1 यूहन्ना 3:2 - सादरी नवाँ नियम

² हे दुलार भाई बहिनमन, अब हमरेमन परमेश्‍वर केर संतान हेकी आउर आवेक वाला दिनमन में हमरेमन कइसन होवब इ एखन तक दिस्तार नी होई हे। बस हमरेमन एतना हें जानिला कि जब मसीह देखाई देवी तो हमरेमन हों उकर नियर बाइन जाब, काले कि हमरेमन उके तइसनेहें देखब जइसन उ हकीकत में अहे।

1 यूहन्ना 3:2 Iomraidhean Croise

मत्ती 5:8

धाइन हेकैं उमन, जे मनक हृदय सफा अहे, उमन परमेश्‍वर के देखबैं।

लूका 17:30

एहे नियर जे दिन आदमीमन मोर आवेक केर बारे में नी सोइच रहबैं, सेहे दिन मोंय आदमी केर बेटा हों फिन से वापस घूइर आमूँ।

लूका 20:36

उमन फिन कहियो नी मोरबैं, काले कि उमन स्वरग में परमेश्‍वर केर दूतमन नियर रहबैं आउर मोरलमन में से जी उठेक केर चलते उमन परमेश्‍वर केर संतान हों बाइन जबैं।

यूहन्ना 1:12

मगर जेतना आदमीमन उके अपनालैं आउर उकर उपरे बिसवास करलैं, उ सोउबमन के परमेश्‍वर केर संतान बनेक केर अधिकार देलक।

यूहन्ना 11:52

आउर यीशु ओहेमन लगिन सिरिफ नी मोरी, मगर उ परमेश्‍वर केर आउरो संतानमन लगिन मोरी, जेमन छितराल अहैं ताकि उमन के जमा करोक।

यूहन्ना 17:24

हे आबा परमेश्‍वर, मोंय चाहाथों कि जेमन के तोंय मोके देई हिस, उमन जहाँ मोंय अहों हूवाँ मोर संगे रहोक, जेकर से उमन मोर महिमा के देखेक पारोक, जेके तोंय मोके देई हिस, काले कि तोंय दुनिया केर सिरजेक से आगे मोर से प्रेम काइर हिस।

रोमानियनमन 8:16

पवितर आत्मा खुद हें हमर आत्मा केर संगे गवाही देवेला कि हमरे परमेश्‍वर केर संतान हेकी।

रोमानियनमन 8:18

मोंय पक्का जानोना कि जे दुःख आउर तकलीफ एखन हमरे उठाथी, उ हमरे उपरे आवेक वाला महिमा केर सामने कोनोवें नखे।

रोमानियनमन 8:19

काले कि परमेश्‍वर केर सिरजाल चीजमन आसरा भरल नजइर से परमेश्‍वर केर सच्चा संतानमन के दिस्तार होवेक केर डहर देखाथैं।

रोमानियनमन 8:29

काले कि जेमन के उ पहिले से चुइन लेई हे, उमन केर लगिन पहिले से फैसला हों काइर लेई हे कि उमन उकर बेटा नियर बाइन जाबैं, ताकि उकर बेटा ढेइर भाईमन में पहिलौठा बनोक।

1 कुरिनथियनमन 13:12

एखन तो हमरे के सोउब गोइठमन एइसन लगेला, जइसन कि हमरे एगो आयना में धुंधरा-धुंधरा देखिला सिरिफ आवेक वाला दिनमन में हमरे सचमुच में सोउब कुछ के समझेक पारब, काले कि हमरे परमेश्‍वर के आमने सामने देखब। एखन मोर गेयान अधूरा अहे, सिरिफ आवेक वाला दिनमन में, मोंय उके सचमुच में जानमूँ, जइसन परमेश्‍वर हों मोके जानेला।

1 कुरिनथियनमन 15:49

हमरे सोउब केर ठिना आदम केर रूप अहे जे माटी से बनाल जाय रहे, एहे नियर एक दिन हमरे ठिना मसीह केर रूप होवी, जे स्वरग से आय हे।

1 कुरिनथियनमन 2:9

जइसन कि पवितर किताब में लिखल अहे, “जे कहियो आँइख से दिस्तार नी देलक, आउर जेके केऊ कहियो नी सुनलैं आउर केऊ कहियो नी बुझलैं, ओहे बेस चीजमन के परमेश्‍वर अपन से प्रेम करइयामन लगिन तेयार काइर हे।”

2 कुरिनथियनमन 3:18

जब हमरे सोउब केर चेहरा से परदा उइठ जायला, तो उ चेहरा से प्रभु केर चमक चमकेला, जइसन कि आयना में दिसेला, तब परमेश्‍वर हमरे के चमकदार से चमकदार महिमा में बदलते जायला, इ प्रभु केर काम हेके जे पवितर आत्मा हेके।

2 कुरिनथियनमन 4:17

काले कि हमरे केर इ बेरा केर मुसीबतमन थोरहें अहे आउर बगरा दिन तक नी रही। काले कि उ मुसीबतमन केर बदली में जुग-जुग केर महिमा मिली, जे हमरे केर सोचेक से कहीं बाइढ़ के अहे।

गलातियनमन 3:26

जब तोहरे यीशु मसीह केर नाँव से बपतिस्मा जल संस्कार लेला, तो तोहरे मसीह केर नवाँ जिंदगी के पिंध लेला, जइसन एगो आदमी नवाँ लुगा के पिंध लेवेला, से लगिन जब तोहरे सोउब यीशु मसीह उपरे बिसवास करला तो परमेश्‍वर केर संतान बाइन गेला।

गलातियनमन 4:6

काले कि हमरे उकर बेटा हेकी, से लगिन परमेश्‍वर अपन बेटा केर आत्मा के हमरे केर हिरदय में भेइज हे, जे आत्मा परमेश्‍वर के “हे आबा, हे बाप” कइह के हकायला।

फिलिप्पियनमन 3:21

उ अपन शक्ति केर उ असर केर मोताबिक जेकर से उ सोउब चीजमन के अपन कब्जा में करेक पारेला, हमर कमजोर आउर दुनिया केर काया केर रूप बदइल के अपन महिमा से भरल काया नियर बनाय देवी।

कुलुसियनमन 3:4

मसीह जे हमरे के नवाँ जिंदगी देवेला, जब दोबारा इ धरती में घूइर आवी, तब तोहरेमन हों उकर संगे आबा आउर उकर महिमा में शामिल होबा।

इब्रानीमन 9:28

ठीक ओहे नियर मसीह हों सोउब आदमीमन केर पापमन के उठाय लेवेक लगिन एक बेर बलिदान होलक। जब उ फिन से आवी तब उ पाप केर लगिन बलिदान होवेक ले निहीं, मगर जे उकर आसरा देखेला उके छुटकारा देवेक लगिन आवी।

2 पतरस 1:4

इ सोउब से परमेश्‍वर हमरे के ढेइर महान आउर किमती बरदान देई हे जेकर करार उ काइर रहे। ताकि हमरे इ बरदानमन केर इस्तेमाल काइर के दुनिया केर उ बुरा लालसामन से बचेक पारब, जे आदमीमन के नाश करेला। जेकर से हमरे परमेश्‍वर केर स्वभाव केर भागीदार बनेक पारब।

1 यूहन्ना 2:28

से लगिन हे दुलार छउवामन, मसीह में बनल रहा कि जेखन उ दिस्तार होवी, तो हमरेमन के साहस होवोक आउर हमरे उकर आवेक से उकर सामने लाजिम नी होवब।

1 यूहन्ना 2:7

हे दुलार भाई बहिनमन, मोंय तोहरेमन के कोनों नवाँ आगया नी लिखाथों, मगर ओहे पुरना आगया जे शुरु से तोहरेमन के मिल हें, इ पुरना आगया उ बचन हेके जेके तोहरेमन सुइन हा।

1 यूहन्ना 3:1

सोचा तो आबा परमेश्‍वर हमरेमन से कइसन प्रेम काइर हे। हमरेमन परमेश्‍वर केर संतान कहाइला आउर हकीकत में हमरेमन हेकी। मगर जेमन इ दुनिया केर हेकैं उमन नी जानैना कि हमरेमन परमेश्‍वर केर संतान हेकी, काले कि उमन परमेश्‍वर के हों नी जानैना।

1 यूहन्ना 3:10

इकरे से परमेश्‍वर केर संतान आउर शैतान केर संतान चिन्हाल जायना, जे केऊ उ काममन के नी करेला जे परमेश्‍वर केर देखेक में ठीक अहे, तो उ परमेश्‍वर केर संतान ना लगे आउर ओहो ना लगे जे अपन भाई से प्रेम नी करेला।

1 यूहन्ना 3:21

हे दुलार भाईमन, अगर हमरेमन केर मन हमरे के दोष नी देवी तो हमरे के परमेश्‍वर केर सामने आवेक केर साहस होवेला।

1 यूहन्ना 5:1

जे केऊ इ बिसवास करेला कि यीशु हें मसीह हेके उ परमेश्‍वर केर संतान हेके। आउर जे केऊ आबा परमेश्‍वर से प्रेम करेला उ उकर संतानमन से हों प्रेम करेला।

प्रकाशितवाक्य 2:28

आउर मोंय उके बड़-बिहान केर तइरगन देमूँ।

प्रकाशितवाक्य 22:4

उमन उकर मुँह देखबैं आउर उकर नाँव उकर माथा उपरे लिखल होवी।