1 पतरस 1:3 - सादरी नवाँ नियम

³ हमर प्रभु यीशु मसीह केर आबा आउर परमेश्‍वर केर धन्यबाद होवोक, जे अपन बड़का दया से आउर प्रभु यीशु मसीह केर मोरल में से जी उठेक केर द्वारा से हमरे के नवाँ जिंदगी देई हे, आउर जुग-जुग केर जिंदगी केर आसरा देई हे।

1 पतरस 1:3 Iomraidhean Croise

यूहन्ना 1:13

उमन ना तो आयो-आबा से, ना आदमी केर इच्छा से आउर ना आदमी केर संतान पावेक केर इच्छा से जनइम हैं, मगर उमन परमेश्‍वर से जनइम हैं।

रोमानियनमन 12:12

जे आसरा तोहरे ठिना अहे, उकर में खुश रहा, बिपइत में धीरज धरा, रोज दिन प्रार्थना में लगल रहा।

रोमानियनमन 15:13

मोंय प्रार्थना करोना कि परमेश्‍वर जे आसरा करेक केर सोता हेके, तोहरेमन के बिसवास करेक में सोउब रकम केर खुशी, आनंद आउर शांति से भरपूर करोक कि पवितर आत्मा केर शक्ति से तोहर आसरा बढ़ते जाओक।

रोमानियनमन 4:25

यीशु हमरे केर पापमन केर चलते मोरेक लगिन धरुवाल हों गेलक, आउर परमेश्‍वर उके हमरे के धरमी ठहराएक लगिन जियाय हों देलक।

रोमानियनमन 5:10

काले कि जब हमरे परमेश्‍वर केर दुश्मन रही तब उकर बेटा केर माउत केर चलते परमेश्‍वर हमरे से मेल करलक, फिन मेल होई जाएक से मसीह केर जिंदगी केर चलते हमरे के काले नी बचाई?

रोमानियनमन 8:11

आउर अगर पवितर आत्मा जे यीशु के मोरलमन में से जियालक तोहर में बसल अहे, तो जे मसीह के मोरलमन में से जियालक, उ तोहर नाश होवेक वाला कायामन के हों अपन आत्मा केर द्वारा जे तोहर में बसल अहे जियाई।

रोमानियनमन 8:24

इकर आसरा परमेश्‍वर हमरे के देई हे जब हमरे छुटकारा पाली। हमरे एखन तक उ सोउब के नी पाय ही जेके देवेक केर करार परमेश्‍वर हमरे से काइर हे, से लगिन हमरे एखन तक उके पावेक केर आसरा करिला, आउर से लगिन जब तक हमरे उके नी पावब तब तक धीरज से आसरा देखाथी।

1 कुरिनथियनमन 13:13

तो हमर परमेश्‍वर में बिसवास आउर आसरा, आउर हमर परमेश्‍वर लगिन प्रेम आउर हमर संगी बिसवासीमन लगिन प्रेम, इ तीनों सोउब दिन ले बनल रही, मगर इमन में से सोउब से बढ़ियाँ प्रेम हेके।।

1 कुरिनथियनमन 15:20

मगर सचमुच में परमेश्‍वर मसीह के मोरलमन में से जियाय हे, आउर जेमन मोइर जाय हैं उमन में मसीह पहिला आदमी हेके जे जी उइठ हे।

2 कुरिनथियनमन 1:3

हमरे केर प्रभु यीशु मसीह आउर आबा परमेश्‍वर केर धन्यबाद होवोक, जे दया करेक वाला आबा आउर सोउब रकम केर दुःख में दिलासा देवेक वाला परमेश्‍वर हेके।

गलातियनमन 6:16

जेमन इ नियम के मानैना, उमन उपरे आउर परमेश्‍वर केर इसराइल उपरे दया आउर शांति बनल रहोक।

इफिसियनमन 1:17

मोंय प्रार्थना करोना कि हमर प्रभु यीशु मसीह केर आबा परमेश्‍वर जे महिमा से भरल अहे, तोहरेमन के आत्मिक बुद्धि आउर समझ देवी जेकर से तोहरे उके आउर बढ़ियाँ से जानेक पारबा।

इफिसियनमन 1:3

हमर प्रभु यीशु मसीह केर आबा परमेश्‍वर केर धन्यबाद होवोक कि उ मसीह केर द्वारा हमरे के स्वरग केर सोउब रकम केर आत्मिक आशीषमन के देई हे।

इफिसियनमन 1:7

हमरे के परमेश्‍वर केर ढेइर किरपा से यीशु मसीह केर लोहू बहाएक केर चलते छुटकारा मिल हे, मतलब पापमन केर क्षमा मिल हे।

इफिसियनमन 2:4

मगर परमेश्‍वर जे ढेइर दयालु अहे, जब हमरे पापमन केर चलते मोरल नियर रही, तो अपन बड़का प्रेम से हमरे के प्रेम करलक। आउर मसीह केर संगे एक होवेक केर चलते हमरे के जियालक, (परमेश्‍वर केर किरपा से हें तोहर छुटकारा होई हे)।

इफिसियनमन 3:20

अब परमेश्‍वर जे एइसन शक्तिशाली अहे कि हमरे केर माँगेक या बिचार करेक से बगरा काम करेक पारेला, उकर शक्ति केर मोताबिक जे हमरे केर भीतरे काम करेला।

कुलुसियनमन 1:23

अगर तोहरेमन केर बिसवास यीशु मसीह उपरे पोक्ता बनल रही, उ घर केर जइसन जे एगो मजबूत नेव केर उपरे खड़ा रहेला, आउर उ आसरा के नी छोड़बा जे शुभ समाचार उपरे बिसवास करेक से तोहरे के मिल हे, जेकर परचार आकाश केर हेंठे गोटा दुनिया में सोउब मनवा केर माझे करल जाय हे, आउर मोंय पौलुस ओहे शुभ समाचार केर परचार करोना।

कुलुसियनमन 1:27

काले कि परमेश्‍वर चाहत रहे कि उकर आदमीमन इ जाइन लेवोक कि मसीह केर धन आउर महिमा तोहरे परजाइत आदमीमन लगिन हों अहे। आउर उ भेद इ हेके कि मसीह जे महिमा केर आसरा हेके तोहरे में रहेला।

1थिस्सलुनीकियनमन 1:3

आउर जब हमरे अपन परमेश्‍वर से प्रार्थना करिला, तो तोहरे केर उ काम के जेके बिसवास से कराला, आउर दोसरमन केर परती प्रेम देखाएक लगिन कठिन मेहनइत कराला, आउर यीशु मसीह केर घूइर आवेक केर आसरा से दुःख में तोहरेमन केर धीरज के लगातार याइद करिला।

1थिस्सलुनीकियनमन 4:13

हे भाईमन, हमरे चाहिला कि तोहरेमन उ बिसवासीमन केर बारे में जेमन मोइर जाय हैं, जाइन लेवा कि उ मनक संगे का होवी, एइसन ना होवोक कि तोहरे के दोसरमन नियर शोक करेक पड़ी, जेमन के मोरल पाछे फिन से जियेक केर आसरा नखे।

2 थिस्सलुनीकियनमन 2:16

हमरे हमर प्रभु यीशु मसीह से आउर हमर आबा परमेश्‍वर से प्रार्थना करिला, जे हमरे से प्रेम करेला, आउर अपन किरपा से जुग-जुग केर शांति आउर सोउब से बेस आसरा देई हे।

1 तीमुथियुस 1:14

मगर हमर प्रभु केर किरपा, बिसवास आउर प्रेम केर संगे भरपूरी से मोर उपरे होलक, काले कि मोंय मसीह यीशु केर संगे एकजूट अहों।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

इब्रानीमन 3:6

मसीह एगो बेटा नियर परमेश्‍वर केर परिवार में बिसवास लायक अहे, अगर हमरे अपन साहस आउर उ आसरा में बिसवास के बनाय के राखिला, तो हमरे उकर परिवार हेकी।

याकूब 1:18

उ अपनेहें इच्छा से हमरे के सच्चाई केर बचन से अपन संतान बनाय हे, ताकि हमरे उकर सिरजाल चीजमन में से एक रकम केर पहिला फार नियर होवब।

1 पतरस 1:13

इ लगिन अपन-अपन मन के तेयार करा, जइसन आदमीमन काम करेक ले तेयार होवेक लगिन अपन डाँड़ा के बंधायना। खुद के काबू में रखा आउर उ किरपा केर पूरा आसरा रखा, जेके यीशु मसीह के दोबारा आवेक से तोहरे के देवल जाई।

1 पतरस 1:21

यीशु मसीह जे हमर लगिन करलक उकर चलते तोहरे अब परमेश्‍वर उपरे आसरा कराला। उ ओहे हेके जे यीशु मसीह के मोरेक केर पाछे फिन जिंदा करलक आउर उके महिमा देलक। से लगिन तोहरे बिसवास कराला आउर परमेश्‍वर उपरे तोहर उमीद अब पक्का अहे।

1 पतरस 1:23

काले कि तोहरेमन के परमेश्‍वर बटले नवाँ जिंदगी मिल हे। तोहरे के जे जिंदगी मिल हे उ एइसन चीजमन से नी मिल हे कि उ नाश होवी बल्कि एइसन चीज से मिल हे जे जुग-जुग लगिन रही। मतलब परमेश्‍वर केर जिंदा आउर जुग-जुग केर बचन से मिल हे।

1 पतरस 2:2

जइसन नवाँ जनमल छउवामन अपन आयो केर दूध पियेक लगिन लालसा करैना, तइसनेहें तोहरे के परमेश्‍वर केर बचन के सिखेक लगिन लालसा करेक चाही, ताकि तोहरे आत्मिक रूप से समझदार बाइन जबा। तब आखरी में परमेश्‍वर तोहरे के इ दुनिया केर सोउब बुरा चीजमन से पूरा-पुरी छुटकारा देवी।

1 पतरस 3:15

मगर मसीह के प्रभु माइन के उकर आराधना करा, अगर केऊ उ आसरा केर बारे में पूछी जेके बिसवासी होवेक केर चलते हमरे सोउब आपस में साझा करिला, तो सोउब बेरा उके समझाएक लगिन तेयार रहा, मगर इके नरम आउर आदर से करबा।

1 पतरस 3:21

पुरना समय में उ मनक छुटकारा, अब हमर छुटकारा केर एगो उदाहरन हेके, जे पानी में हमरे बपतिस्मा जल संस्कार लेविला, उ हमरे केर काया से मइला के दूर नी करेला, मगर इ एगो चिन्हा हेके। हमरेमन आबा परमेश्‍वर से माफी माँइग ही, ताकि आगे हमरे केर मन परेशान ना रहोक। हमरे के माफ करल जाएक पराई काले कि यीशु मसीह मोरेक केर पाछे फिन से जी उइठ हे।

1 पतरस 3:5

पुरना समय केर जनानामन जे परमेश्‍वर उपरे बिसवास करत रहैं आउर उकर उपरे आसरा करत रहैं, उमन अपन-अपन पतिमन केर आगया माइन के खुद के सुंदर बनात रहैं।

1 यूहन्ना 2:29

अगर तोहरेमन जानाला कि परमेश्‍वर धरमी हेके, तो एहो जानाला कि जे केऊ उ काम के करेला जे काम परमेश्‍वर केर नजइर में बेस हेके, तो उ परमेश्‍वर केर संतान हेके।

1 यूहन्ना 3:3

आउर जे केऊ मसीह उपरे इ आसरा रखेला उ खुद के तइसनेहें पवितर करेला जइसन उ पवितर अहे।

1 यूहन्ना 3:9

जे केऊ परमेश्‍वर केर संतान हेके उ पाप करते नी रहेला, काले कि उकर में परमेश्‍वर केर स्वभाव अहे। आउर उ पाप करबे नी करी काले कि उ परमेश्‍वर से जनइम हे।

1 यूहन्ना 4:7

हे मोर दुलार भाई-बहिनमन, हमरेमन एक दोसर से प्रेम करब, काले कि प्रेम परमेश्‍वर केर संतान हेके, आउर जे केऊ एक दोसर से प्रेम करेला, उ हों परमेश्‍वर केर संतान हेके आउर परमेश्‍वर के जानेला।

1 यूहन्ना 5:1

जे केऊ इ बिसवास करेला कि यीशु हें मसीह हेके उ परमेश्‍वर केर संतान हेके। आउर जे केऊ आबा परमेश्‍वर से प्रेम करेला उ उकर संतानमन से हों प्रेम करेला।

1 यूहन्ना 5:18

हमरेमन जानिला कि जे केऊ परमेश्‍वर केर संतान हेके उ पाप करते नी रहेला, मगर परमेश्‍वर केर बेटा यीशु उकर रक्षा करते रहेला आउर दुष्ट शैतान उके छुवेक हों नी पारेला।

1 यूहन्ना 5:4

काले कि जे केऊ परमेश्‍वर केर संतान हेके, उ दुनिया के जीत लेवेला आउर उ जीत जेकर से दुनिया में जीत मिलेला उ हमरे केर बिसवास हेके।