1 यूहन्ना 4:11 - सादरी नवाँ नियम

¹¹ हे दुलारा भाईमन, जब परमेश्‍वर हमरेमन से एइसन प्रेम करलक, तो हमरेमन के हों एक दोसर से प्रेम करेक चाही।

1 यूहन्ना 4:11 Iomraidhean Croise

लूका 10:37

उ कहलक, “ओहे आदमी जे उकर उपरे दया करलक।” यीशु उकर से कहलक, “जा, तोंय हों एइसनेहें करबे।”

यूहन्ना 13:34

मोंय तोहरेमन के एगो नवाँ आगया देवाथों, ‘तोहरेमन एक दोसर से प्रेम करा।’ जइसन मोंय तोहरेमन से प्रेम करोना, ओहे लेखे तोहरेमन हों एक-दोसर से प्रेम करा।

इफिसियनमन 4:31

सोउब रकम केर कड़ुवा गोइठ, झमेला, खीस, लड़ाई-झगरा, निंदा आउर सोउब रकम केर डाह के दूर काइर देवा।

कुलुसियनमन 3:13

आउर अगर केखो कोनों दोष देवेक केर कोनों कारण अहे, तो एक दोसर केर साइह लेवा, आउर एक दोसर केर गुन्हा के क्षमा करा, जइसन प्रभु तोहर गुन्हा के क्षमा करलक तइसनेहें तोहरेमन हों करा।

1 यूहन्ना 2:7

हे दुलार भाई बहिनमन, मोंय तोहरेमन के कोनों नवाँ आगया नी लिखाथों, मगर ओहे पुरना आगया जे शुरु से तोहरेमन के मिल हें, इ पुरना आगया उ बचन हेके जेके तोहरेमन सुइन हा।

1 यूहन्ना 3:11

जे समाचार तोहरेमन शुरु से सुनला उ इ हेके कि हमरेमन एक दोसर से प्रेम करब।

1 यूहन्ना 3:23

आउर उकर आगया इ हेके कि हमरे उकर बेटा यीशु मसीह केर नाँव उपरे बिसवास करब आउर जइसन उ हमरे के आगया देई हे उकरे मोताबिक एक दोसर से प्रेम करब।

1 यूहन्ना 4:7

हे मोर दुलार भाई-बहिनमन, हमरेमन एक दोसर से प्रेम करब, काले कि प्रेम परमेश्‍वर केर संतान हेके, आउर जे केऊ एक दोसर से प्रेम करेला, उ हों परमेश्‍वर केर संतान हेके आउर परमेश्‍वर के जानेला।

2 यूहन्ना 1:5

अब हे बहिन, मोंय तोर से बिनती करोना कि हमरेमन के एक दोसर से प्रेम करेक चाही, इ कोनों नवाँ आगया ना लगे मगर ओहे आगया हेके, जेके हमरेमन ओहे बेरा से जानाथी जब हमरे मसीह केर उपरे बिसवास करली।