1 यूहन्ना 3:1 - सादरी नवाँ नियम

¹ सोचा तो आबा परमेश्‍वर हमरेमन से कइसन प्रेम काइर हे। हमरेमन परमेश्‍वर केर संतान कहाइला आउर हकीकत में हमरेमन हेकी। मगर जेमन इ दुनिया केर हेकैं उमन नी जानैना कि हमरेमन परमेश्‍वर केर संतान हेकी, काले कि उमन परमेश्‍वर के हों नी जानैना।

1 यूहन्ना 3:1 Iomraidhean Croise

लूका 20:36

उमन फिन कहियो नी मोरबैं, काले कि उमन स्वरग में परमेश्‍वर केर दूतमन नियर रहबैं आउर मोरलमन में से जी उठेक केर चलते उमन परमेश्‍वर केर संतान हों बाइन जबैं।

यूहन्ना 1:12

मगर जेतना आदमीमन उके अपनालैं आउर उकर उपरे बिसवास करलैं, उ सोउबमन के परमेश्‍वर केर संतान बनेक केर अधिकार देलक।

यूहन्ना 11:52

आउर यीशु ओहेमन लगिन सिरिफ नी मोरी, मगर उ परमेश्‍वर केर आउरो संतानमन लगिन मोरी, जेमन छितराल अहैं ताकि उमन के जमा करोक।

यूहन्ना 15:21

तोहरेमन मोर चेला हेका से लगिन उमन इ सोउब कुछ तोहर संगे करबैं, काले कि उमन मोके भेजेक वाला परमेश्‍वर के नी जानैना।

यूहन्ना 16:3

उमन एइसन इ लगिन करबैं काले कि उमन ना तो आबा परमेश्‍वर के जाइन हैं आउर ना मोके जाइन हैं।

यूहन्ना 17:25

हे धरमी आबा परमेश्‍वर, दुनिया केर आदमीमन तोके नी जानलैं, मगर मोंय तोके जानलों, आउर मोर चेलामन हों जानलैं कि तोंय हें मोके भेइज हिस।

यूहन्ना 3:16

काले कि परमेश्‍वर दुनिया केर आदमीमन से एइसन प्रेम करलक कि उ अपन एकलौता बेटा के देई देलक, ताकि जे केऊ उकर उपरे बिसवास करी, उ नाश नी होवी मगर जुग-जुग केर जिंदगी पावी।

रोमानियनमन 5:8

मगर परमेश्‍वर हमर उपरे अपन प्रेम केर भलाई इ रीति से दिस्तार करेला कि जब हमरे पापी हें रही तब मसीह हमर लगिन अपन प्राण देलक।

रोमानियनमन 8:19

काले कि परमेश्‍वर केर सिरजाल चीजमन आसरा भरल नजइर से परमेश्‍वर केर सच्चा संतानमन के दिस्तार होवेक केर डहर देखाथैं।

रोमानियनमन 8:21

आउर परमेश्‍वर केर सिरजाल चीजमन उ दिन के देखाथैं, जब उमन परमेश्‍वर केर संतानमन से, माउत आउर नाश होवेक से छूइट के महिमा से भरल आजादी केर संगे मिलबैं।

रोमानियनमन 8:32

परमेश्‍वर अपन नीज बेटा के हों नी बचालक, मगर उके हमरे सोउब केर खातिर दुश्मनमन के जिम्मा देई देलक, तो परमेश्‍वर उ सोउब कुछ के हों हमरे के देवी, जेके देवेक केर करार काइर हे।

2 कुरिनथियनमन 6:18

आउर मोंय तोहर आबा नियर होमूँ, आउर तोहरेमन मोर बेटा आउर बेटीमन नियर होबा, इ सर्वशक्तिमान प्रभु परमेश्‍वर केर बचन हेके।”

गलातियनमन 3:26

जब तोहरे यीशु मसीह केर नाँव से बपतिस्मा जल संस्कार लेला, तो तोहरे मसीह केर नवाँ जिंदगी के पिंध लेला, जइसन एगो आदमी नवाँ लुगा के पिंध लेवेला, से लगिन जब तोहरे सोउब यीशु मसीह उपरे बिसवास करला तो परमेश्‍वर केर संतान बाइन गेला।

गलातियनमन 3:29

जब तोहरेमन मसीह केर संगे एक जुट होई जाय हा, तो अब्राहम केर परिवार केर होई गेला आउर करार करल परमेश्‍वर केर आशीषमन केर हिस्सेदार बनला।

कुलुसियनमन 3:3

काले कि तोहरेमन तो पाप केर स्वभाव लगिन मोइर गेला, आउर अब तोहर नवाँ जिंदगी मसीह केर संगे परमेश्‍वर में लुकल अहे।

1 यूहन्ना 3:10

इकरे से परमेश्‍वर केर संतान आउर शैतान केर संतान चिन्हाल जायना, जे केऊ उ काममन के नी करेला जे परमेश्‍वर केर देखेक में ठीक अहे, तो उ परमेश्‍वर केर संतान ना लगे आउर ओहो ना लगे जे अपन भाई से प्रेम नी करेला।

1 यूहन्ना 3:2

हे दुलार भाई बहिनमन, अब हमरेमन परमेश्‍वर केर संतान हेकी आउर आवेक वाला दिनमन में हमरेमन कइसन होवब इ एखन तक दिस्तार नी होई हे। बस हमरेमन एतना हें जानिला कि जब मसीह देखाई देवी तो हमरेमन हों उकर नियर बाइन जाब, काले कि हमरेमन उके तइसनेहें देखब जइसन उ हकीकत में अहे।

1 यूहन्ना 4:17

इकरे से प्रेम हमरेमन में सिद्ध होलक कि हमरे के फैसला केर दिन साहस होवोक कि उ हमरे के सजा नी देवी, काले कि हमरेमन इ दुनिया में यीशु केर नियर जिंदगी जियिला।

प्रकाशितवाक्य 21:7

जे जीत जाई, ओहे इ चीजमन केर हकदार होवी। आउर मोंय उकर परमेश्‍वर होमूँ, आउर उ मोर बेटा होवी।