1 यूहन्ना 4:5 - सादरी नवाँ नियम

⁵ उमन दुनिया केर हेकैं, से लगिन दुनिया केर गोइठमन के कहैना आउर इ दुनिया केर आदमीमन उ मनक गोइठ के सुनैना।

1 यूहन्ना 4:5 Iomraidhean Croise

लूका 16:8

मालिक उ अधरमी भंडारी केर बड़ाई करलक, काले कि उ होशियारी से काम काइर हे। एहे नियर इ दुनिया केर आदमीमन अपन जइसन आदमीमन केर संगे लेन-देन करेक में इंजोत केर आदमीमन से बगरा चतूर अहैं।

यूहन्ना 17:14

मोंय तोर बचन के उमन के बताय देई हों, आउर दुनिया केर आदमीमन उमन से घिरना करलैं। काले कि जइसन मोर दुनिया से कोनों नाता नखे, तइसनेहें उमन केर हों दुनिया से कोनों नाता नखे।

यूहन्ना 17:16

जइसन कि मोर दुनिया से कोनों नाता नखे, तइसनेहें उमन केर हों दुनिया से कोनों नाता नखे।

यूहन्ना 3:31

जे स्वरग से आवेला, उ सोउब से बेस अहे। जे धरती से आवेला उ धरती केर हेके, आउर धरती केर हें गोइठमन के कहेला। जे स्वरग से आवेला, उ सोउब केर उपरे अहे।

यूहन्ना 8:23

यीशु उमन से कहलक, “तोहरेमन हिंयाँ इ दुनिया में जनम लेई हा, मगर मोंय स्वरग से आय हों। तोहरेमन इ दुनिया केर हेका मगर मोंय इ दुनिया केर ना लगों।

2 तीमुथियुस 4:3

काले कि एइसन समय आवी कि आदमीमन खरा उपदेस के सुनेक नी खोजबैं, मगर उमन अपन मन केर इच्छा मोताबिक चलबैं आउर ढेइर सिखाएक वालामन के खोइज लेबैं। जेमन ओहे गोइठमन के बताबैं जेके उमन सुनेक खोजैना।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।