1 यूहन्ना 5:9 - सादरी नवाँ नियम

⁹ जब हमरेमन आदमीमन केर गवाही माइन लेविला, तो परमेश्‍वर केर गवाही तो उकर से बाइढ़ के अहे, आउर परमेश्‍वर केर गवाही इ हेके कि उ अपन बेटा केर बारे में गवाही देई हे।

1 यूहन्ना 5:9 Iomraidhean Croise

मत्ती 17:5

उ कहते हें रहे कि एगो चमकीला बदरी उमन के ढाँइप देलक, आउर उ बदरी में से इ शबद सुनालक, “इ मोर दुलार बेटा हेके, जेकर से मोंय खुश अहों, इकर गोइठ के सुना।”

यूहन्ना 10:38

मगर, अगर मोंय उ काममन के करोना, तो मोर उपरे बिसवास ना हों करा, मगर काममन केर उपरे बिसवास करा, तब तोहरेमन जानबा कि आबा परमेश्‍वर मोर में रहेला आउर मोंय आबा परमेश्‍वर में रहोना।”

यूहन्ना 5:39

तोहरेमन इ समइझ के पवितर किताब के पाढ़ाला कि उकर में जुग-जुग केर जिंदगी में ढूकेक केर डहर मिली। ओहे पवितर किताब मोर बारे में गवाही देवेला।

खास चेलामन केर काम 17:31

काले कि परमेश्‍वर एक दिन ठहराय हे, जेकर में उ अपन ठहराल आदमी से दुनिया केर आदमी मनक न्याय करी। आउर परमेश्‍वर उ ठहराल आदमी के मोरलमन में से फिन जियाय के इ गोइठ केर सबूत देई दे हे।”

खास चेलामन केर काम 5:32

आउर हमरे इ गोइठमन केर गवाह हेकी, आउर पवितर आत्मा हों गवाह हेके, जेके परमेश्‍वर उ आदमीमन के देई हे, जेमन उकर आगया के मानैना।”

इब्रानीमन 2:4

आउर इकर अलावा परमेश्‍वर हों अपन इच्छा केर मोताबिक चिन्हामन आउर चमत्कार, आउर अचरज केर काममन, आउर सोउब रकम केर शक्ति केर काममन, आउर पवितर आत्मा केर बरदानमन के बाँटेक से इकर सबूत देते रहलक।

इब्रानीमन 6:18

तो फिन हिंयाँ दूई गो गोइठ अहे, उकर करार आउर किरिया जे कहियो नी बदली, जेकर बारे में परमेश्‍वर कहियो झूठ नी बोलेला। इ लगिन हमरे जे परमेश्‍वर ठिना अपन रक्षा करेक ले आय ही आउर जे आसरा उ हमरे के देई हे, उके ढेइर हें उत्साह केर साथ धाइर ही।

1 यूहन्ना 5:10

जे परमेश्‍वर केर बेटा यीशु उपरे बिसवास करेला उ अपनेहें में गवाही रखेला। जे परमेश्‍वर केर उपरे बिसवास नी करलक, उ परमेश्‍वर के झूठा ठहरालक, काले कि उ परमेश्‍वर केर गवाही उपरे बिसवास नी करलक जेके परमेश्‍वर अपन बेटा केर बारे में देई हे।

1 यूहन्ना 5:8

आउर गवाही देवेक वालामन तीन अहैं, पवितर आत्मा, पानी आउर लोहू आउर तीनों एक हें गोइठ में सहमत अहैं।