1 यूहन्ना 4:6 - सादरी नवाँ नियम

⁶ हमरेमन परमेश्‍वर केर हेकी। जे परमेश्‍वर के जानेला, उ हमरेमन केर सुनेला, जे परमेश्‍वर के नी जानेला उ हमरेमन केर नी सुनेला। हमरेमन इ लेखे सच्चाई केर आत्मा आउर झूठा आत्मा के जाइन लेविला।

1 यूहन्ना 4:6 Iomraidhean Croise

लूका 10:22

मोर परमेश्‍वर आबा मोके सोउब कुछ केर अधिकार देई हे, बेटा के हेके, केऊ नी जानैना, सिरिफ परमेश्‍वर आबा जानेला, आउर परमेश्‍वर आबा के हेके, इखो केऊ नी जानैना, सिरिफ बेटा हें जानेला, आउर बेटा जे आदमी के चाहेला, उकर उपरे उके दिस्तार करेला।”

यूहन्ना 10:16

मोर आउर हों भेड़ीमन अहैं, जे इ भेड़ी गोहर केर ना लगैं मोके ओहोमन के लानेक जरुरी अहे। उमन मोर आवाज के चिन्हबैं। तब एके गो झूँड़ आउर एके गो चरवाहा होवी।

यूहन्ना 10:27

जइसन भेड़ीमन अपन असली चरवाहा केर आवाज के चिन्हैना, तइसनेहें मोर आदमीमन मोर गोइठमन उपरे धेयान देवैना। मोंय उमन के जानोना आउर उमन मोर चेला बाइन जाय हैं।

यूहन्ना 10:3

आउर उकर लगिन चौकीदार दुरा खोइल देवेला आउर भेड़ीमन उकर आवाज के चिन्हैना आउर उ अपन भेड़ीमन के नाँव लेई-लेई के बोलायला आउर बाहरे लेई जायला।

यूहन्ना 13:20

मोंय तोहरेमन से सच कहाथों कि जे मोर भेजल आदमीमन केर स्वागत करेला, उ मोर स्वागत करेला। आउर जे मोर स्वागत करेला, उ मोर भेजेक वाला परमेश्‍वर केर स्वागत करेला।”

यूहन्ना 14:17

उ पवितर आत्मा हेके, जे परमेश्‍वर केर बारे में सच्चाई के देखायला, जेके दुनिया केर आदमीमन मानेक नी पारैना, काले कि उमन उके ना तो देखैना आउर ना जानैना। तोहरेमन उके जानाला, काले कि उ तोहर संगे रहेला, आउर उ तोहर में रही।

यूहन्ना 15:26

मगर मोंय आबा परमेश्‍वर बटे से तोहर लगिन एगो मदइत करेक वाला के भेजमूँ, उ सच्चाई केर आत्मा हेके, जे आबा परमेश्‍वर बटे से आवेला आउर जे सच्चाई हेके, उखे दिस्तार करेला। उ तोहरेमन के मोर बारे में बताई।

यूहन्ना 16:13

मगर जब उ सच्चाई केर आत्मा आवी, तो उ परमेश्‍वर केर बारे में जे भी सच्चाई अहे, उके बुझेक में तोहरेमन केर मदइत करी। काले कि उ अपन बटे से नी कही, मगर जे कुछ परमेश्‍वर बटे से सुनी उखे कही, आउर तोहरेमन के आवेक वाला गोइठमन केर बारे में बताई।

यूहन्ना 18:37

पिलातुस यीशु से कहलक, “तो का तोंय राजा हेकिस?” यीशु उके जबाब देलक, “तोंय खुद हें कहाथिस कि मोंय राजा हेकों। मोर दुनिया में जनम लेवेक केर कारण एहे हेके कि मोंय आदमीमन के सच्चाई केर बारे में सिखामूँ, सच्चाई के मानेक वाला सोउब आदमीमन मोर गोइठ के सुनैना।”

यूहन्ना 20:21

यीशु उमन से फिन कहलक, “तोहरेमन के शांति मिलोक! जे लेखे आबा परमेश्‍वर मोके दुनिया में आदमीमन केर माझे भेइज हे, सेहे लेखे मोंय हों तोहरेमन के दुनिया केर आदमीमन केर माझे भेजाथों।”

यूहन्ना 8:19

उमन उकर से पूछलैं, “तोर आबा कहाँ अहे?” यीशु जबाब देलक, “तोहरेमन ना तो मोके जानाला, आउर ना मोर आबा परमेश्‍वर के जानाला। अगर तोहरेमन मोके जानता, तो मोर आबा परमेश्‍वर के हों जाइन जाता।”

यूहन्ना 8:23

यीशु उमन से कहलक, “तोहरेमन हिंयाँ इ दुनिया में जनम लेई हा, मगर मोंय स्वरग से आय हों। तोहरेमन इ दुनिया केर हेका मगर मोंय इ दुनिया केर ना लगों।

रोमानियनमन 1:1

पौलुस बटले जे यीशु मसीह केर दास हेके, आउर यीशु मसीह केर खास चेला बनेक लगिन परमेश्‍वर बटले चुनल जाय हे, आउर परमेश्‍वर केर उ शुभ समाचार के सुनाएक लगिन अलग करल जाय हे।

रोमानियनमन 11:8

जइसन कि पवितर किताब में एलिय्याह परमेश्‍वर केर संदेश के बताएक वाला केर बटले लिखल अहे, परमेश्‍वर उमन केर मन के आइज केर दिन तक एइसन भोथरा काइर देई हे कि उमन ना बुझोक, आउर आँइख के एइसन अंधरा काइर देई हे कि ना देखोक, आउर कान के एइसन बहिरा काइर देई हे कि ना सुनोक।

1 कुरिनथियनमन 14:37

अगर केऊ खुद के परमेश्‍वर केर संदेश के परचार करेक वाला या पवितर आत्मा बटले बरदान पावल आदमी समझी, तो इ जाइन लेओक, कि जे गोइठमन के मोंय तोहरेमन ले लिखाथों, उमन प्रभु केर आगयामन हेके।

2 कुरिनथियनमन 10:7

तोहरेमन बाहरी चीजमन के देखाला, अगर केखो अपन उपरे इ भरसा अहे कि मोंय मसीह केर हेकों, तो उ एहो जाइन लेवोक कि जइसन उ मसीह केर हेके, तइसनेहें हमरे हों मसीह केर हेकी।

2 थिस्सलुनीकियनमन 1:8

आउर जेमन परमेश्‍वर के नी चिन्हैना, आउर हमर प्रभु यीशु केर बारे में शुभ समाचार के नी मानैना उमन के दंड देवी।

1 तीमुथियुस 4:1

मगर पवितर आत्मा खुइल के बतायला कि आखरी दिनमन में थोरेक आदमीमन यीशु मसीह केर सच्चा शिक्षामन उपरे बिसवास करेक छोइड़ देबैं, उमन अशुद्ध आत्मामन केर शिक्षामन के मानबैं, जे उमन के भटकायला आउर उमन उ झूठा शिक्षामन उपरे बिसवास करबैं जे दुष्ट आत्मामन बटले आवेला।

2 पतरस 3:2

मोंय एइसन इ लगिन कराथों, काले कि मोंय चाहोना कि तोहरे उ बचनमन के याइद रखा, जे परमेश्‍वर केर संदेश के बताएक वालामन ढेइर पहिले कइह रहैं, आउर हमर छुटकारा देवाइया आउर हमर प्रभु यीशु मसीह केर आगयामन के याइद रखा, जेके तोहरे के चुनल खास चेलामन सिखाय रहैं।

1 यूहन्ना 4:1

हे दुलार भाईमन, हरेक आदमी उपरे बिसवास ना करा जेमन पवितर आत्मा बटले बोलेक केर दावा करैना। मगर उमन के परखा कि उमन परमेश्‍वर बटले हेकैं कि निहीं, काले कि ढेइर बगरा झूठा परमेश्‍वर केर संदेश के बताएक वाला आदमीमन इ दुनिया में फाइल जाय हैं।

1 यूहन्ना 4:4

हे दुलार छउवामन, तोहरेमन परमेश्‍वर केर हेका आउर तोहरेमन परमेश्‍वर केर संदेश के बताएक वाला झूठा आदमीमन के जीत लेई हा, आउर जे पवितर आत्मा तोहर में अहे उ शैतान से हों बाड़ अहे जे दुनिया में राइज करेला।

1 यूहन्ना 4:8

मगर जे एक दोसर से प्रेम नी करेला उ परमेश्‍वर के नी जानेला, काले कि परमेश्‍वर प्रेम हेके।

1 यूहन्ना 5:19

हमरेमन जानिला कि हमरे परमेश्‍वर बटले हेकी आउर समूचा दुनिया उ दुष्ट शैतान केर वश में पड़ल अहे।

यहूदा 1:17

मगर हे दुलार बिसवासी भाई-बहिनमन, तोहरेमन उ गोइठमन के याइद रखा, जे हमर प्रभु यीशु मसीह केर चुनल खास चेलामन पहिलेहें कइह चुइक हैं।