1 यूहन्ना 3:9 - सादरी नवाँ नियम

⁹ जे केऊ परमेश्‍वर केर संतान हेके उ पाप करते नी रहेला, काले कि उकर में परमेश्‍वर केर स्वभाव अहे। आउर उ पाप करबे नी करी काले कि उ परमेश्‍वर से जनइम हे।

1 यूहन्ना 3:9 Iomraidhean Croise

मत्ती 7:18

बेस आदमी बुरा काम नी करी आउर बुरा आदमी बेस काम नी करी।

यूहन्ना 1:13

उमन ना तो आयो-आबा से, ना आदमी केर इच्छा से आउर ना आदमी केर संतान पावेक केर इच्छा से जनइम हैं, मगर उमन परमेश्‍वर से जनइम हैं।

यूहन्ना 3:3

यीशु उके जबाब देलक, “मोंय तोर से सच-सच कहाथों, अगर केऊ नवाँ सिरा से नी जनमी तो उ परमेश्‍वर केर राइज के देखेक नी पारी।”

खास चेलामन केर काम 4:20

इ तो हमरे से नी होवी कि हमरे जेके देइख ही आउर सुइन ही, उकर बारे में हमरे आदमीमन के नी बताब।”

रोमानियनमन 6:2

निहीं बिलकुल निहीं! हमरे जब पाप केर लगिन मोइर गेली तो फिन आगे हमरे के पाप करते रहेक नखे।

गलातियनमन 5:17

काले कि हमरे केर काया केर इच्छामन पवितर आत्मा केर बिरोध में अहे, आउर एहे नियर पवितर आत्मा काया केर इच्छामन केर बिरोध में काम करुवायला, आउर इ दुइयो शक्ति लगातार एक दोसर से लड़ते रहेला, इ लगिन कि जे बेस काममन के तोहरे करेक चाहाला उके करेक पारबा।

तीतुस 1:2

जेकर से उमन परमेश्‍वर केर संगे जुग-जुग रहेक लगिन आसरा करैना, काले कि परमेश्‍वर जे कहियो झूठ नी बोलेला दुनिया के सिरजाएक से पहिले करार काइर रहे कि उकर आदमीमन जुग-जुग लगिन जीते रहबैं।

1 पतरस 1:23

काले कि तोहरेमन के परमेश्‍वर बटले नवाँ जिंदगी मिल हे। तोहरे के जे जिंदगी मिल हे उ एइसन चीजमन से नी मिल हे कि उ नाश होवी बल्कि एइसन चीज से मिल हे जे जुग-जुग लगिन रही। मतलब परमेश्‍वर केर जिंदा आउर जुग-जुग केर बचन से मिल हे।

1 यूहन्ना 2:29

अगर तोहरेमन जानाला कि परमेश्‍वर धरमी हेके, तो एहो जानाला कि जे केऊ उ काम के करेला जे काम परमेश्‍वर केर नजइर में बेस हेके, तो उ परमेश्‍वर केर संतान हेके।

1 यूहन्ना 3:6

जे केऊ मसीह में बनल रहेला उ पाप करते नी रहेला। जे केऊ पाप करेला उ ना तो मसीह के देइख हे आउर ना उके जाइन हे।

1 यूहन्ना 4:7

हे मोर दुलार भाई-बहिनमन, हमरेमन एक दोसर से प्रेम करब, काले कि प्रेम परमेश्‍वर केर संतान हेके, आउर जे केऊ एक दोसर से प्रेम करेला, उ हों परमेश्‍वर केर संतान हेके आउर परमेश्‍वर के जानेला।

1 यूहन्ना 5:1

जे केऊ इ बिसवास करेला कि यीशु हें मसीह हेके उ परमेश्‍वर केर संतान हेके। आउर जे केऊ आबा परमेश्‍वर से प्रेम करेला उ उकर संतानमन से हों प्रेम करेला।

1 यूहन्ना 5:18

हमरेमन जानिला कि जे केऊ परमेश्‍वर केर संतान हेके उ पाप करते नी रहेला, मगर परमेश्‍वर केर बेटा यीशु उकर रक्षा करते रहेला आउर दुष्ट शैतान उके छुवेक हों नी पारेला।

1 यूहन्ना 5:4

काले कि जे केऊ परमेश्‍वर केर संतान हेके, उ दुनिया के जीत लेवेला आउर उ जीत जेकर से दुनिया में जीत मिलेला उ हमरे केर बिसवास हेके।

3 यूहन्ना 1:11

हे दुलारा संगी, उमन केर नकल ना करबे जेमन बुरा काम करैना, मगर उमन केर नियर चलबे जेमन भलाई केर काम करैना। जे भलाई करेला उ परमेश्‍वर केर संतान हेके मगर जे बुराई करेला उ परमेश्‍वर के नी जानेला।