1 पतरस 1:15 - सादरी नवाँ नियम

¹⁵ मगर जइसन तोहरे केर बोलेक वाला पवितर अहे, तइसनेहें तोहरे हों अपन सोउब चाइल-चलन में पवितर बना।

1 पतरस 1:15 Iomraidhean Croise

मत्ती 5:48

से लगिन तोहरेमन एइसन काम काइर के देखावा कि तोहरेमन सोउब से प्रेम कराला, जइसन तोहर स्वरगीय आबा सोउब से प्रेम करेला।”

रोमानियनमन 9:24

मतलब हमरे उपरे जेमन के उ ना सिरिफ यहूदीमन में से, बल्कि परजाइत आदमीमन में से हों चुनलक।

2 कुरिनथियनमन 7:1

से लगिन हे दुलार बिसवासी भाईमन, जबकि हमरे के इ करारमन मिल हे, तो आवा, हमरे सोउब रकम केर दुष्ट काममन के करेक छोइड़ देवब, आउर परमेश्‍वर केर आदर करते हुए पूरा-पुरी पवितर जिंदगी जियेक केर कोशिश करब।

फिलिप्पियनमन 1:27

तोहरे सिरिफ एतना करा कि तोहर चाइल-चलन मसीह केर शुभ समाचार केर लायक होवोक। चाहे मोंय आय के तोहरेमन के देखमूँ, चाहे नी हों आमूँ, तो तोहरे केर बारे में एहे सुनमूँ कि तोहरेमन एक हें मन होई के स्थिर अहा, आउर एक संग मिल के शुभ समाचार में बिसवास लगिन मेहनइत करते रहाला।

फिलिप्पियनमन 3:14

मोंय निशाना बटे कूदते जाथों, ताकि उ इनाम के पामूँ, जेके देवेक लगिन परमेश्‍वर मोके स्वरग बोलाय हे आउर जेकर लगिन मसीह यीशु अपन जान के देई हे।

फिलिप्पियनमन 3:20

मगर हमरे केर अपन देस स्वरग में अहे, आउर हमरे एगो छुटकारा देवाइया प्रभु यीशु मसीह के स्वरग से घूइर आवेक केर आसरा देखाथी।

1थिस्सलुनीकियनमन 2:12

कि तोहर चाइल-चलन परमेश्‍वर केर इच्छा केर मोताबिक होवोक, जे तोहरेमन के अपन राइज आउर महिमा में बोलायला।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

2 तीमुथियुस 1:9

जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।

तीतुस 3:14

तोंय सिरिफ बिसवासीमन केर धेयान के अपन बटे करेक लगिन ना सिखाव, मगर उमन के भला काम करेक लगिन कड़ा मेहनइत करेक हों सिखाव। ताकि जे आदमीमन केर जरुरत अहे उमन केर जरुरत के पूरा करल जाओक, इ चीज बिसवासीमन के एगो मकसद केर साथ जियेक में मदइत करी।

तीतुस 3:8

इ गोइठ सच हेके आउर मोंय चाहोना कि तोंय इ गोइठमन केर बारे में बिसवासीमन के पोक्ता से सिखाबे, इ लगिन कि जेमन परमेश्‍वर उपरे बिसवास काइर हैं, उमन भला काममन के करते रहेक में धेयान देवोक, इ गोइठमन बेस आउर आदमीमन लगिन फायदा केर हेके।

इब्रानीमन 12:14

सोउब से मेल-जोल रखा आउर पवितर जिंदगी जियेक केर कोशिश करा, काले कि बेगर पवितर जिंदगी जिले केऊ परमेश्‍वर के देखेक नी पारबैं।

इब्रानीमन 13:5

तोहरे के धन केर लोभ नी करेक चाही, तोहरे ठिना जे कोनों अहे उकरे में संतोष रहा, काले कि परमेश्‍वर खुद कइह हे “मोंय तोके कहियो नी छोड़मूँ, आउर ना कहियो ठोकरामूँ।”

याकूब 3:13

तोहरेमन में गेयानी आउर समझदार के हेके? अगर तोहर में से केऊ अहा, तो बेस जिंदगी जी के आउर नरम बाइन के जे तोहर गेयान से आवेला बेस काम काइर के देखावा।

1 पतरस 2:12

परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

1 पतरस 2:9

मगर तोहरेमन एइसन नखा, काले कि तोहरे परमेश्‍वर केर चुनल आदमी हेका, तोहरे परमेश्‍वर केर पुरोहित हेका जे राजा हेके, तोहरेमन एइसन आदमी हेका जेमन खुद के परमेश्‍वर केर सेवा लगिन सोंइप देई हा, आउर तोहरे परमेश्‍वर केर हेका, तोहरे के परमेश्‍वर अंधार में से चुइन के अपन इंजोत में लाइन हे, ताकि तोहरे उकर अदभुत काममन केर परचार करबा।

1 पतरस 3:16

सोउब बेरा ओहे करा जे सही अहे, फिन अगर आदमीमन तोहर बिरोध में बुरा बोलैना, तो ओहेमन लाजिम होबैं, जब उमन मसीह केर संगे तोहर संबंध केर चलते तोहर बेस चाइल-चलन के देखबैं।

1 पतरस 5:10

परमेश्‍वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्‍वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।

1 यूहन्ना 3:3

आउर जे केऊ मसीह उपरे इ आसरा रखेला उ खुद के तइसनेहें पवितर करेला जइसन उ पवितर अहे।

प्रकाशितवाक्य 3:7

आउर फिलदिलफिया शहर केर कलीसिया केर स्वरगदूत के इ संदेश लीख: मोंय ओहे हेकों जे पवितर आउर सच्चा हेके, आउर जे दाऊद केर कुंजी रखेला। आउर मोर खोलल के केऊ बंद नी करेक पारी आउर बंद करल के केऊ खोलेक नी पारी। मोंय तोके जे कहाथों उके सुन:

प्रकाशितवाक्य 4:8

आउर चाइरो जीवमन केर छाव-छाव गो पाँइख अहे, आउर चाइरो बटे आउर भीतरे आँइख हें आँइख अहे आउर उमन राइत दिन बिना आराम लेवल इ कहते रहैना, “पवितर, पवितर, पवितर, प्रभु परमेश्‍वर सर्वशक्तिमान, जे रहे, आउर जे अहे आउर जे आवेक वाला अहे।”

प्रकाशितवाक्य 6:10

आउर उमन जोर से आवाज देई के कहलैं, “हे मालिक, तोंय पवितर आउर सच्चा हेकिस। तोंय कब तक फैसला नी करबे? आउर धरती में रहेक वाला आदमीमन से हमर लोहू केर पलटा केखन तक नी लेबे?”