1 यूहन्ना 3:4 - सादरी नवाँ नियम

⁴ जे केऊ पाप करेला उ परमेश्‍वर केर नियम केर बिरोध करेला। आउर इ नियम के नी मानेक हें पाप हेके।

1 यूहन्ना 3:4 Iomraidhean Croise

मत्ती 5:19

से लगिन जे केऊ इ नियम केर छोट से छोट आगयामन में से कोनों एगो के नी मानेला आउर एइसनेहें दोसर आदमीमन के हों सिखायला, तो उके स्वरग राइज में छोट समझल जाई। मगर जे उ नियममन के मानेला आउर दोसर आदमीमन के हों सिखायला, ओहे स्वरग केर राइज में महान कहाई।

खास चेलामन केर काम 23:3

तब पौलुस उकर से कहलक, “हे पाखंडी, परमेश्‍वर तोके हें मारी। तोंय हिंयाँ मूसा केर नियम केर मोताबिक मोर न्याय करेक लगिन बाइठ हिस, फिन भी तोंय मूसा केर नियम केर बिरोध मोके मारेक केर हुकूम देइसला?”

रोमानियनमन 3:20

इ लगिन कि मूसा केर नियम के पूरा करेक से केऊ आदमी परमेश्‍वर केर सामने धरमी नी ठहरी, काले कि मूसा केर नियम हमरे के बतायला कि हमरे पापी अही।

रोमानियनमन 4:15

जब केऊ मूसा केर नियम के पूरा पुरी नी मानैना तो परमेश्‍वर उमन के दंड देवेला, आउर जहाँ मूसा केर नियम नखे हूवाँ उके तोरेक हों नी होवेला।

2 कुरिनथियनमन 12:21

कहीं एइसन ना होवोक कि जब मोंय फिन से तोहरे ठिना घूइर आमूँ, तो मोर परमेश्‍वर मोके अपमान करी। आउर मोके ढेइरमन लगिन शोक करेक पड़ी, जेमन पहिले पाप काइर रहैं, आउर गंदा काम, ब्यभिचार आउर लाज केर काम से मन नी फिरालैं।

याकूब 5:15

आउर बिसवास से करल प्रार्थना से रोगी चंगा होई जाई आउर प्रभु उके उठाय के ठड़ुवाई देवी। आउर अगर उ पाप हों काइर हे, तो पाप हों क्षमा होई जाई।

1 यूहन्ना 5:17

सोउब रकम केर अधरम तो पाप हेके मगर एइसन हों पाप अहे, जेकर नतीजा मौत ना लगे।