1 यूहन्ना 5:6 - सादरी नवाँ नियम

⁶ उ यीशु मसीह हें हेके जेके परमेश्‍वर इ दुनिया में भेजलक आउर उ पानी से बपतिस्मा जल संस्कार लेलक आउर फिन जब उकर मौत होलक, तो उकर लोहू बहाल गेलक। सिरिफ उ बपतिस्मा जल संस्कार लेवेक लगिन हें निहीं मगर क्रूस उपरे अपन लोहू बहाय के मोरेक लगिन हों आलक आउर जे यीशु केर बारे में गवाही देवेला उ पवितर आत्मा हेके।

1 यूहन्ना 5:6 Iomraidhean Croise

मत्ती 26:28

काले कि इ अंगूर केर रस मोर करार केर उ लोहू हेके, जे ढेइर आदमी मनक पापमन केर क्षमा लगिन बहाल जायला।

मत्ती 3:16

आउर यीशु बपतिस्मा जल संस्कार लेई के तुरते पानी में से उपरे आलक, आउर उकर लगिन स्वरग खुइल गेलक, आउर उ परमेश्‍वर केर आत्मा के पेरवाँ केर रूप में उतरते आउर अपन उपरे आते देखलक।

मरकुस 14:24

तब यीशु उमन से कहलक, “इ अंगूर केर रस मोर करार केर उ लोहू हेके, जेके ढेइर आदमीमन लगिन बलिदान केर रूप में बहाल जाई।”

लूका 22:20

एहे लेखे उ बियारी पाछे अंगूर केर रस भरल कटोरा हों इ कहते देलक, “इ कटोरा मोर लोहू से ठहराल नवाँ करार हेके, जे तोहर पापमन केर क्षमा लगिन बहाल जाथे।

यूहन्ना 14:17

उ पवितर आत्मा हेके, जे परमेश्‍वर केर बारे में सच्चाई के देखायला, जेके दुनिया केर आदमीमन मानेक नी पारैना, काले कि उमन उके ना तो देखैना आउर ना जानैना। तोहरेमन उके जानाला, काले कि उ तोहर संगे रहेला, आउर उ तोहर में रही।

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

यूहन्ना 15:26

मगर मोंय आबा परमेश्‍वर बटे से तोहर लगिन एगो मदइत करेक वाला के भेजमूँ, उ सच्चाई केर आत्मा हेके, जे आबा परमेश्‍वर बटे से आवेला आउर जे सच्चाई हेके, उखे दिस्तार करेला। उ तोहरेमन के मोर बारे में बताई।

यूहन्ना 16:13

मगर जब उ सच्चाई केर आत्मा आवी, तो उ परमेश्‍वर केर बारे में जे भी सच्चाई अहे, उके बुझेक में तोहरेमन केर मदइत करी। काले कि उ अपन बटे से नी कही, मगर जे कुछ परमेश्‍वर बटे से सुनी उखे कही, आउर तोहरेमन के आवेक वाला गोइठमन केर बारे में बताई।

यूहन्ना 3:5

यीशु उके जबाब देलक, “मोंय तोर से सच-सच कहाथों, जब तक केऊ आदमी पानी आउर पवितर आत्मा से नी जनमी तो उ परमेश्‍वर केर राइज में जाएक नी पारी।

यूहन्ना 4:10

यीशु उके जबाब देलक, “अगर तोंय जानते कि परमेश्‍वर तोके का देवेक चाहाथे, आउर एहो जानते कि तोर से के पानी माँगाथे, तो तोंय मोर से इके माँगते आउर मोंय तोके जिंदगी देवेक वाला पानी देतो।”

यूहन्ना 4:14

मगर जे केऊ मोर देवल पानी के पियी, उके कहियो पियास नी लगी। जे पानी मोंय उके देमूँ, उ उकर में पानी केर सोता बाइन जाई आउर इ सोता से पानी निकलते रही, जे उके जुग-जुग केर जिंदगी देवी।”

यूहन्ना 6:55

काले कि खाएक लगिन मोर माँस सच्चा भोजन हेके आउर मोर लोहू सच्चा पियेक केर चीज हेके।

खास चेलामन केर काम 8:36

डहर में चलते-चलते उमन एगो पोखरा ठिना पोहोंचलैं। आउर पोखरा के देइख के खोजा फिलिप्पुस से कहलक, “देख, हिंयाँ पानी अहे, अब मोके बपतिस्मा जल संस्कार लेवेक में का रुकावट अहे?”

रोमानियनमन 3:25

परमेश्‍वर यीशु मसीह के हमरे केर मुक्ति खातिर क्रूस उपरे बलिदान होवेक लगिन भेजलक, आउर मसीह अपन लोहू बहाय के इ लगिन बलिदान देलक, ताकि उकर उपरे बिसवास काइर के हमरे परमेश्‍वर केर भीरे आवेक पारब। ढेइर पहिले परमेश्‍वर इ बताएक लगिन एइसन करलक कि उ धीरज धारेक में आउर पापीमन के माफ करेक में सच्चा रहे, इकर से इ हों पता चलेला कि परमेश्‍वर सही अहे, जब उ, उमन के अपनायला जेमन यीशु उपरे बिसवास करैना।

इफिसियनमन 1:7

हमरे के परमेश्‍वर केर ढेइर किरपा से यीशु मसीह केर लोहू बहाएक केर चलते छुटकारा मिल हे, मतलब पापमन केर क्षमा मिल हे।

कुलुसियनमन 1:4

काले कि हमरे सुइन ही कि मसीह यीशु उपरे तोहर बिसवास अहे, आउर सोउब पवितर आदमीमन से प्रेम कराला।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

तीतुस 3:5

आउर हमरे के हमर पाप केर दंड से बचालक, आउर इ धरम केर काममन केर चलते निहीं, जे हमरे खुद करली, मगर अपन दया केर चलते हमरे उपरे किरपा करलक, आउर परमेश्‍वर हमरे के अपन पवितर आत्मा देई के बचालक, जे हमरे केर पापमन के धोई देलक आउर नवाँ जिंदगी आउर नवाँ स्वभाव देलक।

इब्रानीमन 10:29

अगर मूसा केर नियम केर मोताबिक एइसन दंड अहे, तो उ आदमी केर दंड आउरे बगरा होवी जे परमेश्‍वर केर बेटा के घिरना करेला, काले कि उ परमेश्‍वर केर बेटा केर आदर नी करलक आउर उके अपन गोड़ से रवाइंद देलक। उ मसीह केर लोहू के अशुद्ध मानलक, जे लोहू से परमेश्‍वर उके पवितर करेक लगिन नवाँ करार के शुरु काइर हे, आउर उ पवितर आत्मा केर हों अपमान करलक जेकर जरिया से उ किरपा पाय रहे।

इब्रानीमन 12:24

तोहरेमन यीशु ठिना आय हा, जे नवाँ करार में परमेश्‍वर से आदमीमन के मिलाएक लगिन बलिदान होलक आउर अपन लोहू से आदमीमन केर पाप के क्षमा करलक, यीशु केर लोहू हाबील केर लोहू नियर न्याय करेक केर माँग करेक वाला निहीं, बल्कि पाप क्षमा केर बारे में बतायला।

इब्रानीमन 13:20

आउर अब शांति केर परमेश्‍वर, जे हमर प्रभु यीशु के मोरल में से फिन जियालक, तोहरे के उकर इच्छा के पूरा करेक लगिन सोउब रकम से तेयार करोक, यीशु मसीह केर शक्ति से परमेश्‍वर तोहर में उ काममन के करुवाओक, जे उके खुश करेला। यीशु मसीह अपन लोहू बहाय के बलिदान होवेक केर चलते, भेड़ीमन केर महान चरवाहा बनलक, जेकर से जुग-जुग केर करार उपरे मोहर लाइग गेलक। उकर महिमा लगातार होते रहोक आमीन।

इब्रानीमन 9:14

तो सोचा, मसीह केर लोहू आउर केतना बगरा हमरे के उ काममन से शुद्ध करी, जेकर सजा माउत हेके, ताकि हमरे जिंदा परमेश्‍वर केर आराधना करेक पारब। काले कि मसीह खुद के परमेश्‍वर लगिन जुग-जुग केर आत्मा केर शक्ति से सिद्ध बलिदान केर रूप में हमरे केर पापमन केर खातिर चढ़ाय देलक।

इब्रानीमन 9:7

मगर भीतरे केर कोठरी जे महा पवितर ठाँव रहे, हूवाँ महापुरोहित साल में एके बेर जात रहे, आउर जब भी उ भीतरे जात रहे तो अपन संगे जानवर केर लोहू लेई के जात रहे, आउर लोहू के अपन आउर इसराइली आदमीमन केर पापमन केर क्षमा लगिन परमेश्‍वर के चढ़ात रहे, जे पापमन के उमन अनजाने में करत रहैं।

1 पतरस 1:2

आबा परमेश्‍वर ढेइर पहिलेहें से तोहरेमन के चुइन लेलक आउर पवितर आत्मा केर द्वारा पवितर करलक। परमेश्‍वर एइसन इ लगिन करलक कि तोहरे यीशु मसीह केर आगया मानबा आउर उकर लोहू से शुद्ध होई जबा। मोंय प्रार्थना करोना कि परमेश्‍वर तोहरे के भरपूरी से किरपा आउर शांति देओक।

1 पतरस 3:21

पुरना समय में उ मनक छुटकारा, अब हमर छुटकारा केर एगो उदाहरन हेके, जे पानी में हमरे बपतिस्मा जल संस्कार लेविला, उ हमरे केर काया से मइला के दूर नी करेला, मगर इ एगो चिन्हा हेके। हमरेमन आबा परमेश्‍वर से माफी माँइग ही, ताकि आगे हमरे केर मन परेशान ना रहोक। हमरे के माफ करल जाएक पराई काले कि यीशु मसीह मोरेक केर पाछे फिन से जी उइठ हे।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।

1 यूहन्ना 4:10

सच्चा प्रेम इकर में नखे कि हमरेमन परमेश्‍वर से प्रेम करली मगर इकर में अहे कि परमेश्‍वर हमरेमन से प्रेम करलक आउर हमरेमन केर पापमन से मुक्ति लगिन अपन बेटा के बलिदान होवेक लगिन भेजलक।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 5:9

आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।

प्रकाशितवाक्य 7:14

मोंय उके जबाब देलों, “हे मालिक, तोंय हें जानिसला।” उ मोर से कहलक, “इमन उमन हेकैं, जे उ बड़का दुःख में से निकइल के आय हैं, इमन अपन-अपन लुगा के मेमना केर लोहू में धोई के चरका काइर हैं।