1 यूहन्ना 3:16 - सादरी नवाँ नियम

¹⁶ हमरेमन प्रेम के इकरे से जानली कि यीशु हमर लगिन अपन प्राण के देई देलक। एहे लगिन हमरेमन के हों अपन बिसवासी भाई-बहिनमन लगिन अपन प्राण के देवेक चाही।

1 यूहन्ना 3:16 Iomraidhean Croise

मत्ती 20:28

काले कि मोंय आदमी केर बेटा इकर लगिन नी आय हों कि मोर एगो महान राजा लेखे सेवा-सुसइर कराल जाई। मगर इकर लगिन आय हों कि मोंय खुद दोसर मनक सेवा-सुसइर करमूँ आउर ढेइर मनक पापमन से छुटकारा लगिन अपन जान देई देमूँ।”

यूहन्ना 10:11

बेस चरवाहा मोंय हेकों, बेस चरवाहा अपन भेड़ीमन लगिन अपन जीउ के बलिदान काइर देवेला।

यूहन्ना 10:15

एहे लेखे मोंय अपन भेड़ीमन के जानोना आउर मोर भेड़ीमन मोके जानैना, आउर मोंय अपन भेड़ीमन लगिन अपन जीउ के बलिदान काइर देवोना।

यूहन्ना 13:34

मोंय तोहरेमन के एगो नवाँ आगया देवाथों, ‘तोहरेमन एक दोसर से प्रेम करा।’ जइसन मोंय तोहरेमन से प्रेम करोना, ओहे लेखे तोहरेमन हों एक-दोसर से प्रेम करा।

यूहन्ना 3:16

काले कि परमेश्‍वर दुनिया केर आदमीमन से एइसन प्रेम करलक कि उ अपन एकलौता बेटा के देई देलक, ताकि जे केऊ उकर उपरे बिसवास करी, उ नाश नी होवी मगर जुग-जुग केर जिंदगी पावी।

खास चेलामन केर काम 20:28

से लगिन तोहरे खुद केर आउर उ दल केर रखवाली करा जेकर लगिन पवितर आत्मा तोहरे के अगुवा चुइन हे, ताकि तोहरे परमेश्‍वर केर कलीसिया केर देखभाल करबा, जेके उ अपन बेटा केर लोहू देई के कीन लेई हे।

रोमानियनमन 16:4

उमन मोर प्राण के बचाएक लगिन अपन प्राण केर खतरा मोल लेई रहैं, आउर सिरिफ मोंय हें निहीं, बल्कि परजाइत आदमीमन केर सोउब कलीसिया केर बिसवासीमन हों उमन के धन्यबाद देवैना।

रोमानियनमन 5:8

मगर परमेश्‍वर हमर उपरे अपन प्रेम केर भलाई इ रीति से दिस्तार करेला कि जब हमरे पापी हें रही तब मसीह हमर लगिन अपन प्राण देलक।

2 कुरिनथियनमन 4:12

से, इकर मतलब इ होलक कि हमरे लगातार माउत केर खतरा में पड़िला, मगर इकर बदली में तोहरे जुग-जुग केर जिंदगी पावाला।

इफिसियनमन 5:2

मसीह केर पिछा करते दोसरमन लगिन प्रेम से भरल जिंदगी जिया, जे तोहर से प्रेम करलक आउर तोहर पापमन के उठाएक लगिन खुद के बलिदान काइर देलक। उकर से परमेश्‍वर खुश रहे, काले कि उ बलिदान उकर लगिन महकेक वाला सेंट नियर रहे।

इफिसियनमन 5:25

हे पतिमन, अपन-अपन जनाना से प्रेम करा, जइसन कि मसीह हों कलीसिया से प्रेम काइर के उके शुद्ध करेक ले खुद के उकर लगिन देई देलक।

फिलिप्पियनमन 2:17

जब मोंय तोहरेमन के शुभ समाचार सुनालों, तो तोहरेमन प्रभु यीशु उपरे बिसवास करला आउर उकर सेवा लगिन अपने आप के बलिदान काइर देला। से लगिन अगर मोके शुभ समाचार सुनाएक खातिर माइर मोराय हों देवल जाय फिन भी मोंय खुश अहों आउर तोहर संगे खुश रहमूँ।

फिलिप्पियनमन 2:30

काले कि उ मसीह केर काम लगिन अपन जान केर खतरा उठाय के मौत केर भीरे पोंहइच जाय रहे, ताकि मोर सेवा केर काम में जे मदइत तोहरे दूर रहेक केर चलते नी करेक पारत रहा, उके उ पूरा करोक।

1थिस्सलुनीकियनमन 2:8

हमरे तोहरे के ढेइर प्रेम करिला से लगिन हमरे तोहरे के परमेश्‍वर केर शुभ समाचार भइर नी सुनाली मगर अपन प्राण हों तोहरेमन के देवेक लगिन तेयार रही, इ लगिन कि तोहरेमन हमर दुलारा होई जाय रहा।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

1 पतरस 1:18

तोहरेमन जानाला कि परमेश्‍वर तोहरे के तोहर बेकार रीति रिवाज से छोड़ाएक लगिन का चीज के इस्तेमाल करलक, जेके तोहरे अपन पुरखामन से सीख रहा, उ तोहरे के छोड़ाएक लगिन एइसन धन-दौलत केर इस्तेमाल नी करलक, जे चाँदी या सोना नियर नाश होई जायला। बल्कि परमेश्‍वर तोहरे के मसीह केर किमती लोहू से कीन हे, जे हमर पापमन केर खातिर बलि केर रूप में मोइर गेलक। उकर माउत हमर लगिन एगो सिद्ध बलि रहे, जइसन कि यहूदी पुरोहितमन केर द्वारा बलि चढ़ाएक वाला मेमना सिद्ध आउर बेगर कोनों दाग या दोष केर होवत रहे।

1 पतरस 2:24

जब मसीह क्रूस उपरे मोरलक, तो उ अपन काया में हमर पाप केर बदली में दंड के सहलक, उ एइसन इ लगिन करलक ताकि अब हमरे आगे पाप करेक छोइड़ के धरमी जिंदगी जियब, आउर उ अपन काया में माउर खाय के घवाहा होई गेलक जेकर से हमरे चंगा होई गेली।

1 पतरस 3:18

मोंय इ कहोना काले कि मसीह हों हमरे केर पापमन केर खातिर दुःख सहलक आउर मोइर गेलक। उ बस एक बेर मोरलक उके दोबारा फिन से मोरेक केर जरुरत नखे, उ एगो धरमी आदमी रहे जे पापी आदमीमन लगिन मोरलक कि उ हमरे के आबा परमेश्‍वर में लेगेग पारोक, उमन उकर काया के तो माइर मोरालैं मगर परमेश्‍वर उके पवितर आत्मा केर शक्ति से फिन से जिंदा काइर देलक।

1 यूहन्ना 2:6

अगर जे केऊ इ कहेला कि मोंय परमेश्‍वर में बनल रहोना, तो उके खुद ओइसनेहें रहेक चाही जइसन यीशु रहलक।

1 यूहन्ना 2:9

जे केऊ इ कहेला कि मोंय इंजोत में अहों आउर अपन बिश्वासी भाई से बैर रखेला, तो उ एखन तक अंधार में हें जियाथे।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 5:9

आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।