1 यूहन्ना 3:7 - सादरी नवाँ नियम

⁷ हे दुलार छउवामन, केकरो बहकाल में ना आबा। जे धरम केर काम करेला ओहे मसीह नियर धरमी हेके।

1 यूहन्ना 3:7 Iomraidhean Croise

मत्ती 5:20

मोंय तोहरेमन से कहाथों कि अगर तोहरेमन परमेश्‍वर केर आगया के मूसा केर नियम के सिखाएक वालामन आउर फरीसी दल केर आदमीमन से बाइढ़ के नी मानबा, तो स्वरग राइज में कहियो ढूकेक नी पारबा।

लूका 1:75

ताकि हमरे उकर सामने पवितर, धरमी आउर निडर होई के जिंदगी भइर उकर सेवा करते रहब।

खास चेलामन केर काम 10:35

आदमी कोनोवें जाइत केर रहोक, अगर उ परमेश्‍वर से डरायला आउर धरम केर काम करेला तो परमेश्‍वर केर दया उकर उपरे बनल रहेला।

रोमानियनमन 2:13

काले कि परमेश्‍वर केर नजइर में मूसा केर नियम के सुनेक वालामन धरमी निहीं, मगर मूसा केर नियम केर मोताबिक चलेक वालामन धरमी ठहराल जाबैं।

1 कुरिनथियनमन 6:9

तोहरेमन पक्का जानाला कि अन्यायी आदमीमन परमेश्‍वर केर राइज में जाएक नी पारबैं, धोखा ना खावा, ना बेश्या ठिना जाएक वाला आदमी, ना मूर्ति पूजा करेक वाला, ना दोसर केर जनाना संगे रिश्ता बनाएक वाला, ना लुच्चा, ना दोसर केर मरद संगे रिश्ता बनाएक वाला,

इफिसियनमन 5:6

केऊ तोहरेमन के इ कइह के धोखा ना देवोक कि परमेश्‍वर उमन के दंड नी देवी, जेमन एइसन पाप करैना। काले कि एहे काममन के करेक केर चलते परमेश्‍वर केर खीस आगया नी मानेक वालामन उपरे भड़केला।

इफिसियनमन 5:9

(काले कि परमेश्‍वर केर संतानमन केर काम सोउब रकम केर भलाई करेक, आउर धरमी बनेक, आउर सच्चाई केर डहर में चलेक हेके)।

फिलिप्पियनमन 1:11

आउर उ धरमी बनेक केर फार मतलब बेस गुणमन से जे यीशु मसीह देवेक पारेला, भरपूर होते जबा, जेकर से परमेश्‍वर केर महिमा आउर स्तुति होते रहोक।

इब्रानीमन 1:8

मगर बेटा केर बारे में कहेला, “हे परमेश्‍वर, तोर राइज जुगजुग लगिन बनल रही, तोंय अपन राइज में न्याय से राइज करबे।

याकूब 1:22

मगर बचन में चलेक वाला बना, आउर सिरिफ सुनेक वाला भइर निहीं जे खुद के धोखा देवेला।

याकूब 2:19

तोके बिसवास अहे कि एके गो परमेश्‍वर अहे आउर तोंय बेस करिसला। भूतमन हों एइसनेहें बिसवास करैना आउर उमन थरथरायना।

1 पतरस 2:24

जब मसीह क्रूस उपरे मोरलक, तो उ अपन काया में हमर पाप केर बदली में दंड के सहलक, उ एइसन इ लगिन करलक ताकि अब हमरे आगे पाप करेक छोइड़ के धरमी जिंदगी जियब, आउर उ अपन काया में माउर खाय के घवाहा होई गेलक जेकर से हमरे चंगा होई गेली।

1 यूहन्ना 2:1

हे मोर छउवामन, मोंय इ गोइठ तोहरेमन के इ लगिन लिखाथों कि तोहरेमन पाप ना करा। अगर केऊ पाप करी तो आबा परमेश्‍वर ठिना हमर लगिन एगो मदइत करेक वाला अहे, जे हमरे केर पापमन के क्षमा करेक लगिन उकर से प्रार्थना करेला, मतलब उ यीशु मसीह हेके जे धरमी अहे।

1 यूहन्ना 2:26

मोंय तोहरेमन के इ गोइठमन के उमन केर बारे में लीख हों, जेमन झूठा शिक्षा देई के तोहरेमन के भटकाएक केर कोशिश करैना।

1 यूहन्ना 2:29

अगर तोहरेमन जानाला कि परमेश्‍वर धरमी हेके, तो एहो जानाला कि जे केऊ उ काम के करेला जे काम परमेश्‍वर केर नजइर में बेस हेके, तो उ परमेश्‍वर केर संतान हेके।

1 यूहन्ना 3:18

हे दुलार छउवामन, हमरेमन बचन आउर गोइठमन से हें निहीं, मगर काममन आउर सच्चाई से हों प्रेम करब।

1 यूहन्ना 3:3

आउर जे केऊ मसीह उपरे इ आसरा रखेला उ खुद के तइसनेहें पवितर करेला जइसन उ पवितर अहे।

1 यूहन्ना 4:17

इकरे से प्रेम हमरेमन में सिद्ध होलक कि हमरे के फैसला केर दिन साहस होवोक कि उ हमरे के सजा नी देवी, काले कि हमरेमन इ दुनिया में यीशु केर नियर जिंदगी जियिला।