1 यूहन्ना 4:9 - सादरी नवाँ नियम

⁹ जे प्रेम परमेश्‍वर हमर से करेला, उ इकर से दिस्तार होलक कि परमेश्‍वर अपन एकलौता बेटा के इ दुनिया में भेजलक कि हमरेमन उकर जरिया से जुग-जुग केर जिंदगी के पावब।

1 यूहन्ना 4:9 Iomraidhean Croise

मरकुस 12:6

अब एगो बाइच रहे, जे उकर बेटा रहे, उके खेत केर मालिक बगरा दुलार करत रहे, आखरी में उखो उमन ठिना इ सोइच के भेजलक, ‘उमन मोर बेटा केर आदर करबैं।’

लूका 4:18

“प्रभु केर आत्मा मोर उपरे अहे, काले कि उ मोके इकर लगिन भेइज हे कि मोंय गरीब आदमीमन के शुभ समाचार सुनामूँ, बंधुवामन के छोड़ामूँ, अंधरामन केर आँइख खोलमूँ आउर दबल-कुचल आदमीमन के आजाद करमूँ,

यूहन्ना 10:10

चोर सिरिफ भेड़ीमन के चोराएक, मोराएक आउर नाश करेक लगिन आवेला। मगर मोंय इ लगिन आय हों कि उमन जिंदगी पावोक आउर भरपूरी से पावोक।

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

यूहन्ना 3:16

काले कि परमेश्‍वर दुनिया केर आदमीमन से एइसन प्रेम करलक कि उ अपन एकलौता बेटा के देई देलक, ताकि जे केऊ उकर उपरे बिसवास करी, उ नाश नी होवी मगर जुग-जुग केर जिंदगी पावी।

यूहन्ना 3:18

जे उकर बेटा उपरे बिसवास करेला, उके दंड नी देवल जायला, मगर जे उकर बेटा उपरे बिसवास नी करेला, उ दोषी ठहइर चुइक हे, काले कि उ परमेश्‍वर केर एकलौता बेटा केर नाँव उपरे बिसवास नी करलक।

यूहन्ना 5:23

से लगिन जे लेखे आदमीमन आबा परमेश्‍वर के माइन देवैना, तइसनेहें मोके हों माइन देवोक। जे मोके माइन नी देवेला, उ आबा परमेश्‍वर के हों माइन नी देवेला, जे मोके भेइज हे।

यूहन्ना 6:29

यीशु उमन के जबाब देलक, “परमेश्‍वर केर काम इ हेके कि जेके उ भेइज हे, उकर उपरे तोहरेमन बिसवास करा।”

यूहन्ना 6:51

स्वरग से उतरल उ जिंदा रोटी मोंय हेकों। अगर केऊ इ रोटी में से खाई, तो उ सोउब दिन जिंदा रही। आउर जे रोटी मोंय देमूँ, उ मोर काया हेके, इके मोंय दुनिया केर आदमीमन के जिंदगी पावेक लगिन बलिदान काइर देमूँ।”

यूहन्ना 6:57

जे लेखे जिंदा आबा परमेश्‍वर मोके भेइज हे आउर मोके आबा से जिंदगी मिलेला, ओहे लेखे जे मोके खायला, उके मोर से जिंदगी मिली।

यूहन्ना 8:29

जे मोके भेइज हे, उ मोर संगे अहे। उ मोके एकले नी छोइड़ हे, काले कि मोंय ओहे काम करोना, जेकर से उ खुश होवेला।”

यूहन्ना 8:42

यीशु उमन से कहलक, “अगर परमेश्‍वर तोहर आबा होतक, तो तोहरेमन मोर से प्रेम करता, काले कि मोंय परमेश्‍वर बटे से आय हों। मोंय अपन मरजी से नी आय हों, मोके ओहे भेइज हे।

यूहन्ना 9:3

यीशु जबाब देलक, “ना तो इ आदमी पाप काइर रहे, ना इकर आयो-आबा। मगर इ आदमी अंधरा इ लगिन जनइम हे कि इकर में परमेश्‍वर केर काम दिसोक।

रोमानियनमन 8:32

परमेश्‍वर अपन नीज बेटा के हों नी बचालक, मगर उके हमरे सोउब केर खातिर दुश्मनमन के जिम्मा देई देलक, तो परमेश्‍वर उ सोउब कुछ के हों हमरे के देवी, जेके देवेक केर करार काइर हे।

इब्रानीमन 1:5

काले कि पवितर किताब में केऊ नी लीख हैं कि परमेश्‍वर अपन कोनों स्वरगदूत से एइसन कइह हे, “तोंय मोर बेटा हेकिस, आइज मोंय तोके अपन बेटा केर रूप में दिस्तार काइर हों,” आउर फिन उ कोनों स्वरगदूत से एइसन नी कहलक, “मोंय उकर आबा बनमूँ, आउर उ मोर बेटा बाइन जाई।”

1 यूहन्ना 3:16

हमरेमन प्रेम के इकरे से जानली कि यीशु हमर लगिन अपन प्राण के देई देलक। एहे लगिन हमरेमन के हों अपन बिसवासी भाई-बहिनमन लगिन अपन प्राण के देवेक चाही।

1 यूहन्ना 4:10

सच्चा प्रेम इकर में नखे कि हमरेमन परमेश्‍वर से प्रेम करली मगर इकर में अहे कि परमेश्‍वर हमरेमन से प्रेम करलक आउर हमरेमन केर पापमन से मुक्ति लगिन अपन बेटा के बलिदान होवेक लगिन भेजलक।

1 यूहन्ना 4:16

हमरेमन बेस लेखे जानिला आउर बिसवास हों करिला कि परमेश्‍वर हमरेमन से प्रेम करेला। परमेश्‍वर प्रेम हेके, आउर जे प्रेम में बनल रहेला उ परमेश्‍वर में बनल रहेला, आउर परमेश्‍वर उकर में बनल रहेला।

1 यूहन्ना 5:11

आउर उ गवाही इ हेके कि परमेश्‍वर हमरेमन के जुग-जुग केर जिंदगी देई हे, इ जिंदगी उकर बेटा यीशु में अहे।

1 यूहन्ना 5:13

मोंय इ चिट्ठी तोहरेमन के इ लगिन लिखाथों कि तोहरेमन जे परमेश्‍वर केर बेटा यीशु मसीह केर नाँव में बिसवास कराला ठीक से जाना कि जुग-जुग केर जिंदगी तोहरे ठिना अहे।