1 यूहन्ना 2:11 - सादरी नवाँ नियम

¹¹ मगर जे केऊ अपन भाई से बैर करेला, उ अंधार में अहे आउर अंधार में चलेला, आउर नी जानेला कि उ कहाँ जायला, काले कि अंधार उकर आँइख के अंधरा काइर देई हें।

1 यूहन्ना 2:11 Iomraidhean Croise

यूहन्ना 12:35

यीशु उमन से कहलक, “इंजोत अब थोरे हें देरी तोहर माझे रही, जब तक इंजोत तोहर संगे अहे तोहरेमन आगे बढ़ते रहा कहीं एइसन ना होवोक कि अंधार आय के तोहरेमन के घेइर लेवी, जे अंधार में हिंठेला उ नी जानेला कि उ कोन बटे जाथे।

यूहन्ना 12:40

“परमेश्‍वर उ मनक आँइख के अंधरा काइर देलक, ताकि उमन ना देखोक, आउर उ मनक दिमाग के बंद काइर देलक, ताकि उमन ना बुझोक, कहीं एइसन ना होवोक कि उमन देइख के आउर बुइझ के मोर बटे घूइर आबैं आउर मोंय उमन के ठीक काइर देमूँ।”

2 कुरिनथियनमन 3:14

मगर उ मनक मन कठोर होई गेलक, काले कि आइज तक पुरना नियम के पढ़ेक बेरा उ मनक हिरदय में ओहे परदा ढाँपल रहेला, उ परदा सिरिफ मसीह में बिसवास करेक से उइठ जायला।

2 कुरिनथियनमन 4:4

आउर उ अबिसवासीमन नी बुझैना, जे मनक बुद्धि के इ दुनिया केर ईश्‍वर शैतान अंधरा काइर देई हे, ताकि उमन मसीह केर महिमा केर बारे में आवेक वाला शुभ समाचार केर इंजोत के देखेक नी पारबैं, जे परमेश्‍वर कइसन अहे इके देखायला।

तीतुस 3:3

काले कि हमरे हों बिसवासी बनेक से पहिले निरबुद्धि, आउर आगया नी मानेक वाला, आउर भ्रम में पड़ल रही, आउर लगातार रकम-रकम केर बुरा काममन के करत रही, आउर सुख बिलास केर काममन के करेक में बंधाल रही, आउर हमरे अपन समय के दुष्ट काममन के करेक में बितात रही, आउर दोसरमन से हिसिंगा-डाह करेक में जिंदगी के बितात रही, दोसरमन हमरे से नफरत करत रहैं आउर हमरे एक दोसर संगे नफरत करत रही।

2 पतरस 1:9

आउर जेकर में इ गोइठमन नखे, उ अंधरा अहे। उ भुलाय गेलक कि परमेश्‍वर उकर उ पापमन के माफ काइर देई हे, जेके उ मसीह में बिसवास करेक से पहिले काइर रहे।

1 यूहन्ना 1:6

अगर हमरे कहब कि परमेश्‍वर केर संगे हमरे मिलल अही, आउर फिन बुरा काम करब तो हमरे झूठा हेकी आउर सच्चाई में नी चलिला।

1 यूहन्ना 2:10

जे केऊ अपन बिश्वासी भाई से प्रेम करेला उ इंजोत में रहेला। उकर में एइसन कोनों नखे कि उ दोसर मनक पाप केर कारण बनी।

1 यूहन्ना 2:9

जे केऊ इ कहेला कि मोंय इंजोत में अहों आउर अपन बिश्वासी भाई से बैर रखेला, तो उ एखन तक अंधार में हें जियाथे।

1 यूहन्ना 3:15

जे केऊ अपन बिसवासी भाई-बहिनमन से बैर करेला, उ हत्यारा हेके आउर तोहरेमन जानाला कि केऊ हत्यारा ठिना जुग-जुग केर जिंदगी नखे।

1 यूहन्ना 4:20

अगर केऊ कही कि मोंय परमेश्‍वर से प्रेम करोना आउर अपन संगी बिसवासी से बैर करी तो उ झूठा हेके। काले कि जे अपन संगी बिसवासी से जेके उ देइख हे प्रेम नी करेला, तो उ परमेश्‍वर से हों जेके उ नी देइख हे प्रेम करेक नी पारी।

प्रकाशितवाक्य 3:17

तोंय कहिसला कि मोंय धनी हेकों, आउर धनवान होई जाय हों आउर मोके कोनों चीज केर घटी नखे, आउर इ नी जानिसला कि तोंय अभागा, तुच्छ, गरीब, अंधरा आउर नंगा अहिस।