1 पतरस 1:11 - सादरी नवाँ नियम

¹¹ मसीह केर आत्मा उमन में रहे, आउर उमन के बतात रहे कि मसीह कइसन दुःख उठाई आउर उके कइसन महिमा देवल जाई। इ लगिन उमन इ खोज-बीन करलैं कि मसीह केहर होवी आउर इ सोउब कहिया होवी।

1 पतरस 1:11 Iomraidhean Croise

मत्ती 26:24

काले कि मोंय आदमी केर बेटा लगिन तो जइसन मोर बारे में पवितर किताब में लिखल अहे, ओहे लेखे होवी। मगर उ आदमी जे मोके धोखा देई के धरुवाय देवी, उकर लगिन हाय! उकर ले एहे बेस होतक कि उकर जनम हें नी होतक।”

लूका 24:44

फिन यीशु उमन से कहलक, “इ गोइठमन के मोंय तोहर संगे रहेक बेरा हें तोहरेमन के बताय रहों कि मोर बारे में जेतना गोइठमन मूसा केर नियम, परमेश्‍वर केर संदेश के बताएक वालामन आउर भजन संहिता केर किताबमन में लिखल अहे, उ सोउब पूरा होवेक जरुरी अहे।”

यूहन्ना 12:41

यशायाह इ गोइठमन के इ लगिन बतालक कि समय से आगे यीशु केर महिमा देइख रहे, आउर उकर बारे कइह रहे।

खास चेलामन केर काम 16:7

जब उमन मूसिया परदेस केर सिमान में पोहोंचलैं तो उमन बितूनिया परदेस में जाएक केर कोशिश करलैं, मगर यीशु केर आत्मा उमन के जाएक नी देलक।

रोमानियनमन 8:9

मगर जब पवितर आत्मा तोहर में बसेला, तो तोहरेमन पापी स्वभाव केर कब्जा में नखा, मगर आत्मा केर कब्जा में अहा। अगर केकरो में मसीह केर आत्मा नखे तो उ उकर आदमी ना लगे।

गलातियनमन 4:6

काले कि हमरे उकर बेटा हेकी, से लगिन परमेश्‍वर अपन बेटा केर आत्मा के हमरे केर हिरदय में भेइज हे, जे आत्मा परमेश्‍वर के “हे आबा, हे बाप” कइह के हकायला।

2 पतरस 1:21

काले कि कोनोवें भविष्यवाणी कहियो आदमीमन बटले नी सिरइज हे, मगर पवितर आत्मा उमन के उ बचन के लिखेक लगिन उसकालक। जेके परमेश्‍वर चाहेला कि उमन लिखोक।

प्रकाशितवाक्य 19:10

तब मोंय उकर पाँव केर भीरे निहइर के माथा टेकलो आउर उकर आराधना करलों। उ मोर से कहलक, “देख, एइसन ना कर, मोंय तोर आउर तोर भाईमन केर संगी दास हेकों, जे यीशु केर गवाही देवेक में स्थिर अहैं। परमेश्‍वर केर हें आराधना कर। काले कि यीशु केर गवाही भविष्यवाणी केर आत्मा हेके।”