1 पतरस 2:11 - सादरी नवाँ नियम

¹¹ हे दुलार भाईमन, तोहरे इ दुनिया में परदेसीमन आउर डहर चलुवामन नियर रहाथा। मोंय तोहर से बिनती करोना कि दुनिया केर उ सोउब बुरा इच्छामन से बचा, काले कि उ तोहर आत्मा केर बिरोध में लड़ते रहेला।

1 पतरस 2:11 Iomraidhean Croise

लूका 21:34

से लगिन तोहरेमन सावधान रहा, कहीं एइसन ना होवोक कि तोहरेमन माउज-मस्ती, नशापान आउर इ दुनिया केर चिंतामन से सुस्त होई जबा आउर उ दिन अचका एगो फंदा नियर तोहर उपरे आय जाई।

खास चेलामन केर काम 15:20

मगर हमरे उमन के चिट्ठी लीख के भेजब कि उमन मूर्तिमन लगिन चढ़ाल अशुद्ध चीजमन के आउर ब्यभिचार आउर घेंचा चीप के मोराल जीवमन केर माँस आउर लोहू के ना खाओक।

खास चेलामन केर काम 15:29

तोहरेमन मूर्तिमन लगिन बलि चढ़ाल चीजमन के आउर लोहू के आउर घेंचा चीप के मोराल माँस के ना खाबा आउर ब्यभिचार से दूर रहबा, अगर तोहरे खुद के इ गोइठमन से बचाय के रखबा तो तोहर भला होवी। आगे शुभ।”

रोमानियनमन 12:1

इ लगिन हे बिसवासी भाईमन, परमेश्‍वर हमरे के अपन महान दया के देखाय हे, से लगिन मोंय तोहरेमन से बिनती करोना कि अपन जिंदगी के जिंदा आउर पवितर, आउर परमेश्‍वर के पसिंद लायक बलिदान केर रूप में, परमेश्‍वर लगिन चढ़ाय देवा, एहे परमेश्‍वर केर भक्ति करेक केर सही तरीका हेके।

रोमानियनमन 7:23

मगर मोके अपन काया केर अंगमन में दोसर रकम केर नियम दिसेला, जे उ नियम से लड़ेला, जेके मोर मन परमेश्‍वर केर नियम मानेला, आउर उ शक्ति मोके पाप केर गुलाम बनायला जे एखनो तक मोर काया केर अंगमन में अहे।

रोमानियनमन 8:13

काले कि अगर तोहरेमन काया केर स्वभाव केर मोताबिक चलबा, तो परमेश्‍वर से अलग होई जबा, अगर पवितर आत्मा केर शक्ति से काया केर स्वभाव केर इच्छा के रोकबा, तो परमेश्‍वर में बनल रहबा।

2 कुरिनथियनमन 5:20

से लगिन हमरे मसीह केर राइज केर संदेश देवेक वाला हेकी, जइसन कि परमेश्‍वर हमर जरिया से अपन संदेश के स्वीकार करेक लगिन, आदमीमन के कहाथे कि परमेश्‍वर केर संगे मेल-मिलाप काइर लेवा।

2 कुरिनथियनमन 6:1

आउर हमरे जे परमेश्‍वर संगे काम करेक वाला हेकी, तोहरे से अरजी करिला कि उकर किरपा जे तोहर उपरे होई हे, उके बेकार ना जाएक देवा।

2 कुरिनथियनमन 7:1

से लगिन हे दुलार बिसवासी भाईमन, जबकि हमरे के इ करारमन मिल हे, तो आवा, हमरे सोउब रकम केर दुष्ट काममन के करेक छोइड़ देवब, आउर परमेश्‍वर केर आदर करते हुए पूरा-पुरी पवितर जिंदगी जियेक केर कोशिश करब।

गलातियनमन 5:24

आउर जेमन छुटकारा देवेक वाला यीशु मसीह से जुड़ल अहैं, उमन अपन काया के उकर इच्छामन आउर लालसामन केर समेत क्रूस उपरे चढ़ाय देई हैं।

इफिसियनमन 2:19

इ लगिन अब तोहरे परजाइतमन परदेसी आउर पराया ना लगा। मगर पवितर आदमीमन केर संगी देसी आउर परमेश्‍वर केर परिवार केर होई गेला।

इफिसियनमन 4:1

मोंय प्रभु यीशु केर सेवा करोना से लगिन जेहेल में अहों। मोंय तोहरेमन से बिनती करोना कि परमेश्‍वर तोहरेमन के जइसन जिंदगी बिताएक ले बोलाय हे तइसनेहें जिंदगी बितावा।

2 तीमुथियुस 2:22

जवानी केर बुरा लालसामन से बाइच के रह, आउर जेमन शुद्ध मन से प्रभु केर आराधना करैना, उमन संगे धरम, आउर बिसवास, आउर प्रेम, आउर मेल-मिलाप केर पिछा कर।

इब्रानीमन 11:13

इ सोउब आदमीमन जेमन परमेश्‍वर उपरे बिसवास काइर रहैं, परमेश्‍वर केर करार करल चीजमन के बेगर पाले मोइर गेलैं, मगर उमन दूर हें से अपन मन में देइख के खुश होलैं, आउर बुइझ गेलैं कि उमन इ धरती में परदेसी आउर बाहरी हेकैं।

इब्रानीमन 6:9

मगर हे मोर दुलार संगीमन, तोहरे भला काम कराथा काले कि परमेश्‍वर तोहरे के छुटकारा देई चुइक हे, से लगिन इ चेतावनीमन तोहर बारे में ना लगे। फिन भी हमरे तोहर बारे में इकर से बेस चीजमन आउर छुटकारा से जुड़ल आशीषमन लगिन भरसा करिला।

याकूब 4:1

तोहर माझे लड़ाईमन आउर झगरामन काले होवेला? इ उ स्वार्थी इच्छामन से आवेला जे तोहर अंगमन में लड़ते-भिड़ते रहेला।

1 पतरस 1:1

मोंय पतरस जे यीशु मसीह केर चुनल खास चेला हेकों, इ चिट्ठी के उ परदेसीमन केर नाँव में लिखाथों, जेमन पुन्तुस, गलातिया, कप्पदुकिया, आसिया आउर बितूनिया परदेसमन में तितिर-बितिर होई के रहैना।

1 पतरस 1:17

जब तोहरे प्रार्थना कराला तो परमेश्‍वर के अपन आबा कहाला, मगर याइद रखा कि उ सोउब आदमीमन केर फैसला एक जइसन करेला, मतलब हरेक केर काम केर मोताबिक। से लगिन जबकि तोहरे इ धरती उपरे एगो परदेसी नियर रहाला, तो तोहरे के परमेश्‍वर लगिन ढेइर सम्मान देवेक चाही।

1 पतरस 4:12

हे बिसवासी भाईमन, उ दुःख देवेक वाला चीजमन केर बारे में ताजुब ना होवा जेकर खातिर तोहरेमन दुःख उठाथा, काले कि तोहरेमन मसीह केर हेका। मगर इ चीज इ देखाएक लगिन होवाथे कि का तोहरे सच में आबा परमेश्‍वर उपरे बिसवास कराला। से लगिन, इ ना सोचा कि तोहर संगे कुछ अजीब होवाथे।

1 पतरस 4:2

ताकि आगे अपन बचल काया केर जिंदगी के आदमीमन केर लालसा केर मोताबिक नहीं, बल्कि परमेश्‍वर केर इच्छा केर मोताबिक बिताबा।

2 पतरस 3:1

हे दुलार बिसवासी भाई-बहिनमन, अब मोंय तोहरेमन के दूसरा बेर चिट्ठी लिखाथों, इ दुयो चिट्ठी के इ लगिन लीख हों ताकि जे गोइठमन के तोहरे पहिले से जानाला, उके दोबारा याइद दिवाय के तोहरे केर मन में शुद्ध बिचारमन के जगाएक पारमूँ।