1 यूहन्ना 2:5 - सादरी नवाँ नियम

⁵ मगर जे केऊ परमेश्‍वर केर बचन केर मोताबिक चलेला, उकर में सचमुच परमेश्‍वर केर प्रेम सिद्ध होई हे। इकरे से हमरे जानिला कि हमरे उकर में बनल अही।

1 यूहन्ना 2:5 Iomraidhean Croise

लूका 11:28

यीशु कहलक, “हाँ, मगर उमन बगरा धाइन अहैं, जेमन परमेश्‍वर केर बचन के सुनैना, आउर उकर मोताबिक चलैना।”

यूहन्ना 14:21

जेमन मोर आगया के जानैना आउर उके मानैना, ओहेमन मोर से प्रेम करैना, आउर जेमन मोर से प्रेम करैना, उमन से मोर आबा परमेश्‍वर प्रेम करी, आउर मोंय हों उमन से प्रेम करमूँ, आउर उ मनक उपरे खुद के दिस्तार करमूँ।”

यूहन्ना 14:23

यीशु उके जबाब देलक, “मोंय खुद के एइसन आदमीमन उपरे दिस्तार करोना, जेमन मोर से प्रेम करैना आउर मोर बचन के मानैना। उमन से मोर आबा परमेश्‍वर हों प्रेम करी, आउर हमरे उमन ठिना आवब आउर उमन संगे रहब।

यूहन्ना 15:5

मोंय अंगूर केर बुदा नियर अहों, तोहरेमन उकर लरंग नियर अहा, जे लेखे लरंग अंगूर केर बुदा में जुड़ल रहेला, तब उ फारेला, सेहे नियर जे मोर में बनल रहेला आउर मोंय उकर में बनल रहोना, तो उ बगरा फरेला, काले कि मोर से अलग होई के तोहरेमन कोनोवें करेक नी पारबा।

यूहन्ना 6:56

जे मोर माँस के खायला आउर मोर लोहू के पियेला, उ मोर में बनल रहेला, आउर मोंय उकर में बनल रहोना।

रोमानियनमन 8:1

से लगिन अब जेमन मसीह यीशु में अहैं, उमन के परमेश्‍वर दंड नी देवी। (काले कि उमन काया केर मोताबिक निहीं बल्कि आत्मा केर मोताबिक चलैना।)

1 कुरिनथियनमन 1:30

मगर परमेश्‍वर तोहरे के यीशु मसीह में एक काइर हे, जेकर से उ हमरे के अपन गेयान देई हे। आउर परमेश्‍वर हमरे के अपन देखेक में धरमी हों बनायला, यीशु मसीह केर चलते हमरे पवितर बनाल जाय ही आउर यीशु मसीह हमरे के पाप से छुटकारा देई हे।

2 कुरिनथियनमन 5:17

अगर केकरो रिश्ता मसीह केर संगे अहे, तो उ नवाँ सिरजन हेके, पुरना पापी स्वभाव दूर होई गेलक, देखा, नवाँ जिंदगी केर शुरुवात होई गेलक।

2 कुरिनथियनमन 5:21

मसीह, जे पाप से अनजान रहे, उखे परमेश्‍वर हमर लगिन पाप ठहरालक, ताकि हमरे उकर नजइर में धरमी बनेक पारब, काले कि मसीह हमरे केर पापमन केर दंड के अपन उपरे उठाय लेलक।

याकूब 2:22

देखा, अब्राहम ना सिरिफ परमेश्‍वर उपरे बिसवास काइर रहे मगर उ, ओहो काममन के काइर रहे जे परमेश्‍वर करेक लगिन कइह रहे, आउर उकर बिसवास उकर काममन केर चलते सिद्ध होलक।

1 यूहन्ना 3:24

आउर जे परमेश्‍वर केर आगयामन के मानेला उ परमेश्‍वर में आउर परमेश्‍वर उकर में बनल रहेला। आउर इकरे से हमरेमन जानिला कि उ हमर में बास करेला, काले कि उ हमरे के अपन आत्मा देई हे।

1 यूहन्ना 4:17

इकरे से प्रेम हमरेमन में सिद्ध होलक कि हमरे के फैसला केर दिन साहस होवोक कि उ हमरे के सजा नी देवी, काले कि हमरेमन इ दुनिया में यीशु केर नियर जिंदगी जियिला।

1 यूहन्ना 4:18

प्रेम में डार नी होवेला मगर सिद्ध प्रेम डार के दूर काइर देवेला, काले कि डार केर नाता सजा से होवेला आउर जे डरायला उ प्रेम में सिद्ध नी होई हे।

1 यूहन्ना 5:2

जब हमरेमन परमेश्‍वर से प्रेम करिला आउर उकर आगयामन के मानिला, तो जाइन जाइला कि हमरेमन परमेश्‍वर केर संतानमन से प्रेम करिला।

1 यूहन्ना 5:20

हमरेमन एहो जानिला कि परमेश्‍वर केर बेटा यीशु मसीह इ दुनिया में आय जाय हे आउर उ हमरेमन के समझ देई हे कि हमरे उ सच्चा परमेश्‍वर के चिन्हब, हमरेमन उकर में जे सच्चाई हेके मतलब उकर बेटा यीशु मसीह में रहिला। सच्चा परमेश्‍वर आउर जुग-जुग केर जिंदगी एहे हेके।

2 यूहन्ना 1:6

सच्चा प्रेम इ हेके कि हमरे परमेश्‍वर केर आगयामन केर मोताबिक चलब। इ ओहे आगया हेके, जेके तोहरेमन शुरु से सुइन हा आउर तोहरे के इकर में चलेक हों चाही।

प्रकाशितवाक्य 12:17

तब अजगर जनाना उपरे ढेइर खिसाय गेलक, आउर उकर बचल छउवामन से जे परमेश्‍वर केर आगया के मानैना आउर यीशु केर बारे में देवल गवाही में स्थिर अहैं, लड़ेक लगिन गेलक।

प्रकाशितवाक्य 14:12

अब पवितर आदमीमन केर धीरज इकरे में अहे, जे परमेश्‍वर केर आगयामन के मानैना आउर यीशु केर उपरे बिसवास रखैना।