1 यूहन्ना 2:2 - सादरी नवाँ नियम

² ओहे हमर पापमन केर मुक्ति लगिन खुद के बलिदान काइर देलक आउर सिरिफ हमरे केर पाप लगिन निहीं, मगर गोटा दुनिया केर आदमीमन केर पाप लगिन बलिदान काइर देलक।

1 यूहन्ना 2:2 Iomraidhean Croise

लूका 14:22

धांगर जाय के तइसनेहें आदमीमन के बतालक, फिन घूइर आय के मालिक से कहलक, ‘हे मालिक, जइसन तोंय कइह रहिस, तइसनेहें मोंय करलों, मगर भोज घर में आउर हें ठाँव बचल अहे।’

यूहन्ना 1:29

दूसरा दिन यूहन्ना यीशु के अपन बटे आते देइख के कहलक, “देखा, इ परमेश्‍वर केर मेमना हेके, जे खुद के बलिदान काइर के दुनिया केर पाप के उठाय लेवी।

यूहन्ना 12:32

आउर जब मोंय धरती से क्रूस उपरे चढ़ाल जामूँ, तो सोउब आदमीमन के अपन बटे लानमूँ।”

यूहन्ना 4:42

आउर उ जनाना से कहलैं, “अब हमरे सिरिफ तोर कहेक से भइर बिसवास नी करिला। हमरे खुद हें उकर से सुइन लेई ही आउर हमरे जाइन गेली कि एहे सचमुच में दुनिया केर आदमीमन केर छुटकारा देवाइया हेके।”

इब्रानीमन 2:17

इ लगिन कि उके आउर बिसवासी भाई-बहिनमन नियर बाइन जाएक बिलकुल हें जरुरी रहे, इ नियर उ परमेश्‍वर केर महापुरोहित बनलक जे कि दयालु आउर बिसवास लायक अहे, ताकि उकर बलि केर जरिया से आदमीमन के उमन केर पापमन से क्षमा मिलेक पारोक

1 पतरस 2:24

जब मसीह क्रूस उपरे मोरलक, तो उ अपन काया में हमर पाप केर बदली में दंड के सहलक, उ एइसन इ लगिन करलक ताकि अब हमरे आगे पाप करेक छोइड़ के धरमी जिंदगी जियब, आउर उ अपन काया में माउर खाय के घवाहा होई गेलक जेकर से हमरे चंगा होई गेली।

1 पतरस 3:18

मोंय इ कहोना काले कि मसीह हों हमरे केर पापमन केर खातिर दुःख सहलक आउर मोइर गेलक। उ बस एक बेर मोरलक उके दोबारा फिन से मोरेक केर जरुरत नखे, उ एगो धरमी आदमी रहे जे पापी आदमीमन लगिन मोरलक कि उ हमरे के आबा परमेश्‍वर में लेगेग पारोक, उमन उकर काया के तो माइर मोरालैं मगर परमेश्‍वर उके पवितर आत्मा केर शक्ति से फिन से जिंदा काइर देलक।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।

1 यूहन्ना 3:5

तोहरेमन जानाला कि यीशु मसीह दुनिया में इ लगिन आलक कि पापमन के मेटाय देवोक, आउर यीशु मसीह में कोनोवें पाप नखे।

1 यूहन्ना 4:10

सच्चा प्रेम इकर में नखे कि हमरेमन परमेश्‍वर से प्रेम करली मगर इकर में अहे कि परमेश्‍वर हमरेमन से प्रेम करलक आउर हमरेमन केर पापमन से मुक्ति लगिन अपन बेटा के बलिदान होवेक लगिन भेजलक।

1 यूहन्ना 4:14

हमरेमन बेटा के देइख ही आउर गवाही देवीला कि आबा परमेश्‍वर बेटा के इ दुनिया केर आदमीमन के पापमन से छुटकारा देवेक लगिन भेजलक।

1 यूहन्ना 5:19

हमरेमन जानिला कि हमरे परमेश्‍वर बटले हेकी आउर समूचा दुनिया उ दुष्ट शैतान केर वश में पड़ल अहे।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।