1 यूहन्ना 4:7 - सादरी नवाँ नियम

⁷ हे मोर दुलार भाई-बहिनमन, हमरेमन एक दोसर से प्रेम करब, काले कि प्रेम परमेश्‍वर केर संतान हेके, आउर जे केऊ एक दोसर से प्रेम करेला, उ हों परमेश्‍वर केर संतान हेके आउर परमेश्‍वर के जानेला।

1 यूहन्ना 4:7 Iomraidhean Croise

यूहन्ना 13:34

मोंय तोहरेमन के एगो नवाँ आगया देवाथों, ‘तोहरेमन एक दोसर से प्रेम करा।’ जइसन मोंय तोहरेमन से प्रेम करोना, ओहे लेखे तोहरेमन हों एक-दोसर से प्रेम करा।

यूहन्ना 17:3

आउर जुग-जुग केर जिंदगी इ हेके कि उमन तोके जे एके गो सच्चा परमेश्‍वर हेकिस आउर मोंय यीशु मसीह के, जेके तोंय भेइज हिस, जानोक।

1 कुरिनथियनमन 8:3

मगर, अगर केऊ परमेश्‍वर से प्रेम करेला तो परमेश्‍वर उके चिन्हेला।

2 कुरिनथियनमन 4:6

इ लगिन कि परमेश्‍वर कहलक, “अंधार में से इंजोत चमकोक,” आउर ओहे परमेश्‍वर हमरे के हमर हिरदय में दीया नियर समझ के देलक, ताकि हमरे परमेश्‍वर केर महिमा के देखेक पारली, जे यीशु मसीह में दिसेला।

गलातियनमन 4:9

अब तोहरेमन केर रिश्ता परमेश्‍वर से होलक, बल्कि परमेश्‍वर खुद हें तोहरेमन से रिश्ता बनालक, तो तोहरे उ बेकार शिक्षामन केर गुलाम फिन से दोबारा काले बनेक चाहाला जे पुरखा से आवाथे?

गलातियनमन 5:22

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज,

2 तीमुथियुस 1:7

काले कि परमेश्‍वर हमरे के डरपोक नी बनाय हे, बल्कि उकर आत्मा हमरे केर मन के मजबूत बनायला। जेकर से हमरे के दोसरमन से प्रेम करेक लगिन आउर खुद के काबू में रखेक लगिन मदइत मिलेला।

1 पतरस 1:22

काले कि सच्चाई केर पालन करेक केर चलते तोहरे के तोहर पापमन से शुद्ध करल जाय हे, अब तोहरे एक दोसर से अपन भाई नियर तन-मन आउर पूरा दिल से प्रेम करते रहा।

1 यूहन्ना 2:10

जे केऊ अपन बिश्वासी भाई से प्रेम करेला उ इंजोत में रहेला। उकर में एइसन कोनों नखे कि उ दोसर मनक पाप केर कारण बनी।

1 यूहन्ना 2:29

अगर तोहरेमन जानाला कि परमेश्‍वर धरमी हेके, तो एहो जानाला कि जे केऊ उ काम के करेला जे काम परमेश्‍वर केर नजइर में बेस हेके, तो उ परमेश्‍वर केर संतान हेके।

1 यूहन्ना 2:3

अगर हमरे परमेश्‍वर केर आगयामन के मानब तो उकरे से हमरे के पता चली कि हमरेमन उके जानिला।

1 यूहन्ना 2:4

जे केऊ कहेला, “मोंय परमेश्‍वर के जानोना,” आउर उकर आगयामन के नी मानेला, तो उ झूठा हेके आउर परमेश्‍वर केर सच्चाई उकर में नखे।

1 यूहन्ना 2:7

हे दुलार भाई बहिनमन, मोंय तोहरेमन के कोनों नवाँ आगया नी लिखाथों, मगर ओहे पुरना आगया जे शुरु से तोहरेमन के मिल हें, इ पुरना आगया उ बचन हेके जेके तोहरेमन सुइन हा।

1 यूहन्ना 3:9

जे केऊ परमेश्‍वर केर संतान हेके उ पाप करते नी रहेला, काले कि उकर में परमेश्‍वर केर स्वभाव अहे। आउर उ पाप करबे नी करी काले कि उ परमेश्‍वर से जनइम हे।

1 यूहन्ना 4:11

हे दुलारा भाईमन, जब परमेश्‍वर हमरेमन से एइसन प्रेम करलक, तो हमरेमन के हों एक दोसर से प्रेम करेक चाही।

1 यूहन्ना 4:12

परमेश्‍वर के कहियो केऊ नी देखलक, अगर हमरे एक दोसर से प्रेम करब, तो परमेश्‍वर हमर में बनल रही आउर उकर प्रेम हमर में सिद्ध होई जाय हे।

1 यूहन्ना 4:16

हमरेमन बेस लेखे जानिला आउर बिसवास हों करिला कि परमेश्‍वर हमरेमन से प्रेम करेला। परमेश्‍वर प्रेम हेके, आउर जे प्रेम में बनल रहेला उ परमेश्‍वर में बनल रहेला, आउर परमेश्‍वर उकर में बनल रहेला।

1 यूहन्ना 4:20

अगर केऊ कही कि मोंय परमेश्‍वर से प्रेम करोना आउर अपन संगी बिसवासी से बैर करी तो उ झूठा हेके। काले कि जे अपन संगी बिसवासी से जेके उ देइख हे प्रेम नी करेला, तो उ परमेश्‍वर से हों जेके उ नी देइख हे प्रेम करेक नी पारी।

1 यूहन्ना 4:8

मगर जे एक दोसर से प्रेम नी करेला उ परमेश्‍वर के नी जानेला, काले कि परमेश्‍वर प्रेम हेके।

1 यूहन्ना 5:1

जे केऊ इ बिसवास करेला कि यीशु हें मसीह हेके उ परमेश्‍वर केर संतान हेके। आउर जे केऊ आबा परमेश्‍वर से प्रेम करेला उ उकर संतानमन से हों प्रेम करेला।

2 यूहन्ना 1:5

अब हे बहिन, मोंय तोर से बिनती करोना कि हमरेमन के एक दोसर से प्रेम करेक चाही, इ कोनों नवाँ आगया ना लगे मगर ओहे आगया हेके, जेके हमरेमन ओहे बेरा से जानाथी जब हमरे मसीह केर उपरे बिसवास करली।