1 पतरस 1:20 - सादरी नवाँ नियम

²⁰ इ दुनिया केर सिरजाल जाएक से पहिले, परमेश्‍वर पहिलेहें से ठहराय लेई रहे कि यीशु मसीह छोड़ाएक वाला होवी। मगर उ तोहर मदइत करेक लगिन इ आखरी दिनमन में धरती में आलक।

1 पतरस 1:20 Iomraidhean Croise

इफिसियनमन 1:4

खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

इब्रानीमन 1:2

इ आखरी दिनमन में परमेश्‍वर हमरे संगे अपन बेटा केर जरिया से गोठियालक, आउर उकरे जरिया से परमेश्‍वर समूचा दुनिया के सिरजालक, से लगिन परमेश्‍वर इ फैसला काइर हे कि आखरी में सोउब कुछ उकरे अधीन में रहोक।

कुलुसियनमन 1:26

मतलब उ लुकल गोइठ के जे ढेइर समय से आउर उ पुरखामन से जेमन गुजइर गेलैं लुकल रहे, परमेश्‍वर अब उके अपन पवितर आदमीमन उपरे दिस्तार काइर हे।

इफिसियनमन 3:11

इ योजना के परमेश्‍वर दुनिया केर सिरजन से पहिले हें बनाय रहे। जेके उ हमर प्रभु यीशु मसीह केर द्वारा पूरा करलक।

इफिसियनमन 3:9

आउर सोउब आदमीमन केर माझे परमेश्‍वर केर लुकल योजना के बखाइन करमूँ, जेके दुनिया केर सोउब चीजमन केर सिरजाएक वाला शुरु से लुकाय के राइख हे।

गलातियनमन 4:4

मगर जब सही समय आलक, तो परमेश्‍वर अपन बेटा के इ दुनिया में भेजलक जे एगो जनाना से जनमलक, उ एगो यहूदी केर रूप में जनमलक आउर मूसा केर नियम के मानलक।

1 यूहन्ना 1:2

इ आदमी जे जिंदगी देवेला, धरती में आलक आउर हमरे उके देखली आउर उकर गवाही देवीला आउर तोहरेमन के उ जुग-जुग केर जिंदगी केर बारे में बताइला, जे आबा परमेश्‍वर केर संगे रहे आउर हमर उपरे दिस्तार होलक।

इफिसियनमन 1:10

आउर उकर योजना इ हेके कि ठीक समय में परमेश्‍वर सोउब चीजमन के, जे स्वरग में अहे आउर जे धरती में अहे, यीशु मसीह केर अधिकार में काइर देवी।

रोमानियनमन 3:25

परमेश्‍वर यीशु मसीह के हमरे केर मुक्ति खातिर क्रूस उपरे बलिदान होवेक लगिन भेजलक, आउर मसीह अपन लोहू बहाय के इ लगिन बलिदान देलक, ताकि उकर उपरे बिसवास काइर के हमरे परमेश्‍वर केर भीरे आवेक पारब। ढेइर पहिले परमेश्‍वर इ बताएक लगिन एइसन करलक कि उ धीरज धारेक में आउर पापीमन के माफ करेक में सच्चा रहे, इकर से इ हों पता चलेला कि परमेश्‍वर सही अहे, जब उ, उमन के अपनायला जेमन यीशु उपरे बिसवास करैना।

1 यूहन्ना 3:8

जे केऊ पाप करते हें रहेला उ शैतान बटले हेके, काले कि शैतान शुरु हें से पाप करते आय हे। परमेश्‍वर केर बेटा इ लगिन आलक कि शैतान केर काममन के नाश करोक।

1 यूहन्ना 3:5

तोहरेमन जानाला कि यीशु मसीह दुनिया में इ लगिन आलक कि पापमन के मेटाय देवोक, आउर यीशु मसीह में कोनोवें पाप नखे।

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

खास चेलामन केर काम 2:23

ओहे यीशु के, जे परमेश्‍वर केर ठहराल योजना आउर पहिले केर गेयान केर मोताबिक धरुवाल गेलक आउर तोहरे उके दुष्ट आदमीमन केर मदइत से काँटी ठुकवाय के क्रूस उपरे चढ़ुवाय के माइर मोराला।

रोमानियनमन 8:29

काले कि जेमन के उ पहिले से चुइन लेई हे, उमन केर लगिन पहिले से फैसला हों काइर लेई हे कि उमन उकर बेटा नियर बाइन जाबैं, ताकि उकर बेटा ढेइर भाईमन में पहिलौठा बनोक।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

इब्रानीमन 2:14

से लगिन जबकि परमेश्‍वर केर छउवामन माँस आउर लोहू से बाइन हैं, तो यीशु हों खुद हें उमन नियर माँस आउर लोहू केर आदमी बाइन गेलक, ताकि अपन माउत केर जरिया से उके, जेके माउत केर उपरे शक्ति मिल रहे, मतलब शैतान के नाश काइर देवोक।

1 पतरस 1:2

आबा परमेश्‍वर ढेइर पहिलेहें से तोहरेमन के चुइन लेलक आउर पवितर आत्मा केर द्वारा पवितर करलक। परमेश्‍वर एइसन इ लगिन करलक कि तोहरे यीशु मसीह केर आगया मानबा आउर उकर लोहू से शुद्ध होई जबा। मोंय प्रार्थना करोना कि परमेश्‍वर तोहरे के भरपूरी से किरपा आउर शांति देओक।