1 यूहन्ना 2:10 - सादरी नवाँ नियम

¹⁰ जे केऊ अपन बिश्वासी भाई से प्रेम करेला उ इंजोत में रहेला। उकर में एइसन कोनों नखे कि उ दोसर मनक पाप केर कारण बनी।

1 यूहन्ना 2:10 Iomraidhean Croise

मत्ती 13:21

मगर उ बचन के अपन मन में भीतरे तक बसेक नी देवेला, उ थोरेक दिन लगिन रहेला। आउर जब बचन केर चलते उकर उपरे बिपइत या ससइत आवेला, तो उ तुरते परमेश्‍वर केर बचन उपरे बिसवास करेक छोइड़ देवेला।

मत्ती 18:7

दुनिया में बिसवास से भटकाएक वाला आदमीमन जरूर हें होबैं, मगर हाय! उ मनक उपरे जेमन मोर उपरे बिसवास करेक वालामन के भटकायना।

यूहन्ना 11:9

यीशु उमन के जबाब देलक, “दिन केर इंजोत बारह घंटा रहेला, जेमन दिन में हिंठैना उमन नी ठेसायना, काले कि उमन इ दुनिया केर इंजोत के देखैना।

यूहन्ना 12:35

यीशु उमन से कहलक, “इंजोत अब थोरे हें देरी तोहर माझे रही, जब तक इंजोत तोहर संगे अहे तोहरेमन आगे बढ़ते रहा कहीं एइसन ना होवोक कि अंधार आय के तोहरेमन के घेइर लेवी, जे अंधार में हिंठेला उ नी जानेला कि उ कोन बटे जाथे।

यूहन्ना 8:31

जे यहूदी आदमीमन उकर उपरे बिसवास करलैं, उमन से यीशु कहलक, “अगर तोहरेमन मोर बचन में बनल रहबा, तो सचमुच मोर चेला ठहरबा।

रोमानियनमन 14:13

से लगिन अब से आगे हमरे एक दोसर उपरे दोष नी लगाब, मगर तोहरेमन इ ठाइन लेवा कि दोसर बिसवासी के पाप करवाएक वाला नी बनब।

फिलिप्पियनमन 1:10

ताकि तोहरेमन इ चुनाव करेक केर लायक बाइन जबा कि कोन रकम केर काम करेक उचित अहे, ताकि मसीह केर दोबारा घूइर आवेक दिन तक पवितर आउर निरदोष बनल रहबा, आउर ठोकर नी खाबा।

2 पतरस 1:10

इ खातिर, बिसवासी भाईमन खुद के आउर दोसर आदमीमन के इ देखाएक लगिन आउर हें बेस ब्यवहार करेक केर कोशिश करा कि परमेश्‍वर हकीकत में तोहरे के चुइन हे, आउर अपन होवेक लगिन बोलाय हे। अगर तोहरे एइसन करबा तो सच में तोहरे परमेश्‍वर से अलग नी होबा।

1 यूहन्ना 2:11

मगर जे केऊ अपन भाई से बैर करेला, उ अंधार में अहे आउर अंधार में चलेला, आउर नी जानेला कि उ कहाँ जायला, काले कि अंधार उकर आँइख के अंधरा काइर देई हें।

1 यूहन्ना 3:14

हमरेमन जानिला कि हमरे माउत से पार होई के जुग-जुग केर जिंदगी में पोंहइच ही, काले कि हमरेमन बिसवासी भाई-बहिनमन से प्रेम करिला। जेमन प्रेम नी करैना उमन माउत केर दशा में रहैना।