1 पतरस 1:21 - सादरी नवाँ नियम

²¹ यीशु मसीह जे हमर लगिन करलक उकर चलते तोहरे अब परमेश्‍वर उपरे आसरा कराला। उ ओहे हेके जे यीशु मसीह के मोरेक केर पाछे फिन जिंदा करलक आउर उके महिमा देलक। से लगिन तोहरे बिसवास कराला आउर परमेश्‍वर उपरे तोहर उमीद अब पक्का अहे।

1 पतरस 1:21 Iomraidhean Croise

मत्ती 28:18

यीशु उमन ठिना आय के कहलक, “स्वरग आउर धरती केर समूचा अधिकार मोके देवल जाय हे।

यूहन्ना 12:44

यीशु भीड़ केर आदमीमन के हकाय के कहलक, “जे मोर उपरे बिसवास करेला, उ मोर उपरे निहीं मगर जे मोके भेइज हे, उकर उपरे बिसवास करेला।

यूहन्ना 14:1

यीशु आगे कहलक, “तोहरेमन ना अकबकाबा, परमेश्‍वर केर उपरे बिसवास करा आउर मोर उपरे हों बिसवास करा।

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

यूहन्ना 17:1

यीशु अपन चेलामन से इ गोइठमन के कहेक केर पाछे स्वरग बटे देइख के कहलक, “हे आबा परमेश्‍वर, उ बेरा आय जाहे कि तोंय मोर महिमा कर, जे तोर अपन बेटा हेकों, जेकर से मोंय तोर बेटा हों तोर महिमा करमूँ।

यूहन्ना 17:24

हे आबा परमेश्‍वर, मोंय चाहाथों कि जेमन के तोंय मोके देई हिस, उमन जहाँ मोंय अहों हूवाँ मोर संगे रहोक, जेकर से उमन मोर महिमा के देखेक पारोक, जेके तोंय मोके देई हिस, काले कि तोंय दुनिया केर सिरजेक से आगे मोर से प्रेम काइर हिस।

यूहन्ना 17:5

आउर अब, हे आबा परमेश्‍वर, तोंय अपन संगे मोर महिमा उ महिमा से कर, जे दुनिया केर सिरजन होवेक से आगे मोर, तोर संगे रहे।

यूहन्ना 3:34

परमेश्‍वर जे आदमी के भेइज हे, उ आदमी परमेश्‍वर केर हें गोइठ के बतायला, काले कि परमेश्‍वर पवितर आत्मा के नाइप-नाइप के नी देवेला, मगर उ भरपूरी से देवेला।

खास चेलामन केर काम 2:24

फिन भी परमेश्‍वर उके मोरेक केर पाछे फिन से जिंदा काइर देलक काले कि उकर लगिन मौत केर वश में रहेक अनहोना रहे।

खास चेलामन केर काम 3:13

अब्राहम, इसहाक आउर याकूब केर परमेश्‍वर, हमर बाप दादामन केर परमेश्‍वर, अपन सेवक यीशु केर महिमा करलक, मगर तोहरे उके मरुवाएक लगिन यहूदी अगुवामन केर हाँथ में जिम्मा देला, आउर जब राजपाल पिलातुस उके छोइड़ देवेक केर बिचार करलक, तब तोहरे उकर सामने उके ठुकराय देला।

खास चेलामन केर काम 3:15

आउर तोहरे उके जे आदमीमन के जुग-जुग केर जिंदगी देवेला माइर मोराला, जेके परमेश्‍वर मुरदा में से फिन जियालक, आउर इ गोइठ केर हमरे गवाह हेकी।

खास चेलामन केर काम 4:10

तो तोहरेमन आउर सोउब इसराइली आदमीमन जाइन लेवा कि इ यीशु मसीह नासरी केर नाँव से करल जाय हे, जेके तोहरे क्रूस उपरे चढ़ाय रहा। मगर परमेश्‍वर उके मोरलमन में से फिन जियालक। आइज ओहे यीशु केर नाँव से इ आदमी तोहर सामने भला चंगा ठड़ाय हे।

रोमानियनमन 10:9

अगर तोंय अपन मुँह से यीशु के प्रभु जाइन के आदमीमन केर भीरे कबूल करबे आउर अपन मन में बिसवास करबे कि परमेश्‍वर उके मोरलमन में से जियालक, तो तोके परमेश्‍वर पक्का छुटकारा देवी।

रोमानियनमन 4:24

बल्कि हमरे लगिन हों जेमन के परमेश्‍वर धरमी ठहरायला, मतलब हमरे जेमन उकर उपरे बिसवास करिला, जे हमर प्रभु यीशु के मोरलमन में से जियालक।

2 कुरिनथियनमन 6:15

आउर मसीह केर शैतान संगे कोनों लगाव नखे, या जे आदमीमन मसीह उपरे बिसवास करैना, उमन अबिसवासीमन से बिलकुल अलग अहैं।

इफिसियनमन 1:15

इ सोउब केर चलते जे परमेश्‍वर काइर हे, जब से मोंय प्रभु यीशु उपरे तोहर बिसवास के आउर पवितर आदमीमन केर लगिन तोहर प्रेम के सुइन हों।

कुलुसियनमन 1:27

काले कि परमेश्‍वर चाहत रहे कि उकर आदमीमन इ जाइन लेवोक कि मसीह केर धन आउर महिमा तोहरे परजाइत आदमीमन लगिन हों अहे। आउर उ भेद इ हेके कि मसीह जे महिमा केर आसरा हेके तोहरे में रहेला।

1 तीमुथियुस 1:1

इ चिट्ठी मोंय पौलुस बटले हेके। मोंय हमरे केर छुटकारा देवाइया परमेश्‍वर आउर यीशु मसीह जेकर में हमरे आसरा करिला, उकर अधिकार से यीशु मसीह केर एगो चुनल खास चेला हेकों।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

इब्रानीमन 2:9

मगर हमरे यीशु के जे स्वरगदूतमन से थोरहें कम करल जाय रहे, माउत केर दुःख उठाएक केर चलते महिमा आउर आदर केर मुकुट पिंधल देखिला, काले कि परमेश्‍वर केर किरपा से हरेक आदमीमन लगिन उ मोइर गेलक।

इब्रानीमन 6:1

इ लगिन आवा मसीह केर बारे में जे हमरे के पहिले सिखाल जाय हे, उ शुरु केर शिक्षा केर गोइठमन के घरी-घरी दोहराएक छोइड़ देवब। हमरे सिद्ध बनेक केर शिक्षामन उपरे धेयान करब, अब हमरे माउत बटे लेगेग वाला पाप काम करेक के छोड़ेक, आउर परमेश्‍वर में बिसवास करेक,

इब्रानीमन 7:25

इ लगिन जेमन यीशु केर जरिया परमेश्‍वर ठिना आवैना, यीशु उमन के पूरा-पूरा बचाएक पारेला, काले कि उ उमन लगिन बिनती करेक ले जुग-जुग जिंदा अहे।

1 पतरस 1:11

मसीह केर आत्मा उमन में रहे, आउर उमन के बतात रहे कि मसीह कइसन दुःख उठाई आउर उके कइसन महिमा देवल जाई। इ लगिन उमन इ खोज-बीन करलैं कि मसीह केहर होवी आउर इ सोउब कहिया होवी।

1 पतरस 1:3

हमर प्रभु यीशु मसीह केर आबा आउर परमेश्‍वर केर धन्यबाद होवोक, जे अपन बड़का दया से आउर प्रभु यीशु मसीह केर मोरल में से जी उठेक केर द्वारा से हमरे के नवाँ जिंदगी देई हे, आउर जुग-जुग केर जिंदगी केर आसरा देई हे।

1 पतरस 3:22

आउर उ स्वरग में चाइल गेलक। अब उ हूवाँ परमेश्‍वर केर भतखाइया आरा खास ठाँव में अहे, आउर उ सोउब स्वरगदूतमन आउर सोउब अधिकारीमन आउर शक्तिमन उपरे राइज करेला।