1 यूहन्ना 2:8 - सादरी नवाँ नियम

⁸ मगर अब जे आगया मोंय लिखाथों उ नवाँ आगया हेके, काले कि इकर सच्चाई मसीह में दिस्तार देलक आउर तोहरेमन में हों दिस्तार देवेला, काले कि अंधार मेटते जायला आउर सच्चाई केर इंजोत एखन चमकेक लाइग हे।

1 यूहन्ना 2:8 Iomraidhean Croise

मत्ती 4:16

इ आदमीमन पाप रुपी अंधार में रहत रहैं, इमन पापमन केर सजा से बचेक केर डहर देखलैं, आउर जे आदमीमन अंधार केर परदेस में आत्मा से मोरल रहैं, उमन के जिंदगी पावेक केर डहर दिसलक।”

लूका 1:79

ताकि उ पाप में जिंदगी बिताएक वाला आउर जुग-जुग केर मौत केर खतरा में पड़ल आदमीमन के डहर देखाओक आउर हमर कदम के शांति केर डहर में आगे लेगोक।”

यूहन्ना 1:9

जे सच्चा इंजोत हेके आउर सोउब आदमीमन के इंजोत करेला, दुनिया में आवेक वाला रहे।

यूहन्ना 12:35

यीशु उमन से कहलक, “इंजोत अब थोरे हें देरी तोहर माझे रही, जब तक इंजोत तोहर संगे अहे तोहरेमन आगे बढ़ते रहा कहीं एइसन ना होवोक कि अंधार आय के तोहरेमन के घेइर लेवी, जे अंधार में हिंठेला उ नी जानेला कि उ कोन बटे जाथे।

यूहन्ना 12:46

मोंय इंजोत बाइन के दुनिया में आय हों, ताकि जे केऊ मोर उपरे बिसवास करी, उ अंधार में ना रहोक।

यूहन्ना 13:34

मोंय तोहरेमन के एगो नवाँ आगया देवाथों, ‘तोहरेमन एक दोसर से प्रेम करा।’ जइसन मोंय तोहरेमन से प्रेम करोना, ओहे लेखे तोहरेमन हों एक-दोसर से प्रेम करा।

यूहन्ना 8:12

यीशु फिन आदमीमन से कहलक, “दुनिया केर दीया मोंय हेकों। जे मोर पिछे होई लेवी, आउर मोर चेला बनी, उ अंधार में नी चली, मगर जिंदगी केर इंजोत पावी।”

खास चेलामन केर काम 17:30

अब तक तो परमेश्‍वर आदमीमन केर नी जानेक केर चलते इके अनदेखा करते आय हे, मगर अब उकर आगया इ हेके कि हर ठाँव केर सोउब आदमीमन पाप करेक छोइड़ देवोक।

खास चेलामन केर काम 26:18

मोंय तोके उ मनक आँइख खोलेक लगिन, उमन के अंधार से इंजोत में लानेक लगिन, मतलब शैतान केर अधिकार से छोड़ाय के परमेश्‍वर बटे लानेक लगिन उमन ठिना भेजाथों। जेकर से उमन मोर उपरे बिसवास काइर के अपन पापमन केर क्षमा पाओक आउर पवितर करल आदमीमन केर माझे अपन ठाँव के पाओक।’

रोमानियनमन 13:12

इ बुरा दुनिया में हमर रहेक केर बेरा लगभग सिराय जाय हे। जइसन कि राइत ढेइर बीत जाय हे आउर दिन होवेक वाला अहे, आउर मसीह केर घूइर आवेक केर बेरा भीरे पोंहइच जाय हे। से लगिन हमरे के अंधार केर काममन के छोइड़ देवेक अहे, आउर हमरे के ओहे काममन के करेक अहे, जे बुरा काममन के करेक से रोकेला, जइसन सिपाही अपन हँथियार के इंजोत में धारण काइर के रहेला।

2 कुरिनथियनमन 8:9

तोहरेमन हमर प्रभु यीशु मसीह केर किरपा के जानाला कि उ धनी होई के हों तोहरे लगिन गरीब बाइन गेलक, ताकि उकर गरीब बाइन जाएक से तोहरेमन धनी बाइन जबा।

इफिसियनमन 5:8

तोहरेमन तो पहिले शैतान केर कब्जा में रहा, मगर अब परमेश्‍वर केर होई गेला, से लगिन अब परमेश्‍वर केर संतानमन नियर चला।

2 तीमुथियुस 1:10

अब हमर छुटकारा देवाइया यीशु मसीह आय जाहे आउर हमरे के अपन किरपा देखाय हे। उ माउत केर शक्ति के नाश काइर देलक, आउर शुभ समाचार केर शक्ति से जुग-जुग केर जिंदगी पावेक लगिन डहर देखालक।

1 पतरस 1:21

यीशु मसीह जे हमर लगिन करलक उकर चलते तोहरे अब परमेश्‍वर उपरे आसरा कराला। उ ओहे हेके जे यीशु मसीह के मोरेक केर पाछे फिन जिंदा करलक आउर उके महिमा देलक। से लगिन तोहरे बिसवास कराला आउर परमेश्‍वर उपरे तोहर उमीद अब पक्का अहे।

1 यूहन्ना 3:23

आउर उकर आगया इ हेके कि हमरे उकर बेटा यीशु मसीह केर नाँव उपरे बिसवास करब आउर जइसन उ हमरे के आगया देई हे उकरे मोताबिक एक दोसर से प्रेम करब।

1 यूहन्ना 4:11

हे दुलारा भाईमन, जब परमेश्‍वर हमरेमन से एइसन प्रेम करलक, तो हमरेमन के हों एक दोसर से प्रेम करेक चाही।

1 यूहन्ना 4:21

आउर उकर से हमरेमन के इ आगया मिल हे कि जे केऊ परमेश्‍वर से प्रेम करेला उके अपन संगी बिसवासी से हों प्रेम करेक चाही।