1 यूहन्ना 2:4 - सादरी नवाँ नियम

⁴ जे केऊ कहेला, “मोंय परमेश्‍वर के जानोना,” आउर उकर आगयामन के नी मानेला, तो उ झूठा हेके आउर परमेश्‍वर केर सच्चाई उकर में नखे।

1 यूहन्ना 2:4 Iomraidhean Croise

यूहन्ना 8:44

तोहर आबा शैतान हेके आउर तोहरेमन उकर इच्छा के हें पूरा करेक चाहाला। उ तो शुरु से हें हत्यारा अहे। आउर उके सच्चाई से कोनों लेना-देना नखे, काले कि सच्चाई उकर में हइये नखे। जब उ झूठ बोलेला, तो अपन स्वभाव केर मोताबिक बोलेला, काले कि उ झूठा हेके आउर झूठ केर आबा हेके।

तीतुस 1:10

मोंय एइसन इ लगिन कहाथों, काले कि ढेइर आदमीमन सही शिक्षा केर बिरोध में ठड़ाय हैं, जेमन बेकार गोइठमन के सिखायना आउर दोसरमन के धोखा देवैना। खास काइर के उ यहूदीमन एइसन करैना जेमन बिसवासी बाइन हैं। उमन इ चाहैना कि सोउब बिसवासीमन यहूदी नियम केर मोताबिक खतना करवाओक।

तीतुस 1:16

झूठा सिखाएक वलामन कहैना, हमरे परमेश्‍वर के जानिला, मगर उ मनक काम सफा-सफा बतायला कि उमन परमेश्‍वर के नी जानैना। काले कि उमन घिनघिना आउर आगया नी मानेक वाला हेकैं, आउर कोनों बेस काम केर लाएक नखैं।

1 यूहन्ना 1:10

अगर हमरे कहब कि पाप नी काइर ही, तो हमरे परमेश्‍वर के झूठा ठहराइला, आउर उकर बचन हमरे में नखे।

1 यूहन्ना 1:6

अगर हमरे कहब कि परमेश्‍वर केर संगे हमरे मिलल अही, आउर फिन बुरा काम करब तो हमरे झूठा हेकी आउर सच्चाई में नी चलिला।

1 यूहन्ना 1:8

अगर हमरे कहब, कि हमर में कोनोवें पाप नखे, तो खुद के धोखा देवीला आउर हमर में सच्चाई नखे।

1 यूहन्ना 2:3

अगर हमरे परमेश्‍वर केर आगयामन के मानब तो उकरे से हमरे के पता चली कि हमरेमन उके जानिला।

1 यूहन्ना 2:9

जे केऊ इ कहेला कि मोंय इंजोत में अहों आउर अपन बिश्वासी भाई से बैर रखेला, तो उ एखन तक अंधार में हें जियाथे।

1 यूहन्ना 3:6

जे केऊ मसीह में बनल रहेला उ पाप करते नी रहेला। जे केऊ पाप करेला उ ना तो मसीह के देइख हे आउर ना उके जाइन हे।

1 यूहन्ना 4:20

अगर केऊ कही कि मोंय परमेश्‍वर से प्रेम करोना आउर अपन संगी बिसवासी से बैर करी तो उ झूठा हेके। काले कि जे अपन संगी बिसवासी से जेके उ देइख हे प्रेम नी करेला, तो उ परमेश्‍वर से हों जेके उ नी देइख हे प्रेम करेक नी पारी।

1 यूहन्ना 4:7

हे मोर दुलार भाई-बहिनमन, हमरेमन एक दोसर से प्रेम करब, काले कि प्रेम परमेश्‍वर केर संतान हेके, आउर जे केऊ एक दोसर से प्रेम करेला, उ हों परमेश्‍वर केर संतान हेके आउर परमेश्‍वर के जानेला।