1 पतरस 1:25 - सादरी नवाँ नियम

²⁵ मगर परमेश्‍वर केर बचन जुग-जुग लगिन स्थिर बनल रही।” इ बचन मसीह केर बारे में शुभ समाचार हेके जेके तोहर माझे परचार करल जाय रहे।

1 पतरस 1:25 Iomraidhean Croise

मत्ती 5:18

काले कि मोंय तोहरे से सच कहाथों, आकाश आउर धरती मिट जाई तो मिट जाई, मगर मूसा केर नियम में जे गोइठ लिखल अहे, उ जब तक पूरा नी होवी, तब तक उकर में से एको मात्रा या एको बिंदु हों नी मिटी।

लूका 16:17

आकाश आउर धरती मिट जाई तो मिट जाई, मगर मूसा केर नियम में जे गोइठ लिखल अहे, बेगर पूरा होले एगो बिंदु हों नी मिटी।

यूहन्ना 1:1

दुनिया केर सिरजन से आगे बचन रहे, आउर बचन परमेश्‍वर केर संगे रहे, आउर बचन परमेश्‍वर रहे।

यूहन्ना 1:14

आउर बचन एगो आदमी बनलक आउर उ आदमी किरपा आउर सच्चाई से भाइर के हमर माझे रहलक। आउर हमरे उकर एइसन महिमा देखली, जइसन परमेश्‍वर आबा केर बटे से आवल एकलौता बेटा केर महिमा।

1 कुरिनथियनमन 2:2

काले कि मोंय इ ठाइन लेई रहों कि तोहर माझे सिरिफ यीशु मसीह केर बारे में आउर क्रूस उपरे उकर माउत केर बारे में हें गोठियामूँ।

इफिसियनमन 2:17

आउर यीशु मसीह आय के तोहरे परजाइतमन जे दूर रहा, आउर इसराइलीमन जे भीरे रहैं, दुयो के शांति केर शुभ समाचार सुनालक।

इफिसियनमन 3:8

जबकि मोंय परमेश्‍वर केर आदमीमन में से सोउब से छोट अहों, फिन भी मोर उपरे परमेश्‍वर केर किरपा होलक कि मोंय परजाइत आदमीमन के मसीह केर शुभ समाचार सुनामूँ।

तीतुस 1:3

आउर अब बिलकुल ठीक समय में परमेश्‍वर इ शुभ समाचार के हमरे केर सामने दिस्तार करलक, आउर हमरे इकर परचार सोउब कर ठिना करिला। इ काम करेक केर जिम्मेदारी हमरे केर छुटकारा देवाइया परमेश्‍वर, आगया देई के मोके सोंइप हे।

इब्रानीमन 6:5

आउर उमन परमेश्‍वर केर बेस संदेश के महसूस काइर चुइक हैं, उमन एहो महसूस काइर चुइक हैं कि परमेश्‍वर एक दिन शक्ति केर साथ राइज करी,

1 पतरस 1:12

परमेश्‍वर अपन इ संदेश देवेक वालामन के बतालक कि इ संदेश उ मनक खुद लगिन निहीं बल्कि तोहर लगिन रहे। इ संदेश यीशु मसीह केर बारे में शुभ समाचार हेके जेके तोहरेमन एखन सुनला। परमेश्‍वर स्वरग से अपन पवितर आत्मा के भेजलक कि तोहरे के शुभ समाचार परचार करेक में आदमी मनक मदइत करोक। इ सोउब एतना अदभुत अहे कि स्वरगदूतमन हों लालसा से इ सोउब गोइठमन के होते देखत रहैं।

1 पतरस 1:23

काले कि तोहरेमन के परमेश्‍वर बटले नवाँ जिंदगी मिल हे। तोहरे के जे जिंदगी मिल हे उ एइसन चीजमन से नी मिल हे कि उ नाश होवी बल्कि एइसन चीज से मिल हे जे जुग-जुग लगिन रही। मतलब परमेश्‍वर केर जिंदा आउर जुग-जुग केर बचन से मिल हे।

1 पतरस 2:2

जइसन नवाँ जनमल छउवामन अपन आयो केर दूध पियेक लगिन लालसा करैना, तइसनेहें तोहरे के परमेश्‍वर केर बचन के सिखेक लगिन लालसा करेक चाही, ताकि तोहरे आत्मिक रूप से समझदार बाइन जबा। तब आखरी में परमेश्‍वर तोहरे के इ दुनिया केर सोउब बुरा चीजमन से पूरा-पुरी छुटकारा देवी।

2 पतरस 1:19

हमरेमन हों जानिला कि मसीह केर बारे में परमेश्‍वर केर संदेश के बताएक वालामन जे बचन लीख रहैं, उ बचनमन फिर से उकर घूइर आवेक केर बारे में सफा-सफा बतायला। अगर तोहरे इ बचन में धेयान देबा, तो तोहरे बेस काम करबा, काले कि इ एगो दीया नियर अहे, जे अंधार ठाँव में चमकेला जब तक कि दिन नी निकलेला, आउर मसीह केर इंजोत तोहर दिल में चमकेला, जे नियर बड़ बिहान केर तइरगन दुनिया में इंजोत लानेला।

1 यूहन्ना 1:1

हमरे एगो एइसन आदमी केर बारे में लिखाथी, जे जिंदगी केर बचन हेके। उ दुनिया केर सिरजन से पहिले से रहे, जेकर बारे में हमरे सुनली, आउर अपन आँइख से देखली, बल्कि जेके हमरे धेयान से देखली आउर हाँथ से छुली।

1 यूहन्ना 1:3

जे कोनों हमरे देखली आउर सुइन ही उकर शुभ समाचार तोहरेमन के हों देवीला, ताकि तोहरेमन हों हमर संगे सहभागी होवा। आउर हमर इ सहभागिता आबा केर संगे, आउर उकर बेटा यीशु मसीह केर संगे अहे।

प्रकाशितवाक्य 14:6

फिन मोंय एक आउर स्वरगदूत के आकाश केर माझे में उड़ते देखलों, जेकर ठिना धरती केर रहेक वाला आदमीमन केर हर एक जाइत, गोतर, भाषा आउर आदमीमन के सुनाएक लगिन जुग-जुग केर शुभ समाचार रहे।