1 पतरस 1:1 - सादरी नवाँ नियम

¹ मोंय पतरस जे यीशु मसीह केर चुनल खास चेला हेकों, इ चिट्ठी के उ परदेसीमन केर नाँव में लिखाथों, जेमन पुन्तुस, गलातिया, कप्पदुकिया, आसिया आउर बितूनिया परदेसमन में तितिर-बितिर होई के रहैना।

1 पतरस 1:1 Iomraidhean Croise

मत्ती 10:2

आउर इ बारह खास चेलामन केर नाँव इ हेके: पहिला सिमोन, जे पतरस कहायला आउर उकर छोट भाई अन्द्रियास, जबदी केर बेटा याकूब आउर याकूब केर छोट भाई यूहन्ना,

मत्ती 24:22

मगर परमेश्‍वर अपन चुनलमन केर खातिर उ दुःख-तकलीफ केर दिनमन के घटाय देई, अगर उ दिनमन के नी घटातक, तो केऊ हों नी बचतैं।

मत्ती 4:18

एक दिन यीशु गलील झील केर किनारे हिंठते-हिंठते दूई झन भाईमन के देखलक, एगो सिमोन रहे जे पतरस कहायला आउर उकर छोट भाई अन्द्रियास रहे। इमन झील में जाल फेकत रहैं काले कि उमन मछुवा रहैं।

लूका 18:7

परमेश्‍वर हों अपन चुनल आदमीमन लगिन जेमन दिन-राइत उके गोहराते रहैना, उ मनक मदइत करेक में देरी नी करी।

यूहन्ना 11:52

आउर यीशु ओहेमन लगिन सिरिफ नी मोरी, मगर उ परमेश्‍वर केर आउरो संतानमन लगिन मोरी, जेमन छितराल अहैं ताकि उमन के जमा करोक।

यूहन्ना 7:35

यहूदी धरम केर अगुवामन आपस में कहलैं, “इ कहाँ जाई, जे हमरे इके खोजेक नी पारब? का इ उ यहूदी आदमीमन ठिना जाई, जेमन यूनान देस में जने-तने रहैना आउर इ उमन के हों उपदेस देवी?

खास चेलामन केर काम 18:2

हूवाँ अक्विला नाँव केर एगो यहूदी आदमी से उकर भेंट होलक, जेकर जनम पुन्तुस परदेस में होई रहे। उ अपन जनाना प्रिस्किल्ला केर संगे थोरेक समय पहिले इटली शहर से आय रहे, काले कि महाराजा क्लौदियुस सोउब यहूदी आदमीमन के रोम देस से निकइल जाएक केर हुकूम देई रहे। पौलुस उमन से भेंट करेक गेलक।

खास चेलामन केर काम 18:23

पौलुस थोरेक दिन अन्ताकिया शहर में बिताय के हूवाँ से बिदा होलक आउर फ्रूगिया आउर गलातिया परदेस से होई के एक शहर से दोसर शहर घूमते सोउब चेलामन के स्थिर करते रहलक।

खास चेलामन केर काम 19:10

दूई बरिस तक एहे होते रहलक। इ लेखे आसिया परदेस में रहेक वाला यहूदी आदमीमन चाहे यूनानी आदमीमन सोउबमन प्रभु केर बचन के सुनलैं।

खास चेलामन केर काम 6:9

मगर थोरेक आदमीमन स्तिफनुस केर बिरोध करेक लगलैं। इमन यहूदी मनक प्रार्थना घर केर उ सदस्यमन रहैं, जेमन के आजाद आदमी कहल जात रहे, इमन कुरेन आउर सिकंदरिया शहरमन केर आउर किलिकिया आउर आसिया परदेस केर रहैं इमन स्तिफनुस से बहस करेक लगलैं।

खास चेलामन केर काम 8:4

मगर जे बिसवासी आदमीमन तितिर-बितिर होई जाय रहैं, उमन घुइम-घुइम के शुभ समाचार केर परचार करत रहैं।

1 कुरिनथियनमन 16:19

आसिया परदेस केर कलीसियामन केर बिसवासीमन बटले तोहरेमन के जोहार, अक्विला आउर उकर जनाना प्रिस्किल्ला आउर उ मनक घर में जमा होवेक वाला कलीसिया केर बिसवासीमन बटले हों तोहरेमन के प्रभु में ढेइर जोहार।

2 कुरिनथियनमन 1:8

हे बिसवासी भाईमन, मोंय चाहोना कि तोहरेमन उ दुःखमन के जाना, जे आसिया परदेस में हमरे केर उपरे होई रहे, हमरे एइसन भरी बोझ से दइब जाय रही जे हमरे केर सहेक शक्ति से बाहरे रहे, हिंयाँ तक हमरे सोइच रही कि अब हमरे नी जियब,

गलातियनमन 1:2

मोंय इ चिट्ठी के गलातिया परदेस केर कलीसियामन केर बिसवासी भाईमन केर नाँव में लिखाथों।

इफिसियनमन 2:12

तोहरेमन उ बेरा मसीह के नी जानत रहा आउर इसराइली, मतलब परमेश्‍वर केर चुनल आदमीमन केर रूप में उमन में शामिल नी रहा। आउर तोहरे उ बेस चीजमन के पावेक केर हों भागीदार नी रहा, जेके परमेश्‍वर इसराइलीमन के देवेक केर करार काइर रहे। तोहरे के इ दुनिया में कोनों आसरा नी रहे आउर तोहरे बेगर ईश्‍वर केर रहत रहा।

इफिसियनमन 2:19

इ लगिन अब तोहरे परजाइतमन परदेसी आउर पराया ना लगा। मगर पवितर आदमीमन केर संगी देसी आउर परमेश्‍वर केर परिवार केर होई गेला।

2 तीमुथियुस 1:15

तोंय जानिसला कि आसिया परदेस में रहेक वाला कायनों बिसवासीमन मोके छोइड़ देलैं, जेमन में फूगिलुस आउर हिरमुगिनेस हेकैं।

इब्रानीमन 11:13

इ सोउब आदमीमन जेमन परमेश्‍वर उपरे बिसवास काइर रहैं, परमेश्‍वर केर करार करल चीजमन के बेगर पाले मोइर गेलैं, मगर उमन दूर हें से अपन मन में देइख के खुश होलैं, आउर बुइझ गेलैं कि उमन इ धरती में परदेसी आउर बाहरी हेकैं।

याकूब 1:1

इ चिट्ठी मोंय याकूब बटले हेके, मोंय परमेश्‍वर आउर प्रभु यीशु मसीह केर सेवक हेकों। इ चिट्ठी के मोंय उ बारह गोतरमन केर नाँव से लिखाथों, जेमन गोटा दुनिया में तितिर-बितिर होई के रहैना। मोर बटले तोहरेमन के जोहार।

1 पतरस 2:11

हे दुलार भाईमन, तोहरे इ दुनिया में परदेसीमन आउर डहर चलुवामन नियर रहाथा। मोंय तोहर से बिनती करोना कि दुनिया केर उ सोउब बुरा इच्छामन से बचा, काले कि उ तोहर आत्मा केर बिरोध में लड़ते रहेला।

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।

प्रकाशितवाक्य 1:11

उ कहत रहे, “जे कुछ तोंय देखाथिस उके किताब में लीख के सातों कलीसियामन ठिना भेइज दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया आउर लौदीकिया शहर केर कलीसिया के भेइज दे।”