1 पतरस 1:12 - सादरी नवाँ नियम

¹² परमेश्‍वर अपन इ संदेश देवेक वालामन के बतालक कि इ संदेश उ मनक खुद लगिन निहीं बल्कि तोहर लगिन रहे। इ संदेश यीशु मसीह केर बारे में शुभ समाचार हेके जेके तोहरेमन एखन सुनला। परमेश्‍वर स्वरग से अपन पवितर आत्मा के भेजलक कि तोहरे के शुभ समाचार परचार करेक में आदमी मनक मदइत करोक। इ सोउब एतना अदभुत अहे कि स्वरगदूतमन हों लालसा से इ सोउब गोइठमन के होते देखत रहैं।

1 पतरस 1:12 Iomraidhean Croise

मत्ती 11:25

ओहे बेरा यीशु कहलक, “हे परमेश्‍वर आबा, आकाश आउर धरती केर प्रभु, मोंय तोर धन्यबाद करोना कि इ गोइठमन के गेयानीमन आउर समझदार आदमीमन से लुकाय के रखले, आउर उ आदमी मनक उपरे दिस्तार काइर हिस, जेमन छउवामन नियर बचन के सुइन के उकर में बिसवास करैना।

मत्ती 11:27

मोर आबा परमेश्‍वर मोके सोउब कुछ केर उपरे अधिकार देई हे, सिरिफ परमेश्‍वर आबा हें बेटा के जानेला, आउर बेटा हें परमेश्‍वर आबा के जानेला, आउर बेटा जे आदमी के चाहेला उकर उपरे उके दिस्तार करेला।

मत्ती 16:17

यीशु उके जबाब देलक, “हे सिमोन योना केर बेटा, तोंय धाइन हेकिस, काले कि इ गोइठ केऊ आदमी बटले नी आय हे, मगर मोर आबा जे स्वरग में अहे, इ गोइठ के तोर उपरे दिस्तार काइर हे।

मरकुस 16:15

तब यीशु उमन से कहलक, “तोहरेमन समूचा दुनिया में जावा आउर सोउब आदमीमन के इ शुभ समाचार के सुनावा।

लूका 15:10

मोंय तोहरेमन से कहाथों कि एहे नियर पसताय के पाप करेक छोड़ेक वाला एगो पापी आदमी लगिन हों स्वरग में परमेश्‍वर केर दूतमन केर सामने खुशी मनाल जायला।”

लूका 2:26

उके पवितर आत्मा बटले बताल जाय रहे कि जब तक तोंय प्रभु केर मसीह के नी देइख लेबे, तब तक नी मोरबे।

लूका 9:6

आउर उमन निकइल के गाँव-गाँव में शुभ समाचार सुनाते, आउर हर ठाँव में आदमीमन के ठीक करते फिरलैं।

यूहन्ना 15:26

मगर मोंय आबा परमेश्‍वर बटे से तोहर लगिन एगो मदइत करेक वाला के भेजमूँ, उ सच्चाई केर आत्मा हेके, जे आबा परमेश्‍वर बटे से आवेला आउर जे सच्चाई हेके, उखे दिस्तार करेला। उ तोहरेमन के मोर बारे में बताई।

खास चेलामन केर काम 10:44

पतरस इ गोइठमन के कहते हें रहे कि बचन सुनेक वाला सोउब आदमीमन में पवितर आत्मा उतइर आलक।

खास चेलामन केर काम 16:10

इ दर्शन देइख के हमरे तुरते मकिदुनिया परदेस जाएक चाहली, इ समइझ के कि परमेश्‍वर हमरे के उमन के शुभ समाचार सुनाएक लगिन बोलाय हे।

खास चेलामन केर काम 2:33

अब उ स्वरग में परमेश्‍वर केर भतखाइया आरा सोउब से ऊँचा पद पाय के बइठल अहे, आउर आबा परमेश्‍वर जइसन उ करार काइर रहे तइसनेहें यीशु के पवितर आत्मा देलक आउर उ पवितर आत्मा के हमरे के देलक, जइसन आइज तोहरे देखाथा आउर सुनाथा।

खास चेलामन केर काम 4:31

उ मनक इ प्रार्थना सिरात हें उ घर जेकर में उमन जमा रहैं हिल गेलक आउर सोउबमन पवितर आत्मा से भाइर गेलैं आउर उमन परमेश्‍वर केर बचन साहस से सुनाएक लगलैं।

खास चेलामन केर काम 4:8

तब पतरस पवितर आत्मा से भाइर गेलक आउर उमन के जबाब देलक, “हे आदमीमन केर सरदारमन आउर धरम केर अगुवामन,

खास चेलामन केर काम 8:25

पतरस आउर यूहन्ना गवाही देई के आउर प्रभु केर बचन सुनाय के यरुशलेम शहर घूइर आलैं। आउर घुरेक बेरा सामरी आदमीमन केर ढेइर गाँवमन में शुभ समाचार सुनाते गेलैं।

रोमानियनमन 1:15

से लगिन मोंय तोहरेमन के हों जे रोम देस में रहाला शुभ समाचार सुनाएक ले ढेइर इच्छुक अहों।

रोमानियनमन 1:17

काले कि शुभ समाचार में बिसवास करेक से परमेश्‍वर हमरे के अपन देखेक में पूरा-पुरी धरमी बनायला। जइसन कि पवितर किताब में लिखल अहे, “उ आदमी जे बिसवास करेक केर चलते परमेश्‍वर केर देखेक में धरमी बाइन हे, उ जिंदा रही।”

रोमानियनमन 10:15

आउर इकर से पहिले कि केऊ प्रभु केर बारे में केखो बताई, उके भेजल जाएक जरुरी अहे। एहे लगिन पवितर किताब में लिखल अहे, “उमन केर गोड़ कतइ सुंदर अहे जेमन शुभ समाचार सुनायना!”

रोमानियनमन 15:19

मोके पवितर आत्मा बटले शक्ति देवल गेलक जेकर से मोंय शक्तिशाली चिन्हामन आउर चमत्कार काममन के करलों। से लगिन मोंय यरुशलेम शहर से लेई के इल्‍लुरिकुम परदेस केर आसे-पासे जहाँव कहों रहलों, मोंय सोउब आदमीमन के यीशु मसीह केर बारे में शुभ समाचार केर परचार करलों।

1 कुरिनथियनमन 2:10

परमेश्‍वर इ गोइठमन के, हमरे यीशु मसीह केर चुनल खास चेलामन उपरे अपन पवितर आत्मा बटले दिस्तार काइर हे, काले कि पवितर आत्मा लगिन कोनोवें गोइठमन लुकल नखे, उ सोउब कुछ के जाँचेला हिंयाँ तक कि परमेश्‍वर केर मनसा के हों जाँचेला, जेके आदमीमन एखन तक नी जानैना।

2 कुरिनथियनमन 6:6

पवितर जिंदगी बिताएक से, गेयान से, धीरज धारेक से, किरपा करेक से, पवितर आत्मा केर अगुवाई में चलेक से,

गलातियनमन 1:12

काले कि इके मोंय हमर पुरखामन से नी सीख हों, आउर ना ही केऊ धरम केर अगुवामन मोके सिखाय हैं। मगर यीशु मसीह मोके इ शुभ समाचार के देखाय हे।

इफिसियनमन 3:10

अब उकर मकसद एहे अहे कि कलीसिया केर द्वारा, परमेश्‍वर केर सोउब रकम केर गेयान, उ प्रधानमन आउर अधिकारीमन उपरे, जेमन स्वरगीय ठाँवमन में अहैं दिस्तार करल जाओक।

1थिस्सलुनीकियनमन 2:9

हे भाईमन, तोहरेमन हमर मेहनइत आउर दुःख के याइद कराला, कि हमरे इ लगिन राइत दिन काम धंधा करते तोहरेमन में परमेश्‍वर केर शुभ समाचार परचार करली, ताकि तोहर में से केकरो उपरे भार ना होवोक।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

इब्रानीमन 11:13

इ सोउब आदमीमन जेमन परमेश्‍वर उपरे बिसवास काइर रहैं, परमेश्‍वर केर करार करल चीजमन के बेगर पाले मोइर गेलैं, मगर उमन दूर हें से अपन मन में देइख के खुश होलैं, आउर बुइझ गेलैं कि उमन इ धरती में परदेसी आउर बाहरी हेकैं।

इब्रानीमन 2:4

आउर इकर अलावा परमेश्‍वर हों अपन इच्छा केर मोताबिक चिन्हामन आउर चमत्कार, आउर अचरज केर काममन, आउर सोउब रकम केर शक्ति केर काममन, आउर पवितर आत्मा केर बरदानमन के बाँटेक से इकर सबूत देते रहलक।

इब्रानीमन 4:2

ठीक जइसन हमरे यीशु मसीह केर बारे में शुभ समाचार के सुनली, तइसनेहें इसराइली आदमीमन हों आराम केर ठाँव में जाएक केर बारे में शुभ समाचार के सुइन रहैं, मगर उमन बिसवास नी करलैं, से लगिन उ संदेश उमन ले बेकार होई गेलक।

1 पतरस 1:25

मगर परमेश्‍वर केर बचन जुग-जुग लगिन स्थिर बनल रही।” इ बचन मसीह केर बारे में शुभ समाचार हेके जेके तोहर माझे परचार करल जाय रहे।

1 पतरस 4:6

एहे लगिन मोरलमन के हों मसीह केर बारे में शुभ समाचार सुनाल गेलक, उमन केर काया के सोउब आदमीमन नियर मोरेक पड़लक, मगर अब उमन आत्मा में सोउब बेरा परमेश्‍वर केर संगे रहैना।

प्रकाशितवाक्य 5:11

आउर जब मोंय देखलों तो उ सिंहासन आउर उ जीवमन आउर उ मुखियामन केर चाइरो बटे ढेइर स्वरग दूतमन केर शबद सुनलों, जेमन केर हिसाब लाखो आउर करोड़ो केर रहे।