1 यूहन्ना 3:21 - सादरी नवाँ नियम

²¹ हे दुलार भाईमन, अगर हमरेमन केर मन हमरे के दोष नी देवी तो हमरे के परमेश्‍वर केर सामने आवेक केर साहस होवेला।

1 यूहन्ना 3:21 Iomraidhean Croise

1 यूहन्ना 2:28

से लगिन हे दुलार छउवामन, मसीह में बनल रहा कि जेखन उ दिस्तार होवी, तो हमरेमन के साहस होवोक आउर हमरे उकर आवेक से उकर सामने लाजिम नी होवब।

इब्रानीमन 4:16

इ लगिन आवा, हमरे साहस काइर के परमेश्‍वर ठिना आवब जे किरपा से भरल अहे, ताकि परमेश्‍वर हमरे के अपन दया आउर किरपा के देखाई, आउर जब हमरे के मदइत केर जरुरत होवी तब उ हमर मदइत करी।

2 कुरिनथियनमन 1:12

हमरे के इ गोइठ उपरे घमंड अहे कि हमरे केर बिवेक बिसवास दिवायला कि हमरे आदमीमन केर साथ, आउर खास काइर के तोहरे केर साथ, जे ब्यवहार काइर ही उ दुनिया केर गेयान केर मोताबिक निहीं, बल्कि उ सच्चाई आउर ईमानदारी केर मोताबिक रहे, जे परमेश्‍वर केर किरपा केर बरदान हेके।

1 यूहन्ना 5:14

आउर हमरेमन के परमेश्‍वर केर भीरे जे साहस होवेला उ इ हेके कि अगर हमरेमन उकर इच्छा केर मोताबिक कोनों माँगिला तो उ हमरेमन केर सुनेला।

1 यूहन्ना 4:17

इकरे से प्रेम हमरेमन में सिद्ध होलक कि हमरे के फैसला केर दिन साहस होवोक कि उ हमरे के सजा नी देवी, काले कि हमरेमन इ दुनिया में यीशु केर नियर जिंदगी जियिला।

इब्रानीमन 10:22

तो आवा हमरे अपन मन के शुद्ध काइर के आउर मसीह केर लोहू के हिरदय में छिड़काय के, आउर सफा पानी से अपन काया के धोई के, सच्चा मन आउर पूरा बिसवास केर संगे परमेश्‍वर ठिना आवब।

1 कुरिनथियनमन 4:4

काले कि मोर बिवेक मोके कोनों गोइठ में दोषी नी ठहरायला, मगर इकर से मोंय निरदोष नी ठहरोना, काले कि मोर न्याय करेक वाला प्रभु हेके।

1 तीमुथियुस 2:8

मोंय चाहोना कि सोउब जगा सभामन में मरदानामन परमेश्‍वर लगिन अपन दुइयो हाँथ के उठाय के बेगर खीस आउर बेगर बक-झक केर प्रार्थना करोक।

रोमानियनमन 14:22

इ सोउब चीजमन केर बारे में तोर जे बिसवास अहे, उ परमेश्‍वर आउर तोर बीच केर गोइठ हेके। धाइन हेके उ, जे उ गोइठ में जेके उ ठीक बुझेला, खुद के दोषी नी ठहरायला।

इफिसियनमन 3:12

हमर यीशु मसीह में बिसवास करेक केर चलते आउर बिसवास में उकर संगे एक होवेक केर चलते, अब हमरे साहस से आउर पूरा भरसा केर साथ परमेश्‍वर केर हेदना आवेक पारिला।

1 यूहन्ना 2:7

हे दुलार भाई बहिनमन, मोंय तोहरेमन के कोनों नवाँ आगया नी लिखाथों, मगर ओहे पुरना आगया जे शुरु से तोहरेमन के मिल हें, इ पुरना आगया उ बचन हेके जेके तोहरेमन सुइन हा।

1 यूहन्ना 3:2

हे दुलार भाई बहिनमन, अब हमरेमन परमेश्‍वर केर संतान हेकी आउर आवेक वाला दिनमन में हमरेमन कइसन होवब इ एखन तक दिस्तार नी होई हे। बस हमरेमन एतना हें जानिला कि जब मसीह देखाई देवी तो हमरेमन हों उकर नियर बाइन जाब, काले कि हमरेमन उके तइसनेहें देखब जइसन उ हकीकत में अहे।

1 यूहन्ना 3:20

काले कि परमेश्‍वर हमरेमन केर मन से बाड़ हेके आउर उ सोउब कुछ जानेला।