1 यूहन्ना 4:4 - सादरी नवाँ नियम

⁴ हे दुलार छउवामन, तोहरेमन परमेश्‍वर केर हेका आउर तोहरेमन परमेश्‍वर केर संदेश के बताएक वाला झूठा आदमीमन के जीत लेई हा, आउर जे पवितर आत्मा तोहर में अहे उ शैतान से हों बाड़ अहे जे दुनिया में राइज करेला।

1 यूहन्ना 4:4 Iomraidhean Croise

यूहन्ना 12:31

अब दुनिया केर आदमीमन केर न्याय करेक लगिन परमेश्‍वर केर समय आय जाहे, दुनिया में राइज करेक वाला शैतान केर शक्ति के नाश काइर के उके निकलाय देवल जाई।

यूहन्ना 14:30

मोर ठिना तोहर संगे गोठियाएक लगिन ढेइर समय नी बाइच हे, काले कि इ दुनिया केर सरदार शैतान आवाथे। मोर उपरे उकर कोनों अधिकार नखे।

यूहन्ना 16:11

न्याय केर बारे में इ बताई कि दुनिया केर सरदार शैतान दोषी ठहराल जाय हे।

यूहन्ना 17:23

तोंय मोर में आउर मोंय उमन में, जेकर से उमन पूरा-पुरी एक होई जाओक, आउर दुनिया केर आदमीमन जाइन लेवोक कि तोंय हें मोके भेइज हिस, आउर जे लेखे तोंय मोर से प्रेम करले, ओहे लेखे तोंय उमन से हों प्रेम करले।

रोमानियनमन 8:31

इ सोउब के देखते हुए हमरे इ कहेक पारिला कि अगर परमेश्‍वर हमर बटे अहे, तो केऊ हमरे के हरुवाएक नी पारबैं।

रोमानियनमन 8:37

मगर इ सोउब बुरा चीजमन में हमरे उकर चलते जे हमर से प्रेम काइर हे पूरा जीत पाय ही।

1 कुरिनथियनमन 2:12

इ दुनिया केर दोसर आदमीमन का सोचैना उके हमरे नी बुझिला, मगर परमेश्‍वर हमरे के अपन आत्मा देई हे जेकर से हमरे उ गोइठमन के जानेक पारब, जेके परमेश्‍वर हमरे के देई हे।

1 कुरिनथियनमन 6:13

तोहर में से केऊ कहेक पारेला, खाएक केर चीजमन हमरे केर कायामन लगिन अहे, आउर कायामन खाएक केर चीजमन लगिन, इ ठीक अहे मगर परमेश्‍वर आवेक वाला समय में कायामन के आउर खाएक केर चीजमन के दुइयो के नाश करी। काया ब्यभिचार लगिन निहीं, बल्कि हमरे केर काया प्रभु केर सेवा करेक लगिन प्रभु केर हेके।

2 कुरिनथियनमन 4:4

आउर उ अबिसवासीमन नी बुझैना, जे मनक बुद्धि के इ दुनिया केर ईश्‍वर शैतान अंधरा काइर देई हे, ताकि उमन मसीह केर महिमा केर बारे में आवेक वाला शुभ समाचार केर इंजोत के देखेक नी पारबैं, जे परमेश्‍वर कइसन अहे इके देखायला।

2 कुरिनथियनमन 6:16

आउर परमेश्‍वर केर मंदिर केर रिश्ता मूर्तिमन से नखे, काले कि हमरे तो जिंदा परमेश्‍वर केर मंदिर हेकी, जइसन पवितर किताब में परमेश्‍वर कइह हे, “मोंय इ आदमीमन केर संगे रहमूँ आउर उमन केर संगे चलमूँ-फिरमूँ, मोंय उमन केर परमेश्‍वर होमूँ, आउर उमन मोर आदमी होबैं।”

इफिसियनमन 2:2

उ बेरा तोहरेमन इ दुनिया केर आदमी मनक रीति-रिवाज केर मोताबिक चलत रहा, जेमन परमेश्‍वर के नी जानैना। आउर तोहरेमन शैतान केर आगया के मानत रहा जे भूतमन केर उपरे आकाश में राइज करेला। जे एखनोहों उ आदमीमन के अपन कब्जा में करेक केर कोशिश कराथे, जेमन परमेश्‍वर केर आगया के नी मानैना।

इफिसियनमन 3:17

आउर बिसवास से मसीह तोहर भीतरे डेरा करोक जइसन कि तोहरेमन उकर में भरसा कराला, मोंय प्रार्थना करोना कि परमेश्‍वर लगिन आउर दोसरमन लगिन तोहर प्रेम तोहरे के मजबूत बनाओक आउर भटकेक से बचाओक।

इफिसियनमन 6:10

तोहरेमन लगिन मोर आखरी गोइठ इ हेके, प्रभु केर शक्ति से आत्मा में मजबूत होवा।

1 यूहन्ना 2:1

हे मोर छउवामन, मोंय इ गोइठ तोहरेमन के इ लगिन लिखाथों कि तोहरेमन पाप ना करा। अगर केऊ पाप करी तो आबा परमेश्‍वर ठिना हमर लगिन एगो मदइत करेक वाला अहे, जे हमरे केर पापमन के क्षमा करेक लगिन उकर से प्रार्थना करेला, मतलब उ यीशु मसीह हेके जे धरमी अहे।

1 यूहन्ना 2:13

हे आबामन, मोंय तोहरेमन के इ लगिन लिखाथों काले कि तोहरेमन मसीह के जानाला जे शुरु से अहे। हे जवानमन, मोंय तोहरेमन के इ लगिन लिखाथों कि तोहरेमन उ शैतान उपरे जय पाय हा जे सोउब बुराई केर कारण हेके। हे दुलार छोंड़ामन, मोंय तोहरे के इ लगिन लिखाथों, काले कि तोहरे आबा परमेश्‍वर के जाइन जाय हा।

1 यूहन्ना 3:20

काले कि परमेश्‍वर हमरेमन केर मन से बाड़ हेके आउर उ सोउब कुछ जानेला।

1 यूहन्ना 3:24

आउर जे परमेश्‍वर केर आगयामन के मानेला उ परमेश्‍वर में आउर परमेश्‍वर उकर में बनल रहेला। आउर इकरे से हमरेमन जानिला कि उ हमर में बास करेला, काले कि उ हमरे के अपन आत्मा देई हे।

1 यूहन्ना 4:13

इकरे से हमरे जानिला कि हमरे परमेश्‍वर में बनल रहिला आउर परमेश्‍वर हमरेमन में रहेला, काले कि उ अपन पवितर आत्मा हमरेमन के देई हे।

1 यूहन्ना 4:16

हमरेमन बेस लेखे जानिला आउर बिसवास हों करिला कि परमेश्‍वर हमरेमन से प्रेम करेला। परमेश्‍वर प्रेम हेके, आउर जे प्रेम में बनल रहेला उ परमेश्‍वर में बनल रहेला, आउर परमेश्‍वर उकर में बनल रहेला।

1 यूहन्ना 4:6

हमरेमन परमेश्‍वर केर हेकी। जे परमेश्‍वर के जानेला, उ हमरेमन केर सुनेला, जे परमेश्‍वर के नी जानेला उ हमरेमन केर नी सुनेला। हमरेमन इ लेखे सच्चाई केर आत्मा आउर झूठा आत्मा के जाइन लेविला।

1 यूहन्ना 5:19

हमरेमन जानिला कि हमरे परमेश्‍वर बटले हेकी आउर समूचा दुनिया उ दुष्ट शैतान केर वश में पड़ल अहे।

1 यूहन्ना 5:4

काले कि जे केऊ परमेश्‍वर केर संतान हेके, उ दुनिया के जीत लेवेला आउर उ जीत जेकर से दुनिया में जीत मिलेला उ हमरे केर बिसवास हेके।

प्रकाशितवाक्य 12:11

आउर उमन मेमना केर लोहू केर खातिर आउर अपन गवाही केर बचन केर खातिर, उकर उपरे जीत पालैं, आउर उमन अपन प्राण केर मोह छोइड़ के माउत के अपनाय लेलैं।