1 यूहन्ना 2:12 - सादरी नवाँ नियम

¹² हे दुलार छउवामन, मोंय तोहरेमन के इ लगिन लिखाथों कि यीशु मसीह केर नाँव से तोहरेमन केर पाप क्षमा होलक।

1 यूहन्ना 2:12 Iomraidhean Croise

लूका 24:47

आउर यरुशलेम शहर से लेई के सोउब जाइत केर आदमीमन में, पसताप काइर के पापमन के छोड़ेक केर आउर पापमन केर क्षमा केर परचार उकरे नाँव से करल जाई।

लूका 5:20

यीशु इ जानलक कि उ आदमीमन मोर उपरे बिसवास करैना कि मोंय ठीक करेक पारोना, उ लकवा मारल आदमी से कहलक, “हे आदमी, मोंय तोर पाप के क्षमा करोना।”

खास चेलामन केर काम 10:43

ओहे यीशु केर बारे में परमेश्‍वर केर संदेश के बताएक वाला सोउब आदमीमन गवाही देवैना कि जे केऊ यीशु केर उपरे बिसवास करी, उके उकर नाँव से पापमन केर क्षमा मिली।”

खास चेलामन केर काम 13:38

से लगिन, हे भाईमन, तोहरे इ जाइन लेवा कि एहे यीशु मसीह बटले तोहरे के इ पापमन केर क्षमा केर सुसमाचार देवल जायला।

खास चेलामन केर काम 4:12

यीशु केर अलावा आउर केऊ दोसर से छुटकारा नी मिली, काले कि गोटा दुनिया में आदमीमन केर माझे, कोनों दोसर नाँव नी देवल जाय हे, जेकर से हमरे के छुटकारा मिली।”

1 कुरिनथियनमन 6:11

आउर तोहर में से थोरेक आदमीमन पहिले एइसनेहें रहैं, मगर अब तोहरेमन केर पापमन धोवाय गेलक, आउर अब तोहरे परमेश्‍वर लगिन अलग होई गेला, तोहरे परमेश्‍वर केर देखेक में धरमी ठहराल गेला काले कि प्रभु यीशु मसीह आउर परमेश्‍वर केर आत्मा तोहर लगिन एइसन काइर हे।

इफिसियनमन 1:7

हमरे के परमेश्‍वर केर ढेइर किरपा से यीशु मसीह केर लोहू बहाएक केर चलते छुटकारा मिल हे, मतलब पापमन केर क्षमा मिल हे।

इफिसियनमन 4:32

आउर एक दोसर उपरे किरपा आउर दयालु होवा, आउर जइसन परमेश्‍वर मसीह में होई के तोहर गुन्हा के क्षमा करलक, तइसनेहें तोहरेमन हों एक दोसर केर गुन्हा के क्षमा काइर देवा।

कुलुसियनमन 1:14

जेकर में हमरे के उकर लोहू से छुटकारा मतलब पापमन केर क्षमा मिलेला।

1 यूहन्ना 1:4

आउर इ गोइठमन के हमरे इ लगिन लिखिला कि तोहरेमन केर खुशी पूरा होई जाओक।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।

1 यूहन्ना 1:9

अगर हमरे अपन पापमन के माइन लेवब, तो उ हमर पापमन के क्षमा करेक, आउर हमरे के सोउब अधरम से शुद्ध करेक में बिसवास लाएक आउर धरमी हेके।

1 यूहन्ना 2:1

हे मोर छउवामन, मोंय इ गोइठ तोहरेमन के इ लगिन लिखाथों कि तोहरेमन पाप ना करा। अगर केऊ पाप करी तो आबा परमेश्‍वर ठिना हमर लगिन एगो मदइत करेक वाला अहे, जे हमरे केर पापमन के क्षमा करेक लगिन उकर से प्रार्थना करेला, मतलब उ यीशु मसीह हेके जे धरमी अहे।

1 यूहन्ना 2:21

मोंय तोहरेमन के इ लगिन नी लिखाथों कि तोहरेमन सच्चाई के नी जानाला, मगर इ लगिन कि तोहरेमन उके जानाला, आउर एहो जानाला कि कोनोवें झूठा शिक्षा, उ सच्चाई से नी निकलेला, जे सच्चाई के परमेश्‍वर देखाय हे।

1 यूहन्ना 2:7

हे दुलार भाई बहिनमन, मोंय तोहरेमन के कोनों नवाँ आगया नी लिखाथों, मगर ओहे पुरना आगया जे शुरु से तोहरेमन के मिल हें, इ पुरना आगया उ बचन हेके जेके तोहरेमन सुइन हा।