1 पतरस 1:4 - सादरी नवाँ नियम

⁴ हमरे उ जयजाद के पावेक केर आसरा कराथी, जेके परमेश्‍वर हमर लगिन तेयार काइर हे, जे चीजमन के केऊ कहियो नाश करेक नी पारी। आउर उ कहियो पुरना नी होवी, परमेश्‍वर उ चीजमन के स्वरग में हमरे लगिन राइख हे।

1 पतरस 1:4 Iomraidhean Croise

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

मरकुस 10:17

जइसनेहें यीशु अपन चेलामन केर संगे जाएक शुरु करलक तइसनेहें एगो जवान आदमी उकर ठिना कूदते आलक। उ यीशु केर आगे ठेहुना टेइक के पूछलक, “हे बेस गुरु, जुग-जुग केर जिंदगी केर हकदार होवेक लगिन मोंय का काम करमूँ?”

खास चेलामन केर काम 20:32

अब मोंय तोहरे के परमेश्‍वर केर आउर उकर किरपा केर बचन केर देख-रेख में जिम्मा देवाथों, जे तोहर बिसवास के मजबूत करी। आउर परमेश्‍वर तोहरे के उ बपौती अधिकार देवी, जेके देवेक केर करार उ सोउब आदमीमन से काइर हे, जेमन उकर से पवितर करल जाय हैं।

खास चेलामन केर काम 26:18

मोंय तोके उ मनक आँइख खोलेक लगिन, उमन के अंधार से इंजोत में लानेक लगिन, मतलब शैतान केर अधिकार से छोड़ाय के परमेश्‍वर बटे लानेक लगिन उमन ठिना भेजाथों। जेकर से उमन मोर उपरे बिसवास काइर के अपन पापमन केर क्षमा पाओक आउर पवितर करल आदमीमन केर माझे अपन ठाँव के पाओक।’

रोमानियनमन 8:17

आउर अगर संतान हेकी, तो हकदार हों हेकी बल्कि परमेश्‍वर केर हकदार आउर मसीह केर संगी हकदार हेकी, जब एखन हमरे उकर संगे दुःख उठाथी तो उकर संगे महिमा हों पावब।

1 कुरिनथियनमन 9:25

आउर हरेक पहलवान अपन काया केर सोउब रकम केर इच्छामन के रोकेला, उ तो एगो मुरझाएक वाला मुकुट के पावेक लगिन इ सोउब के करेला। मगर हमरे तो उ मुकुट के पावेक लगिन मेहनइत करिला जे मुरझाएक वाला नखे।

गलातियनमन 3:18

अगर परमेश्‍वर मूसा केर नियम के मानेक केर बदली में आशीष के देई हे, तब तो उ करार के किनारे काइर देतक, मगर परमेश्‍वर अब्राहम के अपन किरपा से आशीष देई हे, काले कि उके देवेक केर करार काइर हे।

इफिसियनमन 1:11

ओहे यीशु केर चलते जेकर से हमरे जुड़ल अही, बपौती अधिकार पावेक नियर हमरे परमेश्‍वर से अधिकार के पाली, जेकर लगिन उ अपन योजना केर मोताबिक पहिलेहें से हमरे के चुइन रहे।

इफिसियनमन 1:14

पवितर आत्मा छुटकारा पावल आदमीमन लगिन जमा करल धन नियर अहे, जे पक्का भरसा दिवायला कि परमेश्‍वर उ सोउब चीजमन के देवी जेके देवेक केर करार काइर हे, आउर जेके उ अपन आदमीमन लगिन कीन लेई हे। ताकि उकर महिमा लगिन उकर बड़ाई होवोक।

इफिसियनमन 1:18

मोंय एहो प्रार्थना करोना कि परमेश्‍वर तोहरे केर दिमाग के खोइल देवोक, ताकि उकर बोलाएक में जे आसरा अहे उके आउर उकर महिमा से भरल आशीषमन के, जे सोउब पवितर आदमीमन लगिन अहे, जानेक पारबा।

कुलुसियनमन 1:12

आउर आबा परमेश्‍वर के धन्यबाद देते रहा, जे तोहरे के उ बपौती अधिकार में भागी होवेक केर लायक बनाय हे, जेके उ स्वरग केर राइज में अपन आदमीमन के देवेक लगिन तेयार काइर हे।

कुलुसियनमन 1:5

तोहर इ बिसवास आउर प्रेम उ आसरा हेके, जे तोहरेमन लगिन स्वरग में रखल अहे। जेकर चरचा तोहरे उ शुभ समाचार केर सच्चा बचन में पहिलेहें से सुइन चुइक हा।

कुलुसियनमन 3:24

तोहरे जानाला कि तोहरे के इकर बदला में प्रभु इनाम केर रूप में बपौती अधिकार देवी। इ लगिन कि तोहरेमन मालिक मतलब मसीह केर सेवक हेका।

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

इब्रानीमन 10:34

तोहरेमन कैदीमन केर दुःख में हों दुःखी होला, आउर अपन सम्पति के हों खुशी से लुटेक देला, काले कि तोहरे जानाला कि तोहरे ठिना एखनो उ चीजमन अहे, जेके देवेक केर परमेश्‍वर करार काइर हे, उ चीजमन इ दुनिया केर सम्पति से बगरा बढ़ियाँ अहे आउर जुग-जुग लगिन अहे।

इब्रानीमन 9:15

एहे खातिर मसीह नवाँ करार केर मिलाएक वाला हेके, ताकि जेमन के परमेश्‍वर बटले बोलाल जाय हे उमन जुग-जुग केर आशीषमन के पाओक, जेकर करार परमेश्‍वर काइर हे। एइसन इ लगिन करेक परायला, काले कि मसीह उमन के, उ पापमन केर दंड से छुटकारा देवेक लगिन प्राण देलक, जे पापमन के उमन पहिला करार केर समय में काइर रहैं।

याकूब 1:11

बेइर उगते हें कड़कड़ राउद सेकेला आउर घास के सुखाय देवेला, आउर उकर फूल झाइर जायला, आउर उकर शोभा मिट जायला। ओहे लेखे धनवान हों अपन डहर में चलते-चलते धूर में मिल जाई।

1 पतरस 3:9

बुराई केर बदला बुराई ना करा आउर ना गाली केर बदला गाली देवा, मगर इकर उल्टा उमन के आशीष हें देवा। परमेश्‍वर तोहरे के इ लगिन बोलाय हे कि तोहरे दोसरमन के आशीष देवा अगर तोहरेमन एइसन कराला तो परमेश्‍वर हों तोहरे के आशीष देवी।

1 पतरस 5:4

जब यीशु मसीह, जे कि हमरे केर मुध चरवाहा हेके, दोबारा फिन से घूइर आवी, तब तोहरे के एगो इनाम देवी जे कहियो अपन चमक के नी हेराई।

प्रकाशितवाक्य 21:27

मगर उ नगर में कोनों अपवितर चीज या घिनघिना काम करेक वालामन या झूठा गोठियाएक वालामन कोनों रीति से ढूकेक नी पारबैं। मगर सिरिफ उ आदमीमन जे मनक नाँव मेमना केर जिंदगी केर किताब में लिखल अहे, ढूकेक पारबैं।