1 यूहन्ना 3:5 - सादरी नवाँ नियम

⁵ तोहरेमन जानाला कि यीशु मसीह दुनिया में इ लगिन आलक कि पापमन के मेटाय देवोक, आउर यीशु मसीह में कोनोवें पाप नखे।

1 यूहन्ना 3:5 Iomraidhean Croise

मत्ती 1:21

उ बेटा जनम देवी आउर तोंय उकर नाँव यीशु रखबे, काले कि उ अपन आदमीमन के उ मनक पाप से बचाई।”

लूका 23:41

हमर सजा तो न्याय केर मोताबिक हेके, काले कि हमरे अपन करनी केर फल पावाथी, मगर इ कोनों अपराध नी काइर हे।”

लूका 23:47

इ सोउब घटना के सूबेदार, जे सौ सिपाही मनक अधिकारी रहे, देइख के परमेश्‍वर केर बड़ाई करलक आउर कहलक, “जरूर हें इ आदमी धरमी रहे।”

यूहन्ना 1:29

दूसरा दिन यूहन्ना यीशु के अपन बटे आते देइख के कहलक, “देखा, इ परमेश्‍वर केर मेमना हेके, जे खुद के बलिदान काइर के दुनिया केर पाप के उठाय लेवी।

यूहन्ना 1:31

मोंय हों उके नी चिन्हत रहों कि उ मसीह हेके, से लगिन इसराइली आदमीमन के इ बताएक लगिन कि उ के हेके, मोंय पानी में बपतिस्मा जल संस्कार देते आलों।”

यूहन्ना 14:30

मोर ठिना तोहर संगे गोठियाएक लगिन ढेइर समय नी बाइच हे, काले कि इ दुनिया केर सरदार शैतान आवाथे। मोर उपरे उकर कोनों अधिकार नखे।

यूहन्ना 8:46

तोहर में से केहर मोर उपरे पाप करेक केर दोष लगाएक पारी? आउर अगर मोंय सच कहोना, तो तोहरेमन मोर उपरे काले बिसवास नी कराला?

2 कुरिनथियनमन 5:21

मसीह, जे पाप से अनजान रहे, उखे परमेश्‍वर हमर लगिन पाप ठहरालक, ताकि हमरे उकर नजइर में धरमी बनेक पारब, काले कि मसीह हमरे केर पापमन केर दंड के अपन उपरे उठाय लेलक।

1 तीमुथियुस 1:15

इ गोइठ सच आउर सोउब रकम से मानेक केर लाएक अहे कि मसीह यीशु हमरे पापीमन के बचाएक लगिन दुनिया में आलक, जेमन में से सोउब से बगरा पापी मोंय हेकों।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

इब्रानीमन 1:3

बेटा, परमेश्‍वर केर महिमा केर इंजोत हेके, उकर में हमरे इ देखेक पारिला कि परमेश्‍वर कइसन अहे, उ अपन शक्तिशाली बचनमन से सोउब चीजमन के जे बनाल जाय हे, स्थिर रहेक लगिन मदइत करेला, उ आदमीमन के उमन केर पापमन से शुद्ध काइर के, महिमा से भरल स्वरग में परमेश्‍वर केर भतखाइया आरा बइठल अहे।

इब्रानीमन 4:15

यीशु मसीह जे हमरे केर महापुरोहित हेके हमर सोउब कमजोरीमन के जानेला, शैतान उकर सोउब रकम से परीक्षा करलक जइसन हमरे के करेला, फिन भी उ कोनों पाप नी करलक।

इब्रानीमन 7:26

एइसनेहें महापुरोहित हमरे केर जरुरत के पूरा करेक पारेला, जे पवितर अहे, बेगर दोष केर अहे, आउर शुद्ध अहे, आउर पापीमन केर असर से दूर रहेला, आउर सोउब से उपरे स्वरग तक ऊँचा उठाल जाय हे।

इब्रानीमन 9:28

ठीक ओहे नियर मसीह हों सोउब आदमीमन केर पापमन के उठाय लेवेक लगिन एक बेर बलिदान होलक। जब उ फिन से आवी तब उ पाप केर लगिन बलिदान होवेक ले निहीं, मगर जे उकर आसरा देखेला उके छुटकारा देवेक लगिन आवी।

1 पतरस 1:18

तोहरेमन जानाला कि परमेश्‍वर तोहरे के तोहर बेकार रीति रिवाज से छोड़ाएक लगिन का चीज के इस्तेमाल करलक, जेके तोहरे अपन पुरखामन से सीख रहा, उ तोहरे के छोड़ाएक लगिन एइसन धन-दौलत केर इस्तेमाल नी करलक, जे चाँदी या सोना नियर नाश होई जायला। बल्कि परमेश्‍वर तोहरे के मसीह केर किमती लोहू से कीन हे, जे हमर पापमन केर खातिर बलि केर रूप में मोइर गेलक। उकर माउत हमर लगिन एगो सिद्ध बलि रहे, जइसन कि यहूदी पुरोहितमन केर द्वारा बलि चढ़ाएक वाला मेमना सिद्ध आउर बेगर कोनों दाग या दोष केर होवत रहे।

1 पतरस 1:20

इ दुनिया केर सिरजाल जाएक से पहिले, परमेश्‍वर पहिलेहें से ठहराय लेई रहे कि यीशु मसीह छोड़ाएक वाला होवी। मगर उ तोहर मदइत करेक लगिन इ आखरी दिनमन में धरती में आलक।

1 पतरस 2:22

उ कहियो पाप नी करलक, आउर ना उ कहियो एको बेर अपन मुँह से झूठ बोललक।

1 पतरस 2:24

जब मसीह क्रूस उपरे मोरलक, तो उ अपन काया में हमर पाप केर बदली में दंड के सहलक, उ एइसन इ लगिन करलक ताकि अब हमरे आगे पाप करेक छोइड़ के धरमी जिंदगी जियब, आउर उ अपन काया में माउर खाय के घवाहा होई गेलक जेकर से हमरे चंगा होई गेली।

1 पतरस 3:18

मोंय इ कहोना काले कि मसीह हों हमरे केर पापमन केर खातिर दुःख सहलक आउर मोइर गेलक। उ बस एक बेर मोरलक उके दोबारा फिन से मोरेक केर जरुरत नखे, उ एगो धरमी आदमी रहे जे पापी आदमीमन लगिन मोरलक कि उ हमरे के आबा परमेश्‍वर में लेगेग पारोक, उमन उकर काया के तो माइर मोरालैं मगर परमेश्‍वर उके पवितर आत्मा केर शक्ति से फिन से जिंदा काइर देलक।

1 यूहन्ना 1:2

इ आदमी जे जिंदगी देवेला, धरती में आलक आउर हमरे उके देखली आउर उकर गवाही देवीला आउर तोहरेमन के उ जुग-जुग केर जिंदगी केर बारे में बताइला, जे आबा परमेश्‍वर केर संगे रहे आउर हमर उपरे दिस्तार होलक।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।

1 यूहन्ना 2:1

हे मोर छउवामन, मोंय इ गोइठ तोहरेमन के इ लगिन लिखाथों कि तोहरेमन पाप ना करा। अगर केऊ पाप करी तो आबा परमेश्‍वर ठिना हमर लगिन एगो मदइत करेक वाला अहे, जे हमरे केर पापमन के क्षमा करेक लगिन उकर से प्रार्थना करेला, मतलब उ यीशु मसीह हेके जे धरमी अहे।

1 यूहन्ना 2:2

ओहे हमर पापमन केर मुक्ति लगिन खुद के बलिदान काइर देलक आउर सिरिफ हमरे केर पाप लगिन निहीं, मगर गोटा दुनिया केर आदमीमन केर पाप लगिन बलिदान काइर देलक।

1 यूहन्ना 2:29

अगर तोहरेमन जानाला कि परमेश्‍वर धरमी हेके, तो एहो जानाला कि जे केऊ उ काम के करेला जे काम परमेश्‍वर केर नजइर में बेस हेके, तो उ परमेश्‍वर केर संतान हेके।

1 यूहन्ना 3:8

जे केऊ पाप करते हें रहेला उ शैतान बटले हेके, काले कि शैतान शुरु हें से पाप करते आय हे। परमेश्‍वर केर बेटा इ लगिन आलक कि शैतान केर काममन के नाश करोक।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।