1 पतरस 2:12 - सादरी नवाँ नियम

¹² परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

1 पतरस 2:12 Iomraidhean Croise

मत्ती 10:25

चेला के गुरु जइसन बनेक आउर धांगर केर मालिक जइसन बाइन जाएक हें ढेइर अहे, जब उमन मोंय घर केर मालिक के शैतान कहलैं, तो मोर घर केर आदमीमन से काले बुरा ब्यवहार नी करबैं।

मत्ती 5:11

धाइन अहा तोहरेमन, जब आदमीमन मोर पिछे चलेक केर खातिर तोहरेमन केर निंदा करबैं, आउर सताबैं आउर झूठ बोइल-बोइल के तोहरेमन केर बिरोध में सोउब रकम केर बुरा गोइठ कहबैं।

मत्ती 5:16

ओहे लेखे तोहरेमन केर ब्यवहार आदमीमन केर सामने चमकोक जेकर से उमन तोहरेमन केर भला काममन के देइख के तोहरेमन केर आबा केर, जे स्वरग में अहे, बड़ाई करोक।

मत्ती 9:8

इ घटना के देइख के आदमीमन डराय गेलैं आउर परमेश्‍वर केर महिमा करेक लगलैं, जे आदमीमन के एइसन अधिकार देई हे।

लूका 1:68

इसराइली आदमीमन केर परमेश्‍वर प्रभु केर महिमा होवोक, काले कि उ अपन आदमीमन केर माझे आलक आउर उमन के छोड़ालक।

लूका 19:44

आउर तोके आउर तोर छउवामन के माइर मोराय देबैं, आउर तोर घरमन केर एगो पखना उपरे दोसर पखना के रहेक नी देबैं, काले कि तोंय उ मोका के नी चिन्हले जब परमेश्‍वर तोर उपरे दया काइर रहे।”

लूका 6:22

धाइन अहा तोहरेमन, जब मोंय आदमी केर बेटा केर खातिर आदमीमन तोहरेमन से बैर करबैं, आउर तोहरेमन के निकलाय देबैं, आउर तोहरेमन केर निंदा करबैं, आउर तोहरे केर नाँव के बुरा जाइन के काइट देबैं।

यूहन्ना 13:31

यहूदा केर चाइल जाएक केर पाछे यीशु कहलक, “अब मोंय आदमी केर बेटा केर महिमा होलक, आउर इकर से परमेश्‍वर केर हों महिमा उकर में होलक।

खास चेलामन केर काम 15:14

सिमोन पतरस बतालक कि परमेश्‍वर पहिले परजाइत आदमीमन केर उपरे दया करलक आउर उमन में से थोरेक आदमीमन के अपन आदमी बनाएक लगिन चुनलक।

खास चेलामन केर काम 24:13

जे गोइठमन केर बारे में इमन मोर उपरे दोष लगाथैं, इमन तोके उकर कोनों सबूत देवेक नी पारबैं।

खास चेलामन केर काम 25:7

जब पौलुस हूवाँ आलक, तो यरुशलेम शहर से आवल यहूदी अगुवामन उके घेइर लेलैं, उमन ठड़ाय के पौलुस केर उपरे ढेइर दोष लगाएक लगलैं, जेमन केर सबूत उमन खुद देवेक नी पारलैं।

खास चेलामन केर काम 28:22

मगर इ डहर केर बारे में तोर से हें तोर बिचार के सुनेक चाहिला, काले कि हमरे जानिला कि सोउब ठाँव में इ डहर केर बिरोध होवाथे।”

रोमानियनमन 12:17

बुराई केर बदली केकरो से बुराई ना करा, जे गोइठमन सोउब आदमीमन लगिन भला अहे, ओहे गोइठमन के गोठियावा।

रोमानियनमन 13:13

आउर जइसन आदमीमन अंधार में निहीं मगर इंजोत में रहैना, तइसनेहें आवा हमरे हों बेस ब्यवहार करब, ना कि लीला-क्रीड़ा आउर पियंक्‍कड़पन में, ना ब्यभिचार आउर लुचा काममन में, आउर ना झगरा आउर डाह में जिंदगी बिताब।

रोमानियनमन 14:18

ओहे खास हेके। जे केऊ इ नियर मसीह केर सेवा करेला, परमेश्‍वर उकर से खुश होवेला, आउर दोसर आदमीमन इके पसिंद करैना।

रोमानियनमन 15:9

आउर परजाइत आदमीमन हों परमेश्‍वर केर दया केर चलते उकर बड़ाई करोक, जइसन कि भजन के लिखेक वाला लीख हे, “मोंय परजाइत आदमीमन में तोर धन्यबाद करमूँ, आउर तोर नाँव केर भजन गामूँ।”

1 कुरिनथियनमन 14:25

आउर परमेश्‍वर केर संदेश उके उकर लुकल पाप से स्वीकार करुवाय देवी, आउर उ पाप करेक छोइड़ के परमेश्‍वर केर भक्ति करी, आउर माइन लेवी कि सचमुच परमेश्‍वर तोहर माझे अहे।

2 कुरिनथियनमन 1:12

हमरे के इ गोइठ उपरे घमंड अहे कि हमरे केर बिवेक बिसवास दिवायला कि हमरे आदमीमन केर साथ, आउर खास काइर के तोहरे केर साथ, जे ब्यवहार काइर ही उ दुनिया केर गेयान केर मोताबिक निहीं, बल्कि उ सच्चाई आउर ईमानदारी केर मोताबिक रहे, जे परमेश्‍वर केर किरपा केर बरदान हेके।

2 कुरिनथियनमन 13:7

हमरे अपन परमेश्‍वर से इ प्रार्थना करिला कि तोहरेमन कोनों बुराई ना करबा, इ लगिन निहीं कि हमरे परीक्षा से पार होई के खुद के तोहरे से बेस देखाएक चाहिला, बल्कि हमरे चाहिला कि तोहरे सही काम के जाना आउर उके करा, भले हमरे के लगेला कि हमरे हाइर जाय ही, मगर हमरे चाहिला कि तोहरे जीत जावा।

2 कुरिनथियनमन 8:21

काले कि जे गोइठमन सिरिफ प्रभु केर भीरे हें निहीं, मगर आदमीमन केर भीरे हों भला अहे, ओहे काममन के हमरे करेक ले धेयान देवीला।

इफिसियनमन 2:3

हमरे हों ओहेमन नियर ब्यवहार करत रही आउर हमर पापी स्वभाव केर इच्छामन के पूरा करत रही, आउर बाकी सोउब आदमीमन नियर बुरा रही आउर परमेश्‍वर केर दंड के पावेक लायक रही।

इफिसियनमन 4:22

से लगिन तोहरेमन पिछला चाइल-चलन आउर पुरना पापी स्वभाव के छोइड़ देवा, जे तोहरे के बुरा इच्छामन में फँसाय के धोखा देलक आउर तोहर जिंदगी के बरबाद काइर देलक।

फिलिप्पियनमन 1:27

तोहरे सिरिफ एतना करा कि तोहर चाइल-चलन मसीह केर शुभ समाचार केर लायक होवोक। चाहे मोंय आय के तोहरेमन के देखमूँ, चाहे नी हों आमूँ, तो तोहरे केर बारे में एहे सुनमूँ कि तोहरेमन एक हें मन होई के स्थिर अहा, आउर एक संग मिल के शुभ समाचार में बिसवास लगिन मेहनइत करते रहाला।

फिलिप्पियनमन 4:8

से लगिन हे संगी बिसवासी भाईमन, जे गोइठमन सच हेके, आउर जे गोइठमन आदर केर लायक हेके, आउर जे गोइठमन उचित हेके, आउर जे गोइठमन पवितर हेके, आउर जे गोइठमन दोसरमन के सुहायला, आउर जे गोइठमन मन के शोभेला, जे गोइठमन बढ़ियाँ हेके आउर जेके दोसरमन बेस पतियायना ओहे गोइठमन में तोहरे धेयान लगावा।

1थिस्सलुनीकियनमन 4:12

ताकि अबिसवासीमन देखबैं कि तोहरे हर दिन कइसन ब्यवहार कराला, आउर तोहर आदर करबैं आउर तोहरेमन में कोनों चीज केर घटी ना होवोक।

1 तीमुथियुस 2:2

राजामन लगिन आउर उ सोउब आदमीमन केर लगिन प्रार्थना करा जेमन सरकारी अधिकारी हेकैं, ताकि उमन हमरे के शांति आउर चैन से रहेक में सहायता करोक, आउर हमरे परमेश्‍वर केर आराधना करेक पारब आउर दोसरमन से उचित ब्यवहार करब।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

1 तीमुथियुस 5:10

आउर उकर नाँव भला काम करेक वाला केर रूप में जानल जायला, जे छउवा पुतामन केर ठीक से पालन-पोषण काइर हे, गोतियामन केर सेवा काइर हे, आउर परेशानी में पड़ल आदमी मनक मदइत काइर हे, आउर सोउब रकम केर भला काम के करेक में मन लगाएक वाला हेके।

इब्रानीमन 13:18

हमरे लगिन प्रार्थना करते रहा, काले कि हमरे पक्का जानिला कि हमरे केर बिवेक शुद्ध अहे, आउर हमरे सोउब काममन में जेके हमरे करिला, परमेश्‍वर के आदर देवेक चाहिला।

इब्रानीमन 13:5

तोहरे के धन केर लोभ नी करेक चाही, तोहरे ठिना जे कोनों अहे उकरे में संतोष रहा, काले कि परमेश्‍वर खुद कइह हे “मोंय तोके कहियो नी छोड़मूँ, आउर ना कहियो ठोकरामूँ।”

याकूब 3:13

तोहरेमन में गेयानी आउर समझदार के हेके? अगर तोहर में से केऊ अहा, तो बेस जिंदगी जी के आउर नरम बाइन के जे तोहर गेयान से आवेला बेस काम काइर के देखावा।

1 पतरस 2:15

काले कि परमेश्‍वर केर इ इच्छा अहे कि हमरे केर बेस ब्यवहार केर चलते जेमन परमेश्‍वर के नी जानैना, उमन आगे हमरे उपरे झूठा दोष लगाएक केर साहस ना करोक, काले कि इ साफ अहे कि उ मनक दोष लगाएक सच ना लगे।

1 पतरस 3:16

सोउब बेरा ओहे करा जे सही अहे, फिन अगर आदमीमन तोहर बिरोध में बुरा बोलैना, तो ओहेमन लाजिम होबैं, जब उमन मसीह केर संगे तोहर संबंध केर चलते तोहर बेस चाइल-चलन के देखबैं।

1 पतरस 4:11

उदाहरन लगिन अगर तोहर ठिना परचार करेक केर बरदान अहे, तो तोहरे के परमेश्‍वर केर संदेश केर परचार करेक चाही, अगर तोहर ठिना दोसर आदमीमन केर मदइत करेक केर बरदान अहे, तो इके तोहरे उ शक्ति केर साथ करा जेके परमेश्‍वर तोहरे के देवेला, तब जे कुछ हों तोहरे करबा, उकर से यीशु मसीह केर द्वारा परमेश्‍वर केर महिमा होवी। सोउब महिमा आउर शक्ति युग-युग लगिन उकरे हेके। आमीन।

2 पतरस 3:11

इ पक्का अहे कि परमेश्‍वर इ लेखे सोउब चीजमन के नाश काइर देवी तो सोचा तोहरे के कइसन चाल चलेक चाही? तोहरे के पवितर चाइल-चलन आउर धरमी जिंदगी जियेक चाही जेकर से परमेश्‍वर खुश होवेला।