1 यूहन्ना 3:10 - सादरी नवाँ नियम

¹⁰ इकरे से परमेश्‍वर केर संतान आउर शैतान केर संतान चिन्हाल जायना, जे केऊ उ काममन के नी करेला जे परमेश्‍वर केर देखेक में ठीक अहे, तो उ परमेश्‍वर केर संतान ना लगे आउर ओहो ना लगे जे अपन भाई से प्रेम नी करेला।

1 यूहन्ना 3:10 Iomraidhean Croise

मत्ती 13:38

खेत दुनिया हेके, बेस बिहीन परमेश्‍वर केर राइज केर आदमीमन हेकैं। आउर जंगली बिहीन शैतान केर आदमीमन हेकैं।

लूका 6:35

मगर तोहरेमन अपन दुश्मनमन से प्रेम करा आउर उ मनक भलाई करा। आउर फिन पावेक केर आसरा राइख के उधरा ना देबा। तब तोहर इनाम महान होवी आउर तोहरेमन परमप्रधान केर संतान बाइन जबा, काले कि परमेश्‍वर बुरा आदमीमन केर आउर जेमन परमेश्‍वर के धन्यबाद नी देवैना, उ मनक उपरे हों दया करेला।

यूहन्ना 1:12

मगर जेतना आदमीमन उके अपनालैं आउर उकर उपरे बिसवास करलैं, उ सोउबमन के परमेश्‍वर केर संतान बनेक केर अधिकार देलक।

यूहन्ना 11:52

आउर यीशु ओहेमन लगिन सिरिफ नी मोरी, मगर उ परमेश्‍वर केर आउरो संतानमन लगिन मोरी, जेमन छितराल अहैं ताकि उमन के जमा करोक।

यूहन्ना 8:44

तोहर आबा शैतान हेके आउर तोहरेमन उकर इच्छा के हें पूरा करेक चाहाला। उ तो शुरु से हें हत्यारा अहे। आउर उके सच्चाई से कोनों लेना-देना नखे, काले कि सच्चाई उकर में हइये नखे। जब उ झूठ बोलेला, तो अपन स्वभाव केर मोताबिक बोलेला, काले कि उ झूठा हेके आउर झूठ केर आबा हेके।

यूहन्ना 8:47

जे केऊ परमेश्‍वर से नाता जोड़ेला, उ परमेश्‍वर केर गोइठमन के सुनेला मगर तोहरेमन केर परमेश्‍वर से कोनों नाता नखे, से लगिन परमेश्‍वर केर गोइठमन के नी सुनाला।”

खास चेलामन केर काम 13:10

“हे सोउब कपटी आउर सोउब चतुराई से भरल शैतान केर संतान! तोंय हरेक भला गोइठमन केर दुश्मन हेकिस, का तोंय प्रभु केर सोझ डहरमन के टेढ़ा करेक नी छोड़बे?

रोमानियनमन 13:8

एक दोसर से प्रेम करेक के छोइड़ के आउर कोनों गोइठ में केकरो कर्जदार ना होबा, काले कि जे दोसर से प्रेम करेला, ओहे मूसा केर नियम के पूरा काइर हे।

इफिसियनमन 5:1

तोहरे परमेश्‍वर केर दुलार छउवामन हेका, से लगिन तोहर स्वभाव परमेश्‍वर केर जइसन होवोक।

कुलुसियनमन 3:14

सोउब से खास काम जेके तोहरे के करेक चाही, उ इ हेके कि एक दोसर से प्रेम करा। एइसन काइर के तोहरे समूचा रीति से एक मन होई जावा।

1 तीमुथियुस 1:5

तोहरे के इ आगया देवेक केर मोर मकसद इ हेके कि तोहरे एक दोसर के सच्चा मन, शुद्ध बिवेक आउर पूरा बिसवास से प्रेम करा।

1 यूहन्ना 2:29

अगर तोहरेमन जानाला कि परमेश्‍वर धरमी हेके, तो एहो जानाला कि जे केऊ उ काम के करेला जे काम परमेश्‍वर केर नजइर में बेस हेके, तो उ परमेश्‍वर केर संतान हेके।

1 यूहन्ना 3:1

सोचा तो आबा परमेश्‍वर हमरेमन से कइसन प्रेम काइर हे। हमरेमन परमेश्‍वर केर संतान कहाइला आउर हकीकत में हमरेमन हेकी। मगर जेमन इ दुनिया केर हेकैं उमन नी जानैना कि हमरेमन परमेश्‍वर केर संतान हेकी, काले कि उमन परमेश्‍वर के हों नी जानैना।

1 यूहन्ना 3:2

हे दुलार भाई बहिनमन, अब हमरेमन परमेश्‍वर केर संतान हेकी आउर आवेक वाला दिनमन में हमरेमन कइसन होवब इ एखन तक दिस्तार नी होई हे। बस हमरेमन एतना हें जानिला कि जब मसीह देखाई देवी तो हमरेमन हों उकर नियर बाइन जाब, काले कि हमरेमन उके तइसनेहें देखब जइसन उ हकीकत में अहे।

1 यूहन्ना 4:21

आउर उकर से हमरेमन के इ आगया मिल हे कि जे केऊ परमेश्‍वर से प्रेम करेला उके अपन संगी बिसवासी से हों प्रेम करेक चाही।

1 यूहन्ना 4:6

हमरेमन परमेश्‍वर केर हेकी। जे परमेश्‍वर के जानेला, उ हमरेमन केर सुनेला, जे परमेश्‍वर के नी जानेला उ हमरेमन केर नी सुनेला। हमरेमन इ लेखे सच्चाई केर आत्मा आउर झूठा आत्मा के जाइन लेविला।

1 यूहन्ना 4:8

मगर जे एक दोसर से प्रेम नी करेला उ परमेश्‍वर के नी जानेला, काले कि परमेश्‍वर प्रेम हेके।

1 यूहन्ना 5:19

हमरेमन जानिला कि हमरे परमेश्‍वर बटले हेकी आउर समूचा दुनिया उ दुष्ट शैतान केर वश में पड़ल अहे।

1 यूहन्ना 5:2

जब हमरेमन परमेश्‍वर से प्रेम करिला आउर उकर आगयामन के मानिला, तो जाइन जाइला कि हमरेमन परमेश्‍वर केर संतानमन से प्रेम करिला।

3 यूहन्ना 1:11

हे दुलारा संगी, उमन केर नकल ना करबे जेमन बुरा काम करैना, मगर उमन केर नियर चलबे जेमन भलाई केर काम करैना। जे भलाई करेला उ परमेश्‍वर केर संतान हेके मगर जे बुराई करेला उ परमेश्‍वर के नी जानेला।