1 पतरस 1:13 - सादरी नवाँ नियम

¹³ इ लगिन अपन-अपन मन के तेयार करा, जइसन आदमीमन काम करेक ले तेयार होवेक लगिन अपन डाँड़ा के बंधायना। खुद के काबू में रखा आउर उ किरपा केर पूरा आसरा रखा, जेके यीशु मसीह के दोबारा आवेक से तोहरे के देवल जाई।

1 पतरस 1:13 Iomraidhean Croise

मत्ती 20:4

उमन से कहलक, ‘तोहरेमन हों मोर अंगूर केर बारी में जावा आउर काम करा, जे उचित मजूरी बनी, मोंय तोहरेमन के देमूँ।’ उमन कमाएक लगिन चाइल गेलैं।

लूका 12:35

तोहरेमन सेवा करेक लगिन डाँड़ा बाइंध के, आउर दीया बाइर के तेयार रहा, आउर मोर घूइर आवेक केर आसरा देखते रहा।

लूका 17:30

एहे नियर जे दिन आदमीमन मोर आवेक केर बारे में नी सोइच रहबैं, सेहे दिन मोंय आदमी केर बेटा हों फिन से वापस घूइर आमूँ।

लूका 17:8

निहीं, मगर उ कही, ‘मोर खाएक लगिन तेयार कर आउर जब तक मोंय नी खामूँ-पीमूँ तब तक मोर सेवा करेक लगिन तेयार रह। इकर पाछे तोंय हों खाय-पी लेबे।’

रोमानियनमन 13:13

आउर जइसन आदमीमन अंधार में निहीं मगर इंजोत में रहैना, तइसनेहें आवा हमरे हों बेस ब्यवहार करब, ना कि लीला-क्रीड़ा आउर पियंक्‍कड़पन में, ना ब्यभिचार आउर लुचा काममन में, आउर ना झगरा आउर डाह में जिंदगी बिताब।

रोमानियनमन 8:19

काले कि परमेश्‍वर केर सिरजाल चीजमन आसरा भरल नजइर से परमेश्‍वर केर सच्चा संतानमन के दिस्तार होवेक केर डहर देखाथैं।

1 कुरिनथियनमन 1:7

इकर चलते एखन जब तोहरेमन हमर प्रभु यीशु मसीह के इ धरती में घूइर आवेक केर आसरा देखाथा, तो तोहरे ठिना सोउब आत्मिक बरदान अहे, जेकर तोहरेमन के जरुरत अहे।

1 कुरिनथियनमन 13:13

तो हमर परमेश्‍वर में बिसवास आउर आसरा, आउर हमर परमेश्‍वर लगिन प्रेम आउर हमर संगी बिसवासीमन लगिन प्रेम, इ तीनों सोउब दिन ले बनल रही, मगर इमन में से सोउब से बढ़ियाँ प्रेम हेके।।

इफिसियनमन 6:14

से लगिन परमेश्‍वर केर सच्चाई केर मोताबिक जिंदगी जिया, इ उ नियर अहे जइसन एगो फौजी लड़ेक ले अपन डाँड़ा के कसना से सकतायला, आउर धरमी आदमी नियर ब्यवहार करा, एइसन करेक शैतान केर तीर से बचेक ले छाती में झिलम पिंधेक नियर अहे।

कुलुसियनमन 3:4

मसीह जे हमरे के नवाँ जिंदगी देवेला, जब दोबारा इ धरती में घूइर आवी, तब तोहरेमन हों उकर संगे आबा आउर उकर महिमा में शामिल होबा।

2 थिस्सलुनीकियनमन 1:7

आउर तोहरेमन जे दुःख पावाला, परमेश्‍वर तोहरे के चैन देवी आउर हमरे के हों देवी, इ सोउब तब होवी जब प्रभु यीशु अपन स्वरगदूतमन केर संगे, धधकते आइग केर माझे स्वरग से दिस्तार होवी।

2 तीमुथियुस 4:5

मगर तोंय सोउब समय खुद के काबू में रख, चाहे तोके कोनोवें दुःख उठाएक काले नी पड़ी, सोउब दुःखमन के सह आउर शुभ समाचार केर परचार लगिन कड़ा मेहनइत कर। एगो परमेश्‍वर केर दास नियर उ सोउब काममन के कर जेके करेक ले परमेश्‍वर तोके जिम्मा सोंइप हे।

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

इब्रानीमन 10:35

से लगिन बिसवास करेक ना छोड़ा ताकि तोहरे परमेश्‍वर से बड़का इनाम के पाबा।

इब्रानीमन 3:6

मसीह एगो बेटा नियर परमेश्‍वर केर परिवार में बिसवास लायक अहे, अगर हमरे अपन साहस आउर उ आसरा में बिसवास के बनाय के राखिला, तो हमरे उकर परिवार हेकी।

इब्रानीमन 6:19

आउर इ आसरा हमर जीउ लगिन उ डोरा नियर अहे जेकर से डोंगा के खूटी में बाँधल जायला आउर डोंगा बिलकुल स्थिर रहेला, सेहे नियर आसरा हमर जिंदगी के स्थिर राखेला, आउर जेकर में हमरे आसरा राखिला उ यीशु हेके, जे पवितर तंबू में परदा केर पिछे महा पवितर ठाँव में भीतरे परमेश्‍वर तक पोहोंचलक।

इब्रानीमन 9:28

ठीक ओहे नियर मसीह हों सोउब आदमीमन केर पापमन के उठाय लेवेक लगिन एक बेर बलिदान होलक। जब उ फिन से आवी तब उ पाप केर लगिन बलिदान होवेक ले निहीं, मगर जे उकर आसरा देखेला उके छुटकारा देवेक लगिन आवी।

1 पतरस 1:10

एहे छुटकारा केर बारे में, उ परमेश्‍वर केर संदेश के बताएक वालामन आउर बगरा जानेक चाहत रहैं, उमन पहिलेहें बताय देई रहैं कि परमेश्‍वर तोहर छुटकारा करेक केर कइसन किरपा करी। उमन इ गोइठमन के धेयान केर साथ खोज बिन आउर जाँच पड़ताल करलैं।

1 पतरस 3:15

मगर मसीह के प्रभु माइन के उकर आराधना करा, अगर केऊ उ आसरा केर बारे में पूछी जेके बिसवासी होवेक केर चलते हमरे सोउब आपस में साझा करिला, तो सोउब बेरा उके समझाएक लगिन तेयार रहा, मगर इके नरम आउर आदर से करबा।

1 पतरस 4:7

सोउब गोइठमन केर अंत तुरते होवेक वाला अहे, से लगिन ठीक से सोचा आउर खुद के काबू में रखा, ताकि तोहरे प्रार्थना लगिन तेयार रहेक पारबा।

1 पतरस 5:12

मोंय इ चिट्ठी थोरेक शबदमन में सीलास केर मदइत से लीख हों आउर तोहरे के भेइज हों। मोंय उके एक बिसवास लायक भाई केर रूप में मानोना। मोर इके लिखेक केर मकसद तोहरे के उसकाएक आउर बिसवास दिवाएक हेके कि जे कुछ हों तोहरे महसूस कराथा, उ सच में तोहर परती परमेश्‍वर केर किरपा केर हिस्सा हेके। इ किरपा में मजबूत बनल रहा।

1 पतरस 5:8

सोउब बेरा तेयार रहा आउर जागते रहा, काले कि शैतान, तोहर दुश्मन तोहर उपरे हमला करेक चाहेला कि तोहरे आबा परमेश्‍वर केर आगयामन के ना माना। उ गरजेक वाला सिंह नियर अहे, जे आगे-पिछे जाय के इ खोजेला कि उ केखो खाएक पारोक।

1 यूहन्ना 3:3

आउर जे केऊ मसीह उपरे इ आसरा रखेला उ खुद के तइसनेहें पवितर करेला जइसन उ पवितर अहे।