1 यूहन्ना 4:1 - सादरी नवाँ नियम

¹ हे दुलार भाईमन, हरेक आदमी उपरे बिसवास ना करा जेमन पवितर आत्मा बटले बोलेक केर दावा करैना। मगर उमन के परखा कि उमन परमेश्‍वर बटले हेकैं कि निहीं, काले कि ढेइर बगरा झूठा परमेश्‍वर केर संदेश के बताएक वाला आदमीमन इ दुनिया में फाइल जाय हैं।

1 यूहन्ना 4:1 Iomraidhean Croise

मरकुस 13:21

उ बेरा अगर केऊ तोहरेमन से कही, ‘देखा, मसीह हिंयाँ अहे!’ चाहे, ‘देखा, हूवाँ अहे!’ तो बिसवास ना करबा,

लूका 12:57

तोहरेमन अपन लगिन खुद हें सलहा काले नी कराला कि का उचित हेके?

लूका 21:8

यीशु जबाब देलक, “सावधान रहा, बहइक ना जबा, काले कि ढेइर आदमीमन मोर नाँव से आय के कहबैं, ‘मोंय मसीह हेकों!’ आउर इ हों कहबैं, ‘समय भीरे आय पोंहइच हें।’ तोहरेमन उ मनक पिछे ना चाइल जबा।

खास चेलामन केर काम 17:11

इ नगर केर यहूदी आदमीमन थिस्सलुनीके शहर केर यहूदी आदमीमन से भला रहैं। उमन बड़का लालसा से प्रभु केर बचन के सुनत रहैं आउर रोज दिन पवितर किताब के पइढ़ के खोजत रहैं कि इ बचन सच में पवितर किताब में अहे कि निहीं।

खास चेलामन केर काम 20:29

मोंय जानोना कि मोर जाएक केर पाछे झूठा शिक्षा देवेक वाला आदमीमन आबैं आउर बिसवासी आदमीमन के ढेइर नोकसान पोंहचाबैं। उमन एइसन होबैं जइसन फाइर खाएक वाला भेड़ियामन, जे भेड़ीमन के फाइर खायना।

1 कुरिनथियनमन 12:10

ओहे आत्मा एक आदमी के चमत्कार काम करेक केर बरदान देवेला, तो दोसर आदमी के ओहे आत्मा परमेश्‍वर केर संदेश के असरदार तरीका से बोलेक केर बरदान देवेला, आउर दोसर आदमी के आत्मामन के परखेक केर बरदान देवेला। एक आदमी के ओहे आत्मा दोसर-दोसर भाषा में गोठियाएक केर बरदान देवेला जे भाषा के पढ़ल नी जायला, आउर दोसर आदमी के ओहे आत्मा इ भाषामन केर मतलब बताएक केर बरदान देवेला।

1 कुरिनथियनमन 14:29

आउर परमेश्‍वर केर संदेश के बताएक वालामन में से दूई या तीन झन गोठियाओक, आउर बचलमन उमन केर संदेश के परखोक।

1थिस्सलुनीकियनमन 5:20

परमेश्‍वर बटले आदमीमन के बताल भविष्यवाणीमन के ना ठुकरावा।

1थिस्सलुनीकियनमन 5:21

सोउब गोइठमन के परखा कि उ परमेश्‍वर बटले हेके कि निहीं, बेस संदेशमन के ग्रहण करा आउर उके पालन करा।

2 थिस्सलुनीकियनमन 2:2

तोहरेमन अचका कोनों भविष्यवाणी या उपदेस सुइन के या कोनों चिट्ठी पइढ़ के, जेमन के हमरे बटले लिखल जाय हे समझल जायला, अपन बिवेक के हेराय ना देबा, जेमन में बताल जाय हे कि प्रभु केर दिन आय चुइक हे, तोहरे अपन मन में ना घबरावा।

1 तीमुथियुस 4:1

मगर पवितर आत्मा खुइल के बतायला कि आखरी दिनमन में थोरेक आदमीमन यीशु मसीह केर सच्चा शिक्षामन उपरे बिसवास करेक छोइड़ देबैं, उमन अशुद्ध आत्मामन केर शिक्षामन के मानबैं, जे उमन के भटकायला आउर उमन उ झूठा शिक्षामन उपरे बिसवास करबैं जे दुष्ट आत्मामन बटले आवेला।

2 तीमुथियुस 3:13

मगर दुष्ट आउर बहकाएक वालामन धोखा देते आउर धोखा खाते, बिगड़ते चाइल जाबैं।

2 पतरस 2:1

जे लेखे ढेइर समय पहिले इसराइलीमन केर माझे परमेश्‍वर केर संदेश के बताएक वाला झूठा आदमीमन रहैं, ओहे लेखे तोहर माझे हों झूठा उपदेस देवेक वालामन होबैं, उमन झूठा गेयानमन के चुप हें से फैलाय देबैं, जे आदमीमन के मसीह में बिसवास करेक से रोइक देवी। उ झूठा गेयान के पढ़ाएक वालामन मसीह के अपन मालिक मानेक से हों मना काइर देबैं। जे उमन केर मालिक हेके आउर उमन के पाप केर शक्ति से छुटकारा देई हे। इ लेखे उमन खुद के नाश काइर देबैं।

1 यूहन्ना 2:18

हे दुलार छउवामन, इ आखरी समय हेके आउर जइसन तोहरेमन सुइन हा कि मसीह केर बिरोधी आवेक वाला अहे, उकर मोताबिक एखन हों ढेइर मसीह केर बिरोध करेक वालामन उइठ ठड़ाय हैं। इकर से हमरे जानिला कि इ आखरी समय हेके।

1 यूहन्ना 2:7

हे दुलार भाई बहिनमन, मोंय तोहरेमन के कोनों नवाँ आगया नी लिखाथों, मगर ओहे पुरना आगया जे शुरु से तोहरेमन के मिल हें, इ पुरना आगया उ बचन हेके जेके तोहरेमन सुइन हा।

2 यूहन्ना 1:7

मोंय इके इ लगिन कहाथों काले कि ढेइर झूठा शिक्षा देवेक वालामन दुनिया में आय हैं, जे इ नी मानैना कि यीशु मसीह आदमी बाइन के आय हे। एइसन कहेक वालामन हें बहकाएक वाला आउर मसीह केर बिरोधी हेकैं।

3 यूहन्ना 1:11

हे दुलारा संगी, उमन केर नकल ना करबे जेमन बुरा काम करैना, मगर उमन केर नियर चलबे जेमन भलाई केर काम करैना। जे भलाई करेला उ परमेश्‍वर केर संतान हेके मगर जे बुराई करेला उ परमेश्‍वर के नी जानेला।

प्रकाशितवाक्य 2:2

मोंय तोर काम, मेहनइत आउर तोर धीरज के जानोना। मोंय एहो जानोना कि तोंय बुरा आदमीमन के देखेक नी पारिसला। जे खुद के खास चेला कहैना मगर उमन ना लगैं, उमन के तोंय परइख के झूठा पाले।