1 पतरस 1:6 - सादरी नवाँ नियम

⁶ तोहरे के इ सोउब गोइठमन केर बारे में खुश होवेक चाही, जबकि एखन थोरेक समय लगिन रकम-रकम केर दुःखमन से दुःखी अहा।

1 पतरस 1:6 Iomraidhean Croise

मत्ती 11:28

हे सोउब मेहनइत करेक वाला आउर बोझा से जँताल आदमीमन, मोर ठिना आवा, मोंय तोहरेमन के आराम देमूँ।

मत्ती 26:37

यीशु अपन संगे पतरस के आउर जबदी केर दुयो बेटा याकूब आउर उकर छोट भाई यूहन्ना के बगाइचा में थोरेक दूर लेई गेलक, हूवाँ उ ढेइर दुःखी आउर बेचाइन होवेक लगलक।

मत्ती 5:12

तब खुशी मनाबा आउर रिझबा, काले कि तोहरेमन के स्वरग में बड़का इनाम भेटाई। तोहरेमन से ढेइर समय पहिले हों उमन परमेश्‍वर केर संदेश के बताएक वालामन के एहे लेखे सताय रहैं।

लूका 1:47

आउर मोर आत्मा मोर छुटकारा देवाइया परमेश्‍वर से खुश अहे।

लूका 10:20

फिन भी तोहरेमन ना रिझबा कि भूतमन तोहर अधिकार में अहैं, मगर इ गोइठ लगिन रिझे होवा कि तोहर नाँव स्वरग में लिखल जाय हे।”

लूका 2:10

मगर स्वरगदूत उमन से कहलक, “ना डरावा, देखा, मोंय तोहरेमन के बड़का खुशी केर शुभ समाचार सुनाथों, जे सोउब आदमीमन लगिन होवी।

यूहन्ना 16:22

एहे लेखे तोहरेमन एखन दुःख में अहा, मगर मोंय तोहरेमन के फिन देखमूँ, आउर तोहरेमन खुश होई जबा। आउर तोहर इ खुशी के केऊ लुटेक नी पारी।

यूहन्ना 16:33

मोंय तोहरेमन के इ गोइठमन के आगे हें बताय देलों, ताकि तोहरेमन के शांति मिलोक। दुनिया में तोहरेमन के दुःख सहेक होवी, मगर ढाढ़स बाँधा, मोंय दुनिया केर सरदार शैतान के हराय देई हों।”

खास चेलामन केर काम 14:22

उमन हरेक नगर में चेलामन के मजबूत आउर बिसवास में स्थिर रहेक लगिन इ उपदेस देवत रहैं कि हमरे के ढेइर दुःख साइह के स्वरग राइज में जाएक होवी।

रोमानियनमन 12:12

जे आसरा तोहरे ठिना अहे, उकर में खुश रहा, बिपइत में धीरज धरा, रोज दिन प्रार्थना में लगल रहा।

रोमानियनमन 5:11

आउर सिरिफ एहे निहीं, मगर अब तो हमरे केर प्रभु यीशु मसीह केर चलते परमेश्‍वर से हमरे केर मेल होई गेलक, से लगिन हमरे परमेश्‍वर में खुश अही।

रोमानियनमन 5:2

जेकर से बिसवास करेक केर चलते, यीशु मसीह हमरे के उ किरपा केर नीचे लाइन हे जहाँ हमरे एखन खड़ा अही, आउर हमरे पूरा आसरा आउर आनंद से परमेश्‍वर केर महिमा के बाँटते आगे देखाथी।

2 कुरिनथियनमन 4:17

काले कि हमरे केर इ बेरा केर मुसीबतमन थोरहें अहे आउर बगरा दिन तक नी रही। काले कि उ मुसीबतमन केर बदली में जुग-जुग केर महिमा मिली, जे हमरे केर सोचेक से कहीं बाइढ़ के अहे।

2 कुरिनथियनमन 6:10

हमरे ढेइर दुःख उठाइला, मगर सोउब बेरा खुशी मनाइला, हमरे खुद तो गरीब अही, मगर ढेइर आदमीमन के आत्मिक रीति से धनी बनाय देवीला, एइसन अही जइसन हमरे ठिना कोनों नखे, फिन भी हमरे ठिना सोउब कुछ अहे।

गलातियनमन 5:22

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज,

फिलिप्पियनमन 2:26

उके तोहरेमन से मिलेक लगिन ढेइर इच्छा कराथे, इ लगिन उ अकबकाले रहत रहे काले कि तोहरेमन उकर बेमारी केर हाल सुइन रहा।

फिलिप्पियनमन 3:3

काले कि असली खतना वाला तो हमरे हें हेकी, जे परमेश्‍वर केर आत्मा केर अगुवाई से भक्ति करिला आउर मसीह यीशु उपरे घमंड करिला, आउर अपन खुद केर काया से करल काम केर उपरे भरसा नी करिला।

फिलिप्पियनमन 4:4

प्रभु में सोउब बेरा खुश रहा। मोंय फिन कहोना, खुश रहा।

1थिस्सलुनीकियनमन 1:6

तोहरेमन उपरे भारी दुःख रहे फिन भी तोहरे उ संदेश केर स्वागत करला जे पवितर आत्मा बटले देवल जाय रहे। आउर तोहरे हमर आउर प्रभु केर नियर चाल चलेक लगला।

याकूब 1:2

हे मोर भाईमन, जब तोहरेमन में रकम-रकम केर बिपइत आवी, तब तोहरे इके ढेइर खुशी केर गोइठ समझबा।

याकूब 1:9

उ बिसवासी भाई जे गरीब अहे उके खुश होवेक चाही, काले कि उ परमेश्‍वर केर लगिन खास हेके।

याकूब 4:9

अपन पापमन लगिन दुःखी होवा आउर शोक करा आउर काँदा। तोहर हँसी शोक में आउर तोहर खुशी उदासी में बदइल जाओक।

1 पतरस 3:17

कोनों-कोनों बेरा आबा परमेश्‍वर तोहर उपरे परेशानीमन आउर बाथा के आवेक देवेला जबकि तोहरेमन बेस काइर हा, मगर इ उ परेशानीमन आउर बाथा से बेस अहे जे तोहर बुरा काम करेक केर खातिर तोहर उपरे आवेला।

1 पतरस 4:7

सोउब गोइठमन केर अंत तुरते होवेक वाला अहे, से लगिन ठीक से सोचा आउर खुद के काबू में रखा, ताकि तोहरे प्रार्थना लगिन तेयार रहेक पारबा।

1 पतरस 5:10

परमेश्‍वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्‍वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।