1 यूहन्ना 4:21 - सादरी नवाँ नियम

²¹ आउर उकर से हमरेमन के इ आगया मिल हे कि जे केऊ परमेश्‍वर से प्रेम करेला उके अपन संगी बिसवासी से हों प्रेम करेक चाही।

1 यूहन्ना 4:21 Iomraidhean Croise

मत्ती 5:43

तोहरेमन सुइन चुइक हा, मूसा केर नियम कहेला कि अपन पड़ोसी से प्रेम करबे आउर अपन बैरी से बैर।

लूका 10:37

उ कहलक, “ओहे आदमी जे उकर उपरे दया करलक।” यीशु उकर से कहलक, “जा, तोंय हों एइसनेहें करबे।”

यूहन्ना 15:12

मोर आगया इ हेके, ‘जइसन मोंय तोहरेमन से प्रेम काइर हों, तइसनेहें तोहरेमन हों एक-दोसर से प्रेम करा।’

गलातियनमन 5:14

काले कि समूचा मूसा केर नियम केर निचोड़ इ एक हें आगया में पावल जायला, “तोंय अपन पड़ोसी से अपन नियर प्रेम कर।”

गलातियनमन 5:6

अगर तोहरे मसीह यीशु केर चेलामन हेका तो इकर से कोनों फरक नी पड़ेला कि तोहरे केर खतना होई हे या निहीं। मगर खास गोइठ इ हेके कि हमरे मसीह उपरे बिसवास करिला, आउर परमेश्‍वर आउर दोसर आदमीमन से प्रेम करिला।

1थिस्सलुनीकियनमन 4:9

मगर संगी बिसवासी भाईमन से प्रेम केर बारे में इ जरुरी नखे कि मोंय तोहर ठिना कोनों लिखमूँ, काले कि आपस में प्रेम रखेक तोहरेमन खुद हें परमेश्‍वर से सीख हा।

1 पतरस 3:8

आखरी में, मोंय तोहरे से इ कहेक चाहाथों कि तोहरे सोउब एकजूट रहा, आउर एक दोसर केर फिकिर करा, भाई-बहिन केर प्रेम नियर दोसरमन से प्रेम करा, दोसर मनक उपरे दया करा, एक दोसर केर संगे नरम बना।

1 पतरस 4:8

आउर सोउब से बेस गोइठ इ हेके कि एक दोसर से गहरा प्रेम करा काले कि अगर तोहरेमन आदमीमन से प्रेम कराला, तो तोहरे सोउब बेरा कोनोवें पाप काम के माफ करेक लगिन तेयार रहबा, जे उमन काइर हैं।

1 यूहन्ना 2:7

हे दुलार भाई बहिनमन, मोंय तोहरेमन के कोनों नवाँ आगया नी लिखाथों, मगर ओहे पुरना आगया जे शुरु से तोहरेमन के मिल हें, इ पुरना आगया उ बचन हेके जेके तोहरेमन सुइन हा।

1 यूहन्ना 3:11

जे समाचार तोहरेमन शुरु से सुनला उ इ हेके कि हमरेमन एक दोसर से प्रेम करब।

1 यूहन्ना 3:14

हमरेमन जानिला कि हमरे माउत से पार होई के जुग-जुग केर जिंदगी में पोंहइच ही, काले कि हमरेमन बिसवासी भाई-बहिनमन से प्रेम करिला। जेमन प्रेम नी करैना उमन माउत केर दशा में रहैना।

1 यूहन्ना 3:18

हे दुलार छउवामन, हमरेमन बचन आउर गोइठमन से हें निहीं, मगर काममन आउर सच्चाई से हों प्रेम करब।

1 यूहन्ना 3:23

आउर उकर आगया इ हेके कि हमरे उकर बेटा यीशु मसीह केर नाँव उपरे बिसवास करब आउर जइसन उ हमरे के आगया देई हे उकरे मोताबिक एक दोसर से प्रेम करब।

1 यूहन्ना 4:11

हे दुलारा भाईमन, जब परमेश्‍वर हमरेमन से एइसन प्रेम करलक, तो हमरेमन के हों एक दोसर से प्रेम करेक चाही।