर लाएक उके आदर आउर धन्यबाद नी देलैं, मगर फालतू सोच-बिचार करेक लगलैं, हिंयाँ तक कि उमन एइसन सोचेक लगलैं जइसन सोचेक नी चाही।

गलातियनमन 3:1

हे गलील परदेस केर रहेक वाला बिसवासीमन तोहरे केर दिमाग नखे, के तोहरे के भटकाय देलक? तोहरे केर तो आँइख केर सामने देखाएक नियर यीशु मसीह क्रूस उपरे देखाल गेलक।

1थिस्सलुनीकियनमन 4:3

काले कि परमेश्‍वर केर इच्छा इ हेके कि तोहरेमन पवितर बना, मतलब ब्यभिचार ना करबा।

1थिस्सलुनीकियनमन 5:18

हरेक स्थिति में परमेश्‍वर के धन्यबाद देवा काले कि तोहर लगिन मसीह यीशु में परमेश्‍वर केर एहे इच्छा अहे।

1 तीमुथियुस 1:13

मोंय तो बिसवासी बनेक से पहिले मसीह केर बारे में निंदा करेक वाला, आउर बिसवासीमन के सताएक वाला, आउर उमन केर नोकसान करेक वाला रहों, फिन भी परमेश्‍वर केर दया मोर उपरे होलक, काले कि इ काम मोंय अनजाने में करत रहों आउर यीशु मसीह उपरे बिसवास नी करत रहों।

तीतुस 2:8

आउर सच्चाई के एइसन सिखाव जेकर बुराई करेक नी पराई, ताकि तोर दुश्मन के बिरोध में कहेक केर कोनों मोका ना मिलोक आउर उ लाजिम होई जाओक।

तीतुस 3:3

काले कि हमरे हों बिसवासी बनेक से पहिले निरबुद्धि, आउर आगया नी मानेक वाला, आउर भ्रम में पड़ल रही, आउर लगातार रकम-रकम केर बुरा काममन के करत रही, आउर सुख बिलास केर काममन के करेक में बंधाल रही, आउर हमरे अपन समय के दुष्ट काममन के करेक में बितात रही, आउर दोसरमन से हिसिंगा-डाह करेक में जिंदगी के बितात रही, दोसरमन हमरे से नफरत करत रहैं आउर हमरे एक दोसर संगे नफरत करत रही।

1 पतरस 2:12

परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

1 पतरस 3:16

सोउब बेरा ओहे करा जे सही अहे, फिन अगर आदमीमन तोहर बिरोध में बुरा बोलैना, तो ओहेमन लाजिम होबैं, जब उमन मसीह केर संगे तोहर संबंध केर चलते तोहर बेस चाइल-चलन के देखबैं।

1 पतरस 3:17

कोनों-कोनों बेरा आबा परमेश्‍वर तोहर उपरे परेशानीमन आउर बाथा के आवेक देवेला जबकि तोहरेमन बेस काइर हा, मगर इ उ परेशानीमन आउर बाथा से बेस अहे जे तोहर बुरा काम करेक केर खातिर तोहर उपरे आवेला।

1 पतरस 4:2

ताकि आगे अपन बचल काया केर जिंदगी के आदमीमन केर लालसा केर मोताबिक नहीं, बल्कि परमेश्‍वर केर इच्छा केर मोताबिक बिताबा।

2 पतरस 2:12

मगर इमन निरबुद्धिया जानवरमन नियर काम करैना, ठीक उइसनेहें करैना जइसन उमन केर काया चाहेला आउर जे इ लगिन जनम होवैना कि आदमीमन उमन के फँसाय के मोराएक पारोक। उमन उ चीजमन केर अपमान करैना जेकर बारे में उमन हकीकत में कोनोवें नी जानैना। परमेश्‍वर इमन के तइसनेहें हें नाश करी जइसन आदमीमन जानवरमन के मोरायना।

यहूदा 1:10

मगर इ आदमीमन जे गोइठमन के नी जानैना, उमन के बुरा भला कहैना, मगर जे गोइठमन के अनबुझ जानवरमन नियर स्वभाव से हें बुझैना, आउर इ पापी काममन के करेक केर चलते उमन खुद के नाश करैना।